من الخائن
انين الرووح
بارت ...٤
طبعا اني حيل نحرجت لان ماجنت محسب احساب الذهب غالي
كل الي في بالي اخذلها حقله وتراجي وكلاده وكلت كم ثوب نشتري ايضا
بس فاجأتني من كالت اني اريد هذا واصرت عليه
مكدرت افشلها لان بعدها متعرفني وخاف تكول عليه بخيل زحمه حيل هاي الحجايه ابحقي
اوك حبيبي راح ناخذه ..تفاجاءت كدام الصايغ باستني من خدي
اشكرك حبيبي
ادللي
طلعنه ورجعنه لسياره كتلها اليوم بس ذهب عود الملابس بعدين
اي عادي ع راحتك
بس مهدي اريد اسوي حفله صغيره تلبسني بيها الحلقه والذهب
الله كريم
رجعت للبيت شفت زهراء يمنه صبتلي غده
تعالي زهراء
اكلج اشو هاي اليوم حيل فشلتني كدام الصايغ اغله طقم اخذته حتى من غلاته مابقه ولا فلس بجيبي انتوا هم هيج
لا والله يا خوي اشو اني بس حلقه وتراجي
بس هاي استغلت الموقف شافت احنه مو وياك كالت اخذ الاريده لان هوه راح ينحرج وياخذلياه
اي والله حيل نحرجت كدام ابو الذهب
غير الذهب شنو جبتلها بعد
ماكو كتلج الفلوس كلها صارت لذهب
ولا يهمك من تروح تشتري ملابس اني اروح وياك
وله اكلك انت ليش جاي ويانه هي ملابس داخليه وسيتات اني اخذها ونروح انت لا تجي
اي والله يا زهراء اني استحي من هالامور ماحب اتعرض الهيج مواقف
ولا يهمك اني اختك وراح اجيبلك اشياء اقبل من الي بفكرك
زهراء ..شكد حقيره طلعت هاي ايه بعدها باول الطريق وتريد تستغل اخويه
ااااااخ شكد فقير انت يمهدي لك وحده مثل هاي الزعطوطه تخليك تشتري طقم ذهب الها وبالسعر الفلاني
اليوم طبعا ولا دكيت ع زينب وشفت ابنها شلون صار
الوووو ..هلو زنوبه شلونج وشلوه همام
والله يا اختي حالي حال الجلب (كرم السامع ) لا يرضي عدو ولا يرضي صديق هاي معلكيله مغذي وسوده عليه كوه لكوله وريد مات مات من البجي
والله كلبي راد يطك من اسمعه يعيط
لج عيني زهراء بيه ولا بي كون هالمرض
ذكري الله يا زينب الله هوه المشافي ربج ما ينسه عبده ظلي استغفري احسن
ان شالله
يله عيني تردين شي اجيبه الج
لا حبيبتي فدوه الكلبج بس يخلص المغذي نطلع
ان شالله حبيبتي
مع السلامه
والله خطيه زينب من يوم يومها متعوبه ولا شافت راحه ابحياتها ابد والنوب جملها ابنها همام
هديل ..عمه فكر هذا زوجج ولا كعدنه ابمطعم واكلنه شكد افترينه ولا كال جعنه شكد فكر
ايه..اي يمكن صرف الفلوس كلها عالذهب هاج هاج شوفي يسد عين الشمس شلون جمال همزين ولج عيني انتي ويايه
هديل ..لا ولح همزين ماجوي اهله وياه جان ما كدرتي تاخذين هالطقم هاذ
اي والله صح كلامج اكيد جان خواته منعنه لو امه همزين ماكو جانن ويانه
لج عيني كون من اشتري ملابس هم هيج محد يجي
ان شالله ظلي ادعي محد يجي ويانه بس هااااا اكلج الطلعه الثانيه ياخذنه مطعم كوليله انتي اخذني لا تظلين ساكته جنج وحده عوبه
اي راح اكله اني هم اريد اطلع شويه افتر كضيت عمري كله محبوسه ابيتنه من وره هذا البطران جمال
