فقط اردت اهتمام

بارت ١٣

الكاتبة زيليش
""""""""""""

يسر

اهلي شالوني شيل ع كتافهم حتاروا شيسولي وشنو يجيبون وبابا مياكل اله يكعدني بحضنه ويلفلي لفات بيده شرطة ماحققوا وياي بعد بابا ماقبل كلهم نفسيتها تعبانة واحنه نريد بس تنسة بس اصروا اله تكشف علية دكتورة ابوية خلة اقارب كلها تخف وره يومين وبس اخواني واخواتي موجودين وهم نسوان اخواني وصوهن ميطلع الحجي لا لعيال اخواتي ولا لاهل جناين بابا فهمهن بذكاء ومخلاهن يزعلن كللهن

ابوية. اني مجاي اكلجن اهلجن يشمتون او فديوم يعيرونة بس هي بنية وتعرفن البنية بمجتمعنا بس يريدولها زلة وتصير علج بحلوك ناس واني مو قصدي ع اهلجن بس خاف بدون قصد واحد يسمع وتوصل لجوارين وكرايب  وطبعا متاكد ماكو شي ومجرد بس حاول واحنه لحكنه بس لنطمأن وهم ناخذ تقرير للشرطة فبناتي اترجاجن متطلعن هي السالفة اذا تعزني

هنا جاوبنة

رشا و دنيا. لا عمي سرك بير واذا طلع من وحده منا تلم غراضها وتروح لبيت اهلها سمعتكم من سمعتنه

ابوية. عفية بناتي

برة نص ساعة برة الغده اجتي دكتورة
اني جنت حيل خايفة ماعرف ضنو راح اسويلي او شنو تحاجيني بس اعرف مجرد راح تجي علمود تعرف اني متعرضة تحرش مادري شنو قصة هي من نوع دكتورة حبابة  وجها يضحك كعدت سولفت وشربت عصير عبالك جايه ع امي ماحسستني بشي نوب بين الحجي كالت اني اختي كاعده بشمال وعندها بنية مثلج بس هي مو مثل جمال عيونج 

دكتورة. تذكرين من اخذتلجن صور بعرس شذى دزيتهن لاختي وهي كامت تحوس اله تصادقيها الي اريد اصير صديقتها

امي. مشالله اختج بنتها كبرت هيج والله وكت يركض ركض تذكرين من جنه نضحك عليها لان تجي تاخذ نبك من شجرتنه الي بيت عيالي القديم وجهالنة يكتلوها لان وكحه

دكتورة.هههه صدك والله هسة بنتها هم نفسها اكلج عيني  تره هذا تذكريه جان عندج بس اثنين ولد وهم هي اختي  بوكتها جانت ثاني بتدائي انتي خلفتي شكد وهسة  اصغر جهالج يسر وهم رابع ابتدائي يعني جبيرة ترة وكت يركض قبلنه عبالك يريد بس يخلص ويذبل ورق شجرنةونبقة بس شجرة يابسة

امي. اي واحد يحس نفسة عبالك البارحة هاي المواقف ماره علينه مو صالها سنين
اي صح كلامج احنه مثل الشجر مليانة ورق وكل فترة توكع منها كم وؤقة منا لحد ما نذبل وتبقة بس جذورنة بالارض هم فديوم تجي تاكلها الارضة وتختفي كل معالمنه بس تبقة الكلمة الطيبة والاشياء الزينه الي سويتها راح تخلي ناس تذكرك وتترحمك

دكتورة. اي والله اوووف ياام سامر كلامج ذهب شكد درست وشفت ناس مثقفة وناس وصلة مرحلة من الخبرة بس ماكو مثل كلامج تحسها يوكع ع جرح

امي. هاي مو خبرة لا دراسة ولا ثقافة بس اني خبيرة بدنيا عشت ويه ناس خلتني اعرف الدنيا من كل جهاتها ضكت الحلو والمر وعرفت الغشاش وصادق ومنافق والطيبة المتكبر والمتواضع وعرفت الفقير ماكول حقة مل هذا تعلمته بدون مافتح كتاب من كتبكم الي تدرسون بيها وتتعلمون شلون تعالجون البشر وتنطوه العلاج المناسب لمرضة بس اكو امرض مادرستوها ومالها علاج مثل مرض النحاسة والغرور والغيرة والكره والحقد والضلم علاجها بيوم الاخرة من توكف بين ايد رب العالمي ويكوم يحاسبك حتى ع النفس