من الخائن
انين الرووح
بارت ١٠
قاسم حتى يلعب ويانه مو كتلج لازم نخليهم يحبون بعض
اقبال ..ان شالله خير
اقبال.. بدينه نلعب وعيني ع مهدي باله ابد مو ويانه احسه تعبان ومهموم وشايل ثكل ع كتافه
كل شويه يجر حصره ويتنهد
عصري كلبي حيل تمنيت احضنه وطبطب عليه وخفف من همه
صار العب حلووو حيل والحماس صار اقوه والكل فرحان ويضحك ما عده مهدي ضحكته كوه تطلع صارت ساعه وحده بالليل وجان يكوم مهدي
مهدي ..اسمحولي اني بعد لان مجاي ارتاح
زهراء ..شبيك حبيبي حاس ابشي
لا والله يازهوره بس مختنك
خاف من وره ايه
مهدي ..لا لا هاي شنو ومنو هيه حتى تقهرني
عفتهم وطلعت
دخلت غرفتي مددت ع فراشي جتي عيني عالصفحه الثانيه من الفراش اليوم افراشج خالي يا ايه ليش هيج سويتي ليش تمنعين نفسج من الحمل ابشنو قصرت وياج
ولج ليش اريدج تفهميني لا تضلين تسكتين
حاولت انام بس ما جالي نوم ابد حاولت اطلع من غرفتي اروح اسويلي جاي لان راسي سطرني من كثره التفكير بايه
اقبال ..من عافنه مهدي ودخل غرفته احنه ظلينه نلعب للساعه ٣ الفجر بس اني كنت مو وياهم بالي كله يم مهدي لان خطيه اليوم حالته حاله مو سهله عليه يعرف زوجته متريد تخلف منه هاي تعتبر تقليل من شأن الرجل وهذا الشي صعب حيل
كمنه وكلمن راح ينام واني تمددت عالفراش وطارت النومه من عيوني اباوع البنات كامآ يشخرا ههههههههههههه
اريد انام والنوب اعطشت دورت ماي ماكو بالغرفه كمت اريد اروح للمطبخ حتى اشرب مي
فتحت الباب ومشيت للمطبخ شفت ضوه المطبخ مشتغل
فتت وشفت مهدي يحظر جاي
هلووو مهدي
هلو اقبال
شنو اسوي
والله محتاج جاي راسي دمرني دمار مجاي يهدء ابد
زين عوف القوري اني اسوي
لا لا اقبال ارجعي نامي ورتاحي اني متعود احظر جاي الحالي
لا عوفني اني احضره هالمره الك لان اني هم مجايني نوم
مهدي ..عفت الجاي ورحت اسحبت الكرسي وكعدت شويه وجابت اقبال الجاي الها والي
اقبال ..مهدي انت مرتاح بزواجك
اي الحمدلله مرتاح بس هيه صغيره ودلوعه شويه وهذا الشي حقها
زين انت مسألتها هي تحبك او لا
اكيد تحبني شلون لعد رضت تزوجني اذا متحبني
مو شرط مهدي
احتمال رضت بس علمود تريد تزوج
لا انتي شنو تحجبن اقبال
اي مهدي لان هاي الحقيقه تره ايه قبلت بس علمود تخلص من بيت اهلها
لا اقبال اعرفي انتي شنو جاي تحجين وع منو تره ايه زوجتي
كمت اريد ارجع الغرفتي وجان تلزم يدي اقبال
مهدي ارجع اكعد عندي كلام وياك
مهدي ..وكلامج هم ع ايه وتغثيني
لا مو عليها عليه اني
اقبال ..ردت اكله اني شكد احبه وجنت اتمناه زوج الي بس اسكتت وغيرت الموضوع لان حسيت هذا الشي عيب اني اكوله المفروض الرجل هوه اليبادر بالحب مو المره
مهدي ..ارجعت اكعدت اي احجي شنو موضوعج
هااااااا اي صح موضوعي ااااااااااااااا
شبيج اشو سكتي
لا اكو ناس متقدمتلي
اي شكو بيها شايفه كل الخير اتمنالج حياه سعيده من كل كلبي
من سمعته كان هذا رده الي
استحقرت حالي ودمعت عيوني
وكمت
اوك مهدي اني اشكرك لان اتمنيتلي السعاده مع رجل .....؟
في كلبي رجل ثاني غيرك
اني تسمحلي اروح انام لان نعست حيل
اي مرخوصه بنت عمي
رحت عنه والدموع شلال ما اسيطر لا ع كلبي ولا ع دموعي
ليش هيج ياربي ليش خليتني ابهالحاله
ليش خليتني اعشك انسان هوه بالاساس مو الي
كمت اشهك من البجي حسيت طعنات ملتني ابكل جزء من جسمي
صار عليه طريق الغرفه اطول من عمري العشته كله
وصلت ذبيت روحي عالفراش وحضنت المخده وضليت اشهك الوحدي وبكلبي اسولف
احبهم ليش خلوني تموت بحبهم عيوني
انه مو من احد مجنون انه منهم اجه جنوني
همه العذبوا حالي وبيهم ضاعت امالي
يدهري شويه ساعدني يكفي بالهم تواعدني
انا طالب كربهم والله ليش انت تريد تبعدني
اجر الاه والحسره راحوا هم وخلوني
تبعت اثارهم وامشي اذا راحوا وحك الله يعني ضيعت كلشي ودكن حيل ع العافوج ياروحي
