"افكار تودي الجنه🌸💙"
💙هكتب بعض الأفكار الي تودي الجنة ان شاء الله ،انا مش هتكلم علي عبادات اساسيه هقول افكار✊🌼💙
1- طبق وكوباية واعملوهم بـ أسمنت علي جدار البلكونة واحد فيه مية والتاني أكل عصافير حتي لو عيش ناشف هما بياكلوا منه شعور حلو لما تبقو مستنينهم يخلصوا الأكل عشان تحطولهم وهما مستنينكم لعلهم يكونوا سبب في دخولنا الجنه💙
2- قلم خطاط وفي أول دور في عمارتكم واكتبوا صلي علي محمد صلي الله عليه وسلم أو أذكر الله 🌼كده أي حد طالع العماره هيذكر الله بسببكم شوفوا بقا كام واحد بيطلع في اليوم✊💙
3-طبعا مش هننسي القطط والكلاب الي بيبقوا هيموتوا من العطش ونفس الحكايه علي أي رصيف وحط حاجة للأكل وحاجة للميه واعملهم باالأسمنت وتابعهم بقا ،لو بنت فهيبقي صعب تحطي الأكل في الشارع وتعملي الأسمنت فهيكون قدام باب بيتك💜😍
4-كيس بونبوني ويبقا دايما معانا بحيث لو ف عربية وطفل بيعيط نديه واحده ونفرح قلبه😍
5-طبعا الصدقة دايماً بس بطريقة تانيه يعني مش نرمي الفلوس رمي لا ندي الفلوس بحسن خلق كده وننزل نبوس راسهم دا زي والدك أو دي زي والدتك صدقوني كده هيدعولنا من قلبهم بجد ولما يدعولنا ندعيلهم علشان تكون الدعوة مقابل الدعوة والصدقة خالصة لوجه الله 💜💙
6- ماشين في الشارع أي حد يقابلنا ندعيله الشخص الي بيبقي دعوته مستجابه هو الي بيدعي للناس كتير لأن الملايكة بتقوله ولك المثل💜💜
7-علموا اطفال الفاتحه طبعا هيصلوا بيها طول عمرهم واهي صدقة جارية😍✊
8- أذكار الصباح والمساء صوروهم وادوا ل صحابكم واهي بردو صدقة جارية💜🌼
9-هندعي دايما الدعاء دا(اللهم اغفر للمؤمنين والمؤمنات والمسلمين والمسلمات الاحياء منهم والاموات) وأي حد تعرفه تقوله انا بدعيلك دايما والله😍هيفرح جدا انك مهتم بيه ونكثر بقي من الدعاء دا أهو منه الملائكة بتقول ولك المثل ومنها بتفرح قلب حد 💜
10-نكتب ورق وفيه رسايل فرحه او دعاء أو اي حاجة مبهجه واهو بندخل السرور علي قلب مسلم💙
11-لما حد يقولك ادعيلي وتنسي قولي "اللهم اقض حاجة كل من وكلني دعائك"
..لو الأفكار عجبتكم متتأخروش ف التنفيذ وال تنفذ حاجة تقولي ❤️😍
احنا منعرفش هنموت امتي ولا لما نموت حد هيعملنا صدقة جارية ولا لا ،فنعمل احنا دايماً✊💜
____________________
كل الاجزاء دي انا كنت كتباها سابقا وكنت مقررة اني هنشرهم كلهم ف اول يوم رمضان لكن نظرا لامتحاناتي ف هكون مشغولة ف نزلتهم الان وان شاء الله في رمصان بعد امتحاناتي هنشر كل يوم فصل وال