من الخائن

١٢

من الخائن
امين الرووح
بارت ...١٢

الام ..امي حبيبي ايه اليوم وضعها ابد مو زين كل شويه مزوعه وتلوب تكول عندي حركه بالمعده اخذها دكتور وشوف حالها
مهدي ..صار يوم هاي الخاطرج
الام ..فدوه رحتلك
مهدي ..لا يمه اني اروحلج فدوه ربي يخليج النه ذخر طول العمر وتشوفين احفادج

كمت من يم امي ودخلت للغرفه شفتها امدده عالجربايه
كومي بدلي خل اخذج للدكتوره
ايه ..لا ماريد شويه وصير زينه
كومي بدون عياره رجاءا
هاي افلامج بعد متفيدج
كمت بدلت وطلعنه للدكتور اجالي السره
ايه محمد
اي نعم
دخلي
دكتوره اني اشكي من كذا وكذا
انتي مزوجه
اي دكتوره
حامل ....ماعرف والله... صارلج شكد مزوجه
...صاري ٦ شهور مزوجه
زين سويلي هذا التحليل ورجعيلي
طلعت بس اني اخذ مانع امين صار عندي حمل
فتت للمختبر كال نص ساعه
مهدي ..شكالتلج
بس اسوي تحليل وع النتيج تكلي
مرت النص ساعه في صمت بيني وبين مهدي
ايه محمد ...تحليل
نعم
اخذته ونطيته للدكتوره جانت اكو ابنيه كاعده هم تشكي لدكتوره حالتها
الدكتوره ..بنتي انتي حامل بالاسبوع الرابع
ايه ..اضربت وجهي بقوه وعطت عزه بعيني عزه بعيني
الدكتوره ..شبيج ماما
دكتوره اني اخذ مانع شلون صار هذا الطفل
عادي يصير ابحالات هواي يأما انتي ناسيه الحبايه مماخذتها
او اكسباير منتهي الصلاحيه ايضا يصير
او ردئ منتج المانع
الدكتوره ..عندج اطفال انتي
لا ماعندي
البنيه كامت عليه
اشبيج اكو شي المفروض تفرحين عالخبر
ايه ..لا لا ماكو شي وطلعت مصدومه
مهدي ..ها شكالت
اني حامل مهدي
شنوووووو 😃😃😃 من شوكت صار شهر عالحمل
لا لا مجاي اصدك واخيرا حيكون عندي طفل
طبعا مهدي طار من الفرح واني بعدني عايشه الصدمه ماريد احس بالدنيا شكول للناس شكول الاهلي والاهل مهدي
منو ابو الطفل ....؟
عزه بعينج ايه صخام الصخمني
ربي انقذني وخلي هالطفل يسقط ماريد اللهي مولاي خلي يوكع فدوه رحتلك ربي
هذا الطفل حيكون كتالي
رجعت وحسبه اجيبني وحسبه توديني
صح هوه قاسم متقربلي بس هذيج المره بس اثنينهم بنفس اليوم شلون ياربي وموعد الحمل صار شهر يعني هي من ليلتها 😭😭😭
ابجي اريد اسقط الطفل
عمتي من سمعت الخبر ظلت تهلهل وتبوس
مهدي طاير بيه نسه هوه جان زعلان
واني مثل الغبيه واكفه ابنصهم افكر شلون اتخلص منه
انتظرت الليل اجه قاسم اشرتله اليوم يمك
مهدي طبعا معافني ولا لحظه بس يبوس ويحضن
صارت الساعه ومهدي منايم شلع كلبي
عبرت الساعات وكام مهدي يصلي والنوب لزم القران وبده يقره
واني دالوب بس اريده يكوم ينام طلع الصبح تقريبا ساعه ٦ الصبح
مهدي ..كومي حبيبي ايه حظريلي ريوك
فتحت عيوني وشفت الشمس طالعه اندبت حضي لان ما شفت قاسم وكتله بالخبر
مهدي ..ايوووو تدرين ظليت الفجر كله اقره قران ودعيلج انتي والطفل الله يحميكم من كل شر ويكومكم بالسلامه
في كلبي والله هذا بطران اني اريد اخلص منه وهوه يدعيلي من خرب حضي الجابني عليك