🌸🌸
- في جمله مشهوره كلنا بنقولها ( أصلاً مش باللبس) !!
كلنا فاهمين غلط وانا كنت أولكم كنت فاهمه غلط ، ان في ناس بتبقي لابسة ضيق وبتحط ميكب ومحترمه جدا ومفيش زي أخلاقها ، وفي واحده تانيه منتقبه وأخلاقها مش كويسه .. وللأسف الناس بتنخدع في المظاهر وشكل الناس ولبسهم ، العيب ف الناس ال بتلبس الحجاب لكن العيب مش في الحجاب نفسه ،
يعني مثلاً لو ناس من المسلمين اخلاقهم وحشه يبقي كدا بقي الاسلام دا حاجه وحشه ويلا نسيبه ، او لو واحد بيصلي بس بيعمل وبيعمل .. يبقي كدا كل ال بيصلوا وحشين ويلا نقفل الجوامع !!
مش معني ان في ناس ملتزمه في لبسها ولكن اخلاقها مش كويسه وتصرفتها غلط يبقي كدا نقيس عليه كل الناس الملتزمه في لبسها .
ومش معني ان واحده محجبه حجاب صح يبقي كدا معصومه من الغلط هي ف الاول وفي الاخر من البشر ، مش هنصطاد اخطاءها وتبقي مقياس لا !
- وليه بنقول ان الاخلاق اهم من الحجاب لي ميبقاش الحجاب والاخلاق مهمين ؟
مش قصدي من كلامي دا ان انتم غلط و إلبسوا الخمار والنقاب دا أمر لازم ! لا خاالص ..
بصي فكري كدا مع نفسك انتي راضيه عن نفسك كدا ، راضيه تقابلي ربنا كدا !!
- انتي ك بنت جوهره والحجاب الصح بيخلي الوش ينور ، انتي جميله جدا والاجمل لما تكوني لابسه الحجاب الشرعي وغير كدا هتكوني في راحه نفسيه جدا ، إرضي ربنا علشان ربنا يرضي عنك ، بلاش الموضه والاستايلات تغويكي ، وبلاش كلام الناس يأثر فيكي سواء حلو او وحش ، انتي هتقبلي ربنا لوحدك ، ولو اللبس الواسع هيخليكي كبيره ، فإنتي فعلا كبيره عند ربنا . 💜💜
" وأما من خاف مقام ربه ونهي النفس عن الهوي فإن الجنة هي المأوي "
" جزآؤهم عند ربهم جنات عدن تجري من تحتها الأنهار خالدين فيها ابدا رضي الله عنهم ورضوا عنه ذلك لمن خشي ربه "
" ويهدي من يشاء إلي صراط مستقيم "
" فوجدك ضالا فهدي "
- ربنا يهدينا ويصلح حالنا جميعا..
