فقط اردت اهتمام

بارت ١١

الكاتبة زيليش

...........

سامر. هذا صوت ابو التكسي الي يوكف كدام الاسواق يشبه صوته او هو صوتة بس مغير بيه حتى منعرفة مو يابة لو اني غلطان

ابوية. لا كول غيرها وحتى الولد صديقي واني مسجل رقمه تره كومة ناس تشابه اصواتها

سامر .تحجي صدك يابة هو هيج غبي ويخابرك من رقمه

ابوية. نرجع ندك علية

سامر. لا لا يعرف شكينه بيه وخاف ياذي يسر خلي نخابر الشرطة وهم يوكفون ويانه وبلكي نلكه حل بسرع وقت

ابوية. بوية ولك امشي هسة يلة امشينه

راح ابوية واحنه بقينه نطكطك بادينه ميتين من خوف وامي شبعت بجي اخر شي انطيناها موهداء اجتي يمنه دكتورة صديقة امي ونطتها لان عرفنة سالفة طويلة وامي اذا بقت تبجي تروح من ادينه لان من تبجي سكر يصعد وابد منزل بقت دكتورة تقيس السكر مينزل نوب راحو لعيادتها بمنطقة ثانية جابتلها ابرة انسولين لان تكول ميفيد العلاج ابرة احسن

نروح ل يسر

من صعدني بسيارة بقيت اعيط ورفس بنفسي بس هو جان لازمني من راسي ومنا القماش خانكني احس نفسي نكطع وكمت كوه اجر نفس هو حس رفع راسي بس ماوخر الوصلة

يسر. 😢عمو حباب انته مو صديق بابا حباب عوفني اني شسويتلك حباب حباب

الخاطف. اذا تسكتين ومايطلع صوتج اوديج لهلج بس اذا بقيتي هيج راح اذيج واكتلج

سكتت بس بقت دموعي تنزل ع خدودي وشهكات ماكدر اكتمها افكر شلون راح يكتلني واموت ونوب اكول هسة اهلي درو بيه اني مو يمهم حسوا لو بعدهم مايدرون. جاي يدورون عليه لو لا .

شوية وكف سيارة نزلني من سيارة مخليني جوه ايده ويسحل بيه واني ابجي اريد اعيط بس هو مخلي ايده ع كل وجهي فوك القماش الي مغطي كل وجهي وجان ثخين شلون جيس
الي انتبهتلة من يجر بيه الكاع المال شارع عبارة عن تراب وحصو مو تبليط مثل شوراعنه ماحسيت صبه احس بتراب نمشي تخيلت جاي يمشيني بصحراء منطقة مقطوعة هيج توقعت نوب فتح بوب ودخلني بس ماعرف اني وين امشي او هو وياه احد وحده او وين اخذني مثل العمية صررت بس اتحسس بدية ومن دخلني للبيت هم ربطني

يسر. عمو فدوة بس وخر عني هذا القماش والله ماعيط بس واخر لان راح اموت خيل خنكني

الخاطف . اي من عيوني حقج احنه نريد فليسات ورجعج سالمة قابل شعندي وياج فتح وجهي طلع وسد الباب وراه

بسرعة باوعت ع المكان مخليني عبرة عن غرفة هيكل بس طابوك والباب حديد ومابيها بس شباك داخل البيت يعني ع ترك وترك بس حياطين عالية اني جان مربط اديه برجلية وكلش قوي ردت حاولت افتح بس ماكدرت حتى ردت ازحف ودك البا لان حديد من يندك يكون صوت عالي بس هو رابطني بطريقة كلش صعبة ومن ازحف الكاع بيها جص يابس وسمنت هاي شغلات البناء تجرح اديه وكاع بعدهي صبة وهم خشنة خلت ادية تجري دم