فقط اردت اهتمام

بارت ٨

الكاتبة زيليش

💎💎💎💎💎💎💎💎💎

من خلصت حنة تبارك وثاني يوم زفيناها
وبس امي راحت وياها

بقينه يم ثرية نوب بنتها وكحه بس تبجي ليل ونهار لعبت نفسنه وثرية كل شوية دازتني للمحل جيبلي فلان شي والملهايات يمكن ٥٠ ملهاية غيرنة بس هي ماتتقبل الملهاية ومن تبجي ثرية وياها تكوم تعيط وتسب بالبنية مشالله اثنينهن محددات العرامة فول

اختصار الاحداث

برة سنة من زواج تبارك صار عندها ولد وسجى تزوجت صالها شهرين وثرية حامل هم رشا جابت ولد وصار عدها حمل ع الاربعين زوجنة اخوية الثاني من كرايبنة

ثرية حالتها المادية كلش تعبت رجلها خسر هواي وكام يادوب يجيب مصرف البيت ومنا شمس بتهم طلع عدها حساسية من القمح والشعير كلشي بيه قمح وشعير متاكله يعني تخيلوا مرة ميدرون ومنطيها يكولون وصلت الموت ومستشفى مدخليها ونوب ثرية بس مشاكل ويه عيالها تجي تشكي لحد ماتروح تبجي وتنوح تهلصها ماعندي مانطاتي مجابلي ماطلعني وامي تشيل وتنطيها بس هي مستمر وتغار من عدنه لان حالتنه صارت زينه وبهاي الفترة ابوية صعد راتبة المالكي كام كل شهر منطي زياده وهداية هدية العيد وغيرها
وهم قل عددنه كام ينطينه مصرف زياده
وامي تشتريلنه وتاخذنه للسوك وثرية ميته غيرة حتى مرة شذى بدون قصد كلتلها تعالي اشوفج ملابسي شتريتهم وهي بس شافتهن كامت تبجي وابد ما كلتلها بالعافية بقينة مصدومين من السوته
معقولة اكو اخت تغار من اخواتها واحنه اول مرة هيج حالتنه تتحسن وكمنه نشتري ونطلع بدل ماتفرحلنه وتكول خطية شوية الله فتح عليهن وراح يرتاحن وخاصة احنه الصغار خلصنه عمرنة نلبس مالتها الملابس هي واخواتي الباقيات ونوب فوك كل هذا تحرض علينه رشا تكلها كوميهن خلي يشتغلن ولاتعبين نفسج خليهن يتعلمن من هسة ع الشغل حتى ميخجلنه ببيوت رجولتهن ورشا مامقصرة خاف جانت قبل بحجه الحمل هسة بحجه عندي ولد وحامل هم بولد شدووو روسكم يكرعان سامر تودي منا وتاخذه منا شتريد وشتطلب وحتى مرة احنه ضهرية نسد بوبنه ونام اني نزلت ردت اكل بعدني جوعانه لكيت رشا بالمطبخ وماعرف شنو تسوي بس اكو دخانة خفيفه نتبهت لكيت القوري ع نار ويطلع منه دخان اني عبالي حترك بس شلون يحترك وهي يمه واكفه

يسر. هذا جاي حترك مشوفين حتى دخان طلع

هي ماتدري بيه اني وراها من حجيت كمزت واخذت القوري ع سنك تنضف بيه

رشا. ها لا هذا راد سامر جاي واني عبالي بيه مي وخليته ع نار بس طلع مابيه وحترك

غسلت القوري وهي صايرة شسمنها مو مثل قبل جان جسمها مرتب وحلو من وره الحمل ورضاعه صايرة بعيرة ماكدرت اشوف شنو تغسل ومن كملت صعدت فوك

حجيت ويه نفسي

يسر. هي مو كالت سامر يريد جاي ليش ماسوتله الله يستر منها هي جانت سوي رحت للقوري مابيه اي شي حتى ريحه مابيه بقيته افكر هاي جاي تسوي ليش هيج رتبكت وتذكرت مرة هم هيج وكت بيدها مي وترش بصابيعها يم باب ابمطبخ ويم باب امي وابوية نعقولة تسوي سحر وهاي شغلات استغفرت ربي وصعدت يم اخواتي نمت ع فراشي