فقط اردت اهتمام

بارت تكمله ١٩

الكاتبة زيليش
‏

أخبري عيناك إنها ضوئي وقمري ولاتُحل إلا لي.
ٰ
٠٠٠٠٠٠٠٠٠٠٠٠٠٠٠٠٠٠٠

بره كم يوم خلل نص السنه مليت من الفيس وكله مشاكل وكوه تنفتح الصورة بيه واشوف صديقاتي بتعليقات يكللي نزلي انستا احسلج هنا مو صديقات وحتى خاص ماعندي وياهن يعني مجرد اسئلهم ع عام ويجاوبن بس بنات فقط لان شكد صادقوني ولد واني انطيهم بلوك
نزلت الانستا كلش دخل براسي لان بنات يسولفن عن بيجات ملابس تخبل وعدهم توصيل للبيت شنو اريد من نزلته محد يدري بس سناء كتلها

يسر. راح انزا انستا

سناء. لا ولج خلي يولي مدام بيه خاص لاتنزليه

يسر. يمعوده شكو قابل ياكلني الخاص اني شكو ولد يجيني اسويلن حضر وخلاص قابل شنو الخطر الي بيه

سناء. ها بكيفج بس كوني حذره شكو احد يدخلج خاص سويله بلوك

يسر. اي حاضر

نزلته وبقيت اكلب بيه لليل اباوع شو مينفتح

يسر. سناء شوف حسابي مينفتح

سناء. بله

اخذته حاولت وياه مينفتح

سناء. هكروج لازم تسوين حساب جديد بعد هذا نسرق

يسر. خرب يومه ليش هم بس خمس متابعين اجوني عليمن يسرقة

سناء. هاي اكو ناس بيها مرض تحب تخترق وخاص حسابات مثل حسابج بسرعه يفتحوه

سويت ثاني مرة وهم ورة يومين يخترقوه ماعرف ليش حتى ماعلق او استنقد احد بس مجرد اباوع مرة سويت حساب واجه واحد خاص طلب يحجي وياي بس اني كتله رجاء لاتزعجني اني بنيه واهلي ميقبلوا احجي ويه ولد وحتى اذا اهلي قبلوا هم مراح احجي وياك هو دزلي اوكي بسيطه وهم وره شوية حسابي تهكر يبو كمت اكمز من وراه بعد مسويت وهم اجتي المدارس وامي كامت تحجي ع مهند تكله راح ترسب من وراك وانته الي جبته الها انس شلته وضميته بالكنتور مافتحته منا لحد مامتحنت وخلصت يله فتحته

رحت كبل سويت انستا برة يومين اجتني متابعه من حساب اسمه (ارجع حسابات مهكرة) وبيه صورة ابنيه اني كلت همزين هاي بنيه اروح اطلب منها ترجعلي اول حساب خوش سويتها وتابعت بيجات هواي وصديقاتي هناك هم نسيت حسابتهن كلت خلي اطلب منها واشوف تسويلي حل عاد بس تحميلي حسابي هذا خاف هم يتهكر

يسر. هلو حبي

وره دقاايق

. هلوو

يسر. عمري ممكن اطلب منج طلب

. اي عادي تفضلي

سير. اني كل ماسوي حساب بره كم يوم يتهكر يمكن سويت ب ٥ حسابات وتهكرن عادي ترجعيلي حسابي او بس تحميلي هذا الحساب