الكاتبة زيليش 🎓🎒
💎💎💎💎💎💎💎💎
نزلت تركض ع درج وتحجي بصوت عالي
ثرية. يمممه يممممه
امي. هااا شكوو
ثرية. يمه سمعت صوت حركه فوك بالبيتونه يمممه والله واحد فوك
امي. يااا اسم الله شبيجن كل شوية وحده جايتني وتكلي سمعت صوت وحركه شنو القصة
ثرية. يمه بس يجي بابا كليله خلي ينقلنه لغير بيت كل مرة حس اكو شي يمي من انام لو من اكعد وحدي بس اغلس ماحجي يمكن البيت مسكون شو هو حتى من نزلنه بيه مبين محد جان كاعد بيه
امي. يجي ابوجن واكله اشوف شنو يحجي
ثرية. اي فدوة ماما كليله خلي يأجرنه غير بيت هو احنه مأجرين مأجرين عاد نكعد بيت زين ونضيف ومابيه شغلات تخوف
امي. اي ميخالف خلي يجي وافتح وياه الموضوع
ابوية يا بدوام لو بالمحل مال اخوتي يرتبوه ويعدلوه
اني واخواتي صغار كمنه مانترك بعض حتى من ندخل حمام لازم وحده تبقه واكفه يم الباب واخواتي الكبار هم هيج
لان حيل رعبنه من البيت
ابوية من اجه تعشا و شرب جاي امي فتحت الموضوع وياه
امي. ابو سامر اكلك البنات واني جاي نحس بحركه بالبيت وحيل خايفات بناتك
خاف مسكون بيه ارواح وهنا جهال يخافن حتى كامن كلشي يسونه سوه ابد مايتفرقن لان يخافن ليش مانغير البيت نروح لغير بيت واحنه منطين ايجار منطين عاد ننطيه ع بيت زين
ابوية. شنو هل كلام مال جهال شنو جني ومسكون والله يالله واني امشي وره جهال البيت ماعجبجن لازم نغيرة وفوكاها انتي وياهن ماكفي علية مصايب
وكلان التبن شويه عتقني ليل ونهار اركض حتى اجيب كم فلس اسد حلوكجن بيها لتمرضت لازم اخذها للدكتور وعدها نقوصات بالمدرسة لازم انطيها و تريد ملابس واكل وشرب وشروطجن ماتخلص وهي مو بس اني واخونجن هم يشتغلون كله علمودجن وفوكاها بدل ماسعدني انتن وامجن المعدلة جايات تريدن بيت جديد انعل هيج عيشه اثمن بنات بركبتي اركض ورجع ليورة علمودجن
ماشفت يوم راحه صدك لو كالوا البنات هم وغم وفوكاها معاجبجن شي
وانتي شاطرة بدل ماتجين تطلبين تكعدين تنصحيهن وتكليلهن لاتشرطن ع ابوجن مو جاي تكليلي خلي نغير البيت مو فلوسي زايده كاعدلي ع بنك
كلب دنيا علينه وع امي شبعها سب ويكول الله بلاني بيجن انتن هم خاطنه خوط واخر شي شمر كلاص المي بلكاع سواه طشار وراح للغرفة مالته
احنا بقينه واحد يباوع ع ثاني امي ذبت حركتها باخواني الولد
امي. من وراكم بس محصلة رزايل مابيكم خير نباك محلكم كله غراض غالية
ثول ثولكم ولا احد بيكم ريح كلبي وخلصني من شلعان خلصت عمري مذلولة ومحصلة رزايل من ابوكم حصرة عليه عباية اشتري مايهون علية اشتري شي اليه وانتوا ناقصكم شي كلت هسة بس يكبرون وليداتي يشتغلون ويعينوني ماشاالله هذاك اخوكم بجيش وخطر وفوكاها هم راتبة يادوب يكفيله ويكفي المصاريف الي جاي تطلع صفح عبالي من تكبرون يخف التعب نوب زاد تعبي مااقل
أنت تقرأ
فقط اردت اهتمام
قصص عامةتتحدث القصة عن فتاة لم تاخذ من حنان واهتمام ابويها مايكفي وتواجه الحياة وصعب ضروف بسبب اقرب ناس لها فتجد كل ماينقصها لديه ..... للكاتبة زيليش
