كاتبة زيليش
من صغرنة وشايلين همومنة ع الضهر
..........
وبنات خالتي هم حجن نفسها بس اني خايف كتلهن لعد اني رايحه وانتن ابقن هنااا مالي علاقة بيجن اخذت النبك حاضنته بديه ومشيت بسرعة بشارع واختي وبنات خالتي بقن يجمعن واسمعهن يصيحن وراي شوفي هاي النبكه شكد جبيرة عبالك تفاحه مشيت وباوع ع السيارة هي مسافة بعيده وناس ملتمه عليها تنزل واكو شياب تباوع وجهال تكمز
فتحت باب بيتنه بس دخلت الحوش
ماحسيت اله صوت عالي طيرني ونار ملت المكان منضر مخيف عبالك بركان جان الصوت سابق العصار ناس طايرت مثل حمام اصواتها بذني مانساها يصرخون اني وكعت بالكاع خليت ايد وحده ع راسي وصرخت ييممممممه وجسمي كله رجف واحس الم بجسمي بس ماعرف وين الالم بيتنه وكعت حياطينه وسياج وكع بصفي صار دمار شامل للبيت لان حيل قريب علينه
اسمع عياط ناس اي نفجرت شاحنه طحين ونسوان تصرخ احساسي جان بمحلة مثل ماتوقعت كلبي جان يكلي رجعي للبيت لاتبقين بره اجتني اختي تركض وعيونها تصب من شارع ومبين واكعه لان مدمره ملابسها وحتى وجهة بيه شخطه بس خفيفه من دخلت شافتني واكعه تخبلت
مريم. يسر يسر شبيج باوعيلي حبيبتي شبيج تأذيتي
لساني نعكد من الخوفة واحس اذني نفجرت من صوت الانفجار شافتني ماحجي رفعتني واني صرخت طلع جتفي الايسر داخله بيه شضيه من شفتها تخبلت جان منضر بشع كمت اصرخ ايدي ماتتحرك واني ع نومتي بلكاع كامت اختي تصرخ تريد احد يجي ودك ع وجهة
مريم. لحكوا اختي راح تموت لحكولي يممممه اختي يممممه لحكيني 😭
اني بلكاع الواج من الالم واصراخ😢 باوعت باتجاه بيتنه من داخل متهدم ومن برها وكع كله سياج حتى شفت ناس بلكاع مشمره ونار شابه ودخان بكل مكان باوعت امي واخواتي طلعن من البيت مرعوبات اختي راحت عليهن وتصرخ باسمي شفت امي اجتي تركض وعبايتها شمرتها فقدت ماتدري بنفسها واخواتي وراها متربات
يسر.😭 ماما تعاليلي ماما اااااه
امي. يسر بنيتي يمه صخام صخمني 😢
لزمتني من ايدي انتبهت ع جف ايدي متروس نبك الي بيه الشضيه .(مادري بنفسي مبقيته بيدي وحتى ممرود من عصرة ايدي ) فتحت اديه وهي تنحب وخرتهن من ايدي ودموعه عشرة عشرة ع خدودها وتكول سودة علية وتمسح بدموعي
سمعنه صوت اخوية سامر وهو يصرخ ع ناس ويكلهم بتعدوا عن المكان خاف تصير مره ثانيى بس شافنه اجه لكاني بلكاع وابجي شالني ويصرخ ع جماعته جنود يشيلون ناس حضني وباسني من وجهي وكلي
سامر. يسر حبيبتي لاتخافين هسة اخذج للمستشفى ويشدون ايدج وتصيرين زينه
هزيت راسي ودموعي تصب
أنت تقرأ
فقط اردت اهتمام
General Fictionتتحدث القصة عن فتاة لم تاخذ من حنان واهتمام ابويها مايكفي وتواجه الحياة وصعب ضروف بسبب اقرب ناس لها فتجد كل ماينقصها لديه ..... للكاتبة زيليش
