- دعواتك مبتُستجابش ؟!
- حامل هم الامتحانات ؟ ..
- بتنسي اي معلومه بتذاكرها؟
- مزاجك ديمًا متعكر وحامل هم بُكره ومستقبلك؟ .
- في توترات في حياتك الزوجيه ! او حامل هم المشاكل بعد الجواز ؟!
- اهل بيتك ديمًا ف خناق وغم ؟
- خايف من الموت ؟
- رزقك ضيق ومليان احباط ؟ ..
- مريض او اتاخرت ف الجواز او الخلفه؟ ..
يمكن كل دا واكتر مهواش سببه حسد .. او اهمال .. او قلة حظ .. ليه ميكونش بسبب ذنوب عملتها سواء قديمه او مستمر عليها .. وهي دي اللي موقفه حالك وقله بختك ومعصلجالك ظروفك وامورك؟! .. يمكن لما تقرأ البوست دا بكل ثقه ف ربنا متخرجش منه الا وانت زي يوم ما ولدتك امك .. ! مهما عملت من ذنوب وفواحش يا ابو ايمن ؟ ايوه ياصديق مهما عملت .. مهما كررتها وتوبت ورجعت اعملها تاني .. ايوه صدقني مهما عملت حتي ولو عامل ذنوب تُقل الجبال وبحجم البحار والسما وبعدد النجوم ! .. الليله ليلة الجُمعه وليله مفترجه ! .. طب الحقني الله يبارلك انا غريق وما بصدق الاقي قشايه اتعلق بيها يمكن تنقذني من الضياع اللي انا فيه ! .. اكيد دلوقت انت بتقرأ البوست وشويه وهتنام .. يبقي البوست دا متفصل علي مقاسك .. كأنه مكتوبلك انت شخصيًا والله .. اشمعنا انا يعني ؟ لان النبي قال حاجه للناس اللي داخلين يناموا كمان شويه .. لو عملوها يبقي ١٠٠٠ مبروك عليهم .. صحيفتهم اللي مليانه بلاوي وذنوب هتتقطع ويتعملهم صحيفه جديده لانج ! وقلوبهم هتاخد دُش بالديتول اللي يحوش جراثيم الذنوب وينضفها من كل شيء .. بس دا اسمه " ديتول التوبه " مفعوله اقوي واشد .. تمام جدًا قولي النبي قال ايه وانا هقول بكل يقين وخشوع وصدق وقلب واثق ف ربنا .. النبي قال فيما معناه : من قال حين يذهب الي نومه : " لا إله إلا الله وحده لا شريك له، له الملك وله الحمد وهو على كل شيء قدير لا حول ولا قوة إلا بالله العلي العظيم سبحان الله والحمد لله ولا إله إلا الله والله أكبر!" .. يغفر الله له ذنوبه حتي ولو كانت مثل حجم البحر ! مُتخيل ؟ كل ذنوبك تتغفر لا ومش بس كدا دي هتتبدل حسنات متخيل انك دلوقت عملت ذنب مثلا حجمه ٣ كيلو سيئات .. اول لما قولت الدعاء دا باذن الله ال ٣ كيلو سيئات بقوا ٣ كيلو حسنات ;D الله دا بجد ؟! اه والله بجد ربنا بيقول " أولائك يبدل الله سيئاتهم حسنات ;D واسرح معايا كدا بخيالك ان كل اللي هيقول الدعاء دا عن طريقك ربنا هيبدل ذنوبه حسنات وتاخد كمان حسنات قده ! يعني مثلا تطلعك ب ٢٥٠٠ كيلو حسنات مثلا ع الفرد الواحد ;D دا انت تفتحلك هايبر وتتاجر ف الحسنات بقي ياعم ;D ومش بس كدا دعوتك هتبقي مستجابه لان من شروط استجابة الدعاء ان يكون القلب نقيًا من الذنوب طاهرًا وانت باذن الله طاهر دلوقت ف ابشر بفرج الله وتيسيره وفرحه جيالك ف الطريق تسُر قلبك الطيب وتسعدك ان شاء الله يابن المحظوظه ;D ! اللهم اجعل كل من قال هذا الدعاء ممن تقول للملائكه عنه او عنها اشُهدكم يا ملائكتي اني قد غفرت لفلان او فلانه فإفتحوا له ابواب الخير فإني أحُبه .. لان ربنا بيحب التوابين .. الله يحبك :))
#تُبت_يارب ..
