السلام عليكم ورحمة الله وبركاته ♥🔐
أوقات كتير كلنا بندعي بس دعائنا مش يستجاب صح ؟؟!
هنا أن شاء الله هنعرف اي الحل ☺
أولا طبعا كلنا عارفين أن ربنا كاتب لينا الاجمل والاحلي ولازم نثق ف اختيار الله 🍓
ربنا رزقنا بنعمة الدعاء ودي نعمة عظيمة جدا 🖤
يعني اي دعاء ؟؟! يعني إنك تطلب ال أنت عايزة من ربنا وطبعا مينفعش انك تدعو غير الله ربنا قالنا ايه بقا ف كتابه الكريم "وإذا سألك عبادي عني فإني قريب أجيب دعوة الداع إذا دعنا فليستجيبوا لي وليؤمنوا بي لعلهم يرحمون "
وف ال بوست دا ان شاء الله هقولكم شروط استجابة الدعاء :-
أول حاجة الإخلاص لله يعني أنت مش بتعمل كدا علشان حد او حاجة لا أنت بتعمل كدا علشان انت محتاج ربنا ومحتاج عطاياه ♥
تاني حاجة وهي أننا نبقي واثقين أن ربنا قادر علي كل شئ نطلب واحنا متأكدين من استجابة ربنا لدعائنا ♥
تالت حاجة بقا وال اكثرنا مش بيعملها ألا وهي البدء بالثناء والحمد لله ..يعني اي؟؟!
يعني مثلا انت بندعي ان ربنا يرزقك الشغلانة دي ولا التقدير دا تبدأ تقول الحمد لله يارب علي نعمك التي لا تعد ولا تحصي الحمد لله انك وفقتني ف كذا وكذا الحمد لله انك أبعدت عني كذا وكذا الحمد لله انك رزقتنا كذا وكذا وبعدين نصلي ع النبي ونبدأ دعائنا براحتنا ونختم برضو بكدا 🤭👍🏻
رابع حاجة كثرة الأعمال الصالحة والمحافظة علي الصلاة اذكر ربنا كتير صلي على النبي كتير صلي كتييير وكدا ربنا بيحب كدا ♥
خامس حاجة استقبال القبلة أقف ف اتجاه القبلة اتوضأ ارفع إيدك وأنت بتدعي ال هي كدا 🤲🏻
سادس حاجة وهي الإلحاح ربنا بيحب العبد اللحوح ألح ف طلب واصبر وما تسستعجلش وتجزعش من أول مرة ♥
سابع حاجة ..الدعاء في الشدة والرخاء..للأسف حاليا احنا مش بندعي ربنا غير ف الشدة ودا طبعا ما ينفعش خالص لازم نوعيه ف كل وقت يعني مثلا الامتحان كان سهل نقول الحمد لله اللهم يسر الباقي كما يسرت هذا وكدا أدعي دائما أن ربنا يغفر ويعفو عنك سواء فرحان او زعلان ☺♥
تامن حاجة حضور القلب في الدعاء ومفيش مانع أننا نعيط واحنا بنطلب من ربنا ونسأله 🌻💙
تاسع حاجة الصوت يكون بين الجهر والمخافتة مش عالي لدرجة انك تسمع الجيران صوت دعائك العذب ومش ف سرك لأن ربنا بيحب يسمع صوت عبده 🌼💜
عاشر حاجة الاعتراف بالذنب والاستغفار والاعتراف بالنعمة
يعني مش بس تعترف بالنعمة لا كمان أدعي أن ربنا يهديك وانتي معترف بذنبك وقرر انك مش هتكرره تاني لأن دا بيزود رغبتك في التوبة ♾♥
اختيار الأوقات المناسبة للدعاء وهي كالآتي :-
بين الأذان والإقامة و انت ساجد و ف آخر ساعة بعد العصر وفي أدبار الصلوات المكتوبات و دعوة الصائم والساعة ال ف يوم الجمعة وبعد الفجر وأنت بتصلي قيام الليل وأوقات كتيييرة جدا 🤭♥
التوسل إلي الله بأسمائه الحسني وصفاته العلي يعني وأنت بتدعي قول يا غفور اغفر لي يا رحيم ارحمني يا رزاق ارزقني يا كريم أكرمني وهكذا 🔐🖤
الابتعاد عن المعاصي أدعي ديما ان ربنا يهديك ويكرهك ف ال معاصي أدعي بقلب صادق ☺🌻
اي بقا أسباب عدم الاستجابة ؟؟! 👀
ان يكون الدعاء لغير الله او فيه حاجة من الشرك ودا طبعا حرام 👎🏻
الدعاء بالموت يعني بلاش يارب خدني يا رب اموت وهكذا أنت ممكن تقول يا رب اسعدني يارب اهديني ودي أحلي بكتيير 😊💙
الدعاء بما هو مستحيل يعني ما تدعي مثلا أن السما تمطر فلوس وذهب او انك ترجع طفل تاني او انك تدعي أن حد مات يرجع للحياة تاني لأن دا أساسا ممتنع عقلا 😅♥
الدعاء علي الأهل والأموال والنفس يعني برضو بلاش يارب فلان يموت يارب خد ابنه يارب يسقط يارب يخسر وهكذا 👍🏻💜
تحجير الرحمة مثلا تقول يارب ارزقني وحدي او ارحمني وحدي او انا انجح ودا لا وهكذا أدعي للجميع ♥♾
انك تدعي علي وجه الاختبار والتجربة انا هدعي ربنا استجاب استجاب ما استجابش عادي مش هيفرق ولا هيضر 🤦🏻♂🖤
قلة اليقين واليأس انك تقول هدعي ليه ما كده كده مش هيتحقق مش هيحصل ال انا عايزاه وهكذا لازم يكون عندنا أمل كببير ف ربنا 🌻💙
ضعف القلب وعدم اقباله ع الله وربنا مش بيقبل دعوة غافل 💜🌼
وطبعا لما حد يقولنا ادعوا وننسي نقول "اللهم اقض حاجة كل من وكلني دعائك"
وف الآخر أحب اني أقولكم ما متملوش ابدا من الدعاء واعرفوا أن الله علي كل شئ قدير 😊♥
