"زى أخويا"😌
السلام عليكِ يا جميلة..♥
كلنا عندنا قرايب و صحاب و زمايل فى الجامعة والشغل و فى أى مكان.. وفى منهم شباب "اولاد يعنى" ..🧑🏻 تيجى حبيبتى الغالية صاحبتى تقولى هو انا ينفع اكلم ابن عمى او ابن خالى او اى حد غير المحارم عموماً او زميلى ده ع الفيسبوك او ع الواتساب او الفون باحترام..؟!🙄 وحطى تحت كلمة "باحترام" خطوط لحد ما قلمك يخلص الحبر بتاعه.. اصل صاحبتى دى محترمة جدا جدا وانا عارفة أخلاقها كويس😌 "احنا بنتنا اشرف من الشرف"..😂😂 مش مشكلتنا اشرف دلوقتى..😒 صاحبتى عاوزة تكلم زميلها باحترام فى أمور الشغل او الكلية بدون تجاوز فى الكلام ولا غلط.. فـ شات الواتساب او الفيسبوك هاتسأله على الامتحان والملازم و كلام جد جداً يعنى..😐 تقولى:
- اكلمه "زى اخويا" عادى؟!🙄
أجاوبها..
= لا يا جميلة.. لا يجوز.. حرام..🥰☺
- ليه..😕 دى رسايل بس طيب مش هاكلمه فون.. ينفع؟!😟
= يا جميلة صدقينى والله لا يجوز..☺
- ده زى اخويا..!😕
"زى اخويا"
هاحكيلك حكاية زى اخويا..
افهمى الاول انه لو مش أخوكى يا جميلة.. يبقى مفيش حاجة اسمها زى..☺ يا إما اخويا يا إما لأ..😌
ركزى معايا بقا.. الشات بتاع الفيسبوك والواتساب ده خلوة ولا مش خلوة؟ جاوبينى..! اقولك انا.. ده خلوة يا جميلة..☺ وأشد الفتنة وألعنها بين الرجل والمرأة هى الخلوة وحبيبك صلى عليه قال " (( أَلَا لَا يَخْلُوَنَّ رَجُلٌ بِامْرَأَةٍ لَا تَحِلُّ لَهُ فَإِنَّ ثَالِثَهُمَا الشَّيْطَانُ ))
[ رواه أحمد والترمذي عن عامر بن ربيعة رضي الله عنه ]
ع الواتساب..
*المشهد الاول*
البنت: السلام عليكم.. من فضلك كنت عاوزة ملازم الدكتور....... ألاقيهم فين؟!
الشاب: وعليكم السلام.. فى مكتبة الـ..... ولو عاوزة ممكن اجيبهملك "اصل الولد كمان محترم و شهم😎💪🏻" وهى "زى اخته" وبس
البنت: لا مش عاوزة اتعب حضرتك شكرا انا هاجيبهم.. سلام
الشاب: اللى يريحك.. سلام
حوار محترم اهو مافيش حاجه انا اللى دماغى وحشة😁
وفضلت كل فترة البنت تكلمه تسأله على حاجه بـ نفس الحوار المحترم اللى شوفتيه فوق ده..👆🏻"زى اخوها".. وهو ولد بيحط صورته على حساب الواتساب بتاعه حقه😏.. فى يوم فتحت صورته..🙄 بصتله ماهو "زى اخوها"👀 *ضاع غض البصر..💔* ونسيت قوله تعالى : ﴿ قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ(30)وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ﴾
( سورة النور)
الولد نزل نكتة فى statue بتاعة الواتساب.. اصل "دمه خفيف🤭" مالوش ذنب ده حقه وفونه و أيه احلى من انه يرسم الضحكة على وش صحابه اللى عنده ع الواتساب او الفيسبوك..😍
البنت شافتها وضحكت..😄 المهم.. الولد دمه خفيف ايوا لكن هى مابتوقعش بسهولة دى محترمة جداً وهو "زى اخوها" وبس.. مرة تانية نزل نكته جامده لا بقا مش هاقدر.. بعتتله ايموشن بيضحك اللى هو ده👈🏻..😂😂
ده مفكرينه سهل ده لا ابداً ده بيجيب بلاوى اعوذ بالله..😂😂
*المشهد التانى*
البنت: ايه الدماغ العالية دى..😂😂
*ضاع الحياء..💔* وخضعت ونسيت قوله تعالى : ( فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلا مَعْرُوفًا(32)
(سورة الأحزاب )
ماينفعش تهزر وتخضع بالقول.. ده أمر الله.. كلامها لازم يكون جد وللضرورة القصوة و مختصر بشدة وجاف كـ الحجر باحترام بردو..
الشاب: دى اقل حاجة عندى..😌
أبهرها هو كدا..!😎 بهزر بنتنا مايبهرهاش حد ولا بياكل معاها الكلام ده..😂😂
فضلوا كل يوم يتكلموا.. بقم أصحاب.. وخالفت قوله تعالى: (مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ)
(سورة النساء) وخدين يعنى صاحب أو صديق..
*الاعتياد..💔*
اتعودوا على بعض.. بحوار محترم ومافيش اى حاجه.. ماهو زى اخوها.. مرة بتكلمه على المحاضرة لقته مش مركز فى الكلام..
