فقط اردت اهتمام

بارت ٢٠ الاخيرر

الكاتبة زيليش 🙋‍♀️🚶‍♀️

خسرنا أول خسارة وگلنة تتعوض
وخسرنا الثانية وگلنا العتب عالحظ
ما ظلت بعد حجّة
اشبعد يا روحي نترجّة
هاي الثالثة وبيها السكوت أفرض
...........

من دخلت للغرفة لكيت ثرية لازمه بيدها موبايلي وتكلب بيه اني ماهتميت مدام مسجله خروج من الانستا ولو تموتني مافتحه الها

بس شافتني جرتني من شعري وتحجي بصوت ناصي لان اخواني كلهم موجودين وغرفتنه جوة ينسمع الصوت

ثرية . ولج من هذا ياسر يا طايحة الحض بعدج بطول النعال (مكرمين)
وتحجين تتمعشكين ولج شيخلصج مني اليوم جنازتج تطلع ع ايد

تحجي وتركع براسي اني تجمدت من صدمه هذا شفتحه اله اني مو طالعه من الانستا شلون دخلت معقولة مانسد واني جنت مستعجلة اريد اشوف امي شتريد وماتاكدت منه

ثرية. نلصمتي صرتي فقيرة حتى يشوفج يكول مشالله اخلاق وادب وابد متسوي هيج سغلت بس هم كالوها من سكوتي موتي وع المطكطك فوتي

يسر. حبابه تركيني شعري والله راح يوكع

بس حجيت هيج لزمتني كطعتني نومتني بالكاع وتغلط وتسب اجني البنات سناء ورونق جرني منها

رونق. شبيج مخبلة انتي عوفيها شمسويتلج هي

ثرية. اي اي انتن وياها تستر هذيج المرة سناء وسكتت وهل مرة هل طايحه الحض يسر بس ماسكت اخلي يجي سامر ويربيجن يا ما متربايات

كامت تحجي بصوت عالي وترجع عليه

ثرية. ماطلع ثرية اذا مفضحتج وخليت كتلج عمل شعبي

تحجي بس اني مامصدكتها عبالي تخوافني بس هي عياطها زاد

واني كمت ابجي سامر ومهند اذا دروا يدفنوني باوعت ع الموبايل بيده وهي مستمرة تغلط وتسب علينه رحت بسرعة جريته من ايدها وهي مخليته ع رسائل ياسر اني بسرعه مسحت الاسم مالته وحضرته مابقت ولا رسأل وهي رونق دفع بيها عني

ثرية. يا حقيرة ولج اليوم العب بيج طوبة سااااامر ولك تعال سامر

وراحت لاخواني اني بسرعه حضرت ياسر من الموبايل وخليت الانستا مفتوح

اجواي اخواني ع عياطها ونسوان اخوي وابوية وامي

ثرية. تعالوا شوفوا هل حقيرة يسر مصادقة خمس ولد فتحت موبايلها والانستا لكيته مملي ملي ولد

سامر. انتي شتحجين شبيج ثرية

ثرية. والله العظيم والحقيرات سناء ورونق يدافعلها وهي بسرعه مسحت الرسائل وهذني لزمني حتى تمسح الرسائل وكلشي
متبقي
اجه سامر علية جر الموبايل مني كلب بيه وشاف الانستا بس فارغ

سامر. احنه مو مانعيجن من الفيس والانستا والفيس قبلنه عليه بس ماسنجر مينزل وياه ليش منزلته ها احجي لاتبقين ساكته