فقط اردت اهتمام

بارت ٧

الكاتبة زيليش
💎💎💎💎💎💎💎💎

يسر

والله حقها شذى من تعصبت لان رشا انسانة كلش خبيثة وعدها وجهين ومبين عليها حقودة ومتحب الخير النه احنه الاخوات ماعده ثرية تحبها وتسولف وياها

تخيلوو اني مرة بداية زواجها ردت منها اسم الصابونة تستعملها دزتني ثرية تريد تشتري منها بس كتلها ثرية تريد اسم صابونة هي ردت علية

رشا. ولي منا شنو بتليت كلشي اجيب مخليات عينجن علية

والله اني واخواتي ما نلزم شي مو النه لو للموت تخيلوا بعرس سامر وحده من اقربنه ناسية كحلتها ع مرايتنه بقيناها نفس مكانها وجان وحده من اخواتي لزمتها وخلت منها او جربتها متعودين الشي الي مو النه مانوصلة وطبيعة اخواتي سجى وتبارك والباقيات لو يشوفن وحده كدامهن مصيوغه ذهب من فوك ليجوه ميسئلنها هذا شنو او منيلج او ينبهرن بالشي واني اخذت سلوبهن لان صدك مرات بدون قصدك تكولين لشخص ع فدشي لابسة شكد حلو او يخبل عليج
راح تبقة تكول انتي حسدتيني ونكطع او ضاع لو وره سنه فاحسن ما نبالي لشخص ماقبيل لابس ذهب او ملابس او مكياج او نوع مكياج يعجبنه نهائين ومن يوم هيج كلتلي بعد غرفتها لا دخلتها ولا عتبتها حدي امشي من يم باب غرفتها حتى اوصل لغرفتنه والله حتى تكرمون اكو زبالة يم بابها هم ماخلي عيني عليها افوت دايرة وجهي وطلع دايرة وجهي عن بابها واني طفلة عود بس عندي كرامة اذا كلت لا يعني لا و شكد اخوية سامر يصيحني تعالي غرفتي مثل يطلب مني اجيبله ضي من مخل او شي ثاني ادز مريم تشوفة شيريد بحجه اقرة لو امشط لو اسبح ولا اطب غرفتها
اني ثرية من يوم رزلتني لان فتحت كنتورها بعد ابد ماطخيت اليده 
وحتى باقي اخواتي هيج اسلوبي وياهم

رشا من خلصوا العشا لمت الاكل من سفرة يعني تخيلوا سجى وتبارك يريدن يلحكن عليها ماكو تركض منا وتروح منا سوت نفسها هي ام البيت وكفت وكف حتى من طلعوا عيال ثرية عمتها كالت لماما

عمت ثرية. هنيالج ع هاي الجنة مبينه معدلة وينشد عليها ضهر هاي بعد تركيها وحدها بالبيت شهر وترجعين تلكين البيت
يلهث وقايمه بكل الواجبات

امي. لحمدلله واني ماريد منها بس تخلصني من سامر ومسؤوليته بعد مالي علاقة بيها لو حتى تريد تعزل هم مراح اكلها ليش

عمت ثرية. يا خية ليش تعزل انتي تره خلصتيها تعب بتعب

امي ماتدري بسوالفها واني اتوقع مرات تدري بس ساكته ومغلسة اول شي علممود فضل اهلها علينه وثاني شي لان سامر يحبها وثالث شي حامل وينكسر خاطرها عليها وهم امي فقيرة تستحي ماتحب تخجل احد او تتأمر وتتطلب
وابد ماتشكي لاحد احنه بناتها ماتكلنه اذا شي ضوجها

من راحوا عيال ثرية امي صاحت علينه اني مارحت للغرفة بس سمعتها واخواتي كلهن راحلها حتى شذى صحنالها