البنت: حضرتك كويس..؟!🙄
الشاب: معلش مش مركز.. قلقان على أمى تعبانة شوية😞
البنت: سلامتها😟
الشاب: الله يسلمك..😞
ما هى لازم تقوله كدا لزوم الوضع السئ اللى هو فيه ده.. من الذوق حتى علشان يبقى يجيبلها الملازم بطيب نفس مايقولش بتاعة مصلحتها وبس..😕
يومين كدا مكلمهاش.. كلمته
*المشهد الثالث*
البنت: ماما اخبارها ايه؟ يارب تكون بخير☺
الشاب: الحمدلله احسن شوية جزاكِ الله خيرا.. وشكرا على سؤالك😃
البنت: لا مفيش حاجه حضرتك بتشكرنى على ايه الله يشفيها يارب..☺
الشاب: تسلمى.. مابلاش كلمة حضرتك دى انتى زى اختى كلمينى عادى..
نادتله بـ اسمه *ضاعت الكلفة..💔*
ووضع فى قلبه لها شئ من القبول..😍 بتسأل على والدته و بتدعيلها يوضع قبول ولا مايوضعش..!🤨 يوضع ونص😌
وكملوا بقا زى الاخوات.. انبهر بأسلوبها المحترم ورقتها ولا يخلو الكلام المحترم ده من نكتة محترمة😅 ، ألشة على دكتور🤣 ، تريقة على المنهج ماهو منهج *** استغفر الله نتريق ولا مانتريقش!😀
بعدين البنت مخنوقة متضايقة..☹ فى حد زعلها فى البيت وهى عصبية و جو الامتحانات بيوتر ويقلق ويخلى الواحد مش طايق نفسه اصلا..😤 دخلت اوضتها وفضلت تعيط ومش عارفة تذاكر..😭 شوشو حضر اعوذ بالله.. البنت ضعيفة ومنهارة وده وقته..😈 الشاب بقى زهق من المذاكرة فتح الواتساب اكلمها ولا مكلمهاش..🤔 اكلمها..؟ ماكلمهاش..! طيب حتى اشوفها عملت ايه فى المادة الـ*** واقفل بسرعة دى زى اختى..☺
بعتلها رسالة
*المشهد الرابع*
الشاب: عاملة ايه فى المادة ذاكرتيها؟ لو محتاجة حاجه ممكن أساعدك☺
البنت بتعيط اصلا ومش ناقصة😭
البنت: اصلا مش عارفة اذاكر ولا فتحت الكتاب علشان احتاج حاجه😔
الشاب: ليه كدا😕
البنت محتاجه تتكلم مع حد وتفضفض بس لازم ترد الرد الاعتيادى بتاع البنات علشان تعمل اللى عليها
البنت: مفيش😞
الشاب: قوليلى مالك بس يمكن اقدر اساعدك🙄
حكتله مشكلتها.. ماهو زى اخوها.. ارتاحت شوية مش علشان حكتله هو لا.. هى لو حكت للدبدوب بتاعها بردو هاترتاح🧸.. بس شوشو موجود فـ لازم يريحها فى الكلام..😈 الشاب هدَّاها وبطلت عياط وساعدها كمان فى المادة اللى ماذاكرتهاش ماهى زى اخته.. سمعها و ساعدها وايه اللى محتاجاه البنت غير حد يسمعها ويوقف جنبها مش عاوزة غير كدا..!🥺
خلصت الامتحانات ونجحوا يفرحوا مع بعض ولا مايفرحوش ولا هما بتوع مصالح وبيتكلموا فى الملازم والمحاضرات وبس.. باركلها وباركتله بقا ماهو زى اخوها و دخلنا فى الفراغ بتاع الاجازة يتكلموا ويهزروا باحتراااام وفاكرين ده عادى اصلهم زى الاخوات.. الباقة خلصت والواى فاى عطلان عدا يوم ماكلمتهوش اليوم اللى بعده اتصل بيها يطمن عليها
*المشهد الخامس*
الشاب: وحشتينى..😍
*ضاع الإحترام..💔*
البنت: .......😳
الشاب: عاملة ايه طيب؟ قلقت عليكى ماكلمتينيش ليه امبارح فضلت ابعتلك رسايل ومافتحتيش الواتساب
البنت: النت كان فاصل.. انا كويسة..😅 بجد قلقت عليا ..!😳
*ضاع الخجل..💔*
و شوشو حضر ، فرحت ان فى حد بيهتم بيها ، بيقلق عليها ، ويتصل يتطمن عليها كمان
رجعوا يتكلموا عادى ماهو زى اخوها
الشاب عمل حادثة😱 ومكلمهاش تلات ايام .. بس الاعتياد حسسها بفراغ وهو اخد حيز من الفراغ ده.. قلقانة ، متنرڤزة😡 ، و أى حد يكلمها تزعق وتعيط😢 ، الادمان ، الاعتياد ، لازم تاخد جرعة كل يوم من الشاب ده.. عرفت انه عمل حادثة عيطت ، قلقت ، عاوزة تطمن عليه ماهو زى اخوها عرفت انها حبته ، فُتنت به.. كلمته
*المشهد الاخير*
الشاب: الو ازيك..😃 وحشتيـ...
البنت : بحبك..!😶
زى أخويا.. وقعت فى الفتنة و فى مابعد كلمة بحبك فى الحرام..💔
زى اخويا.. ضيعت حيائها وخجلها..💔
زى اخويا.. ضيعت فطرتها النقية وبراءتها..💔
زى اخويا.. ضيعت عفة القلب والجوارح..💔
زى اخويا.. خلت الشيطان يسيطر على افكارها وانها مش هاتوقع..💔
زى اخويا ابتدت حكايتها.. وانتهت بالفتنة والذنوب..💔
أما بعد..
فلا تطيلي النظر.. ولا تستبيحي الحديث.. وكفي عن المزاح.. والزمي الكلفة.. واجتنبي حدوث الألفة.. وإلا فلا تختلطي ..
مافيش "زى اخويا" إما أخويا او لا 🤚🏻🌸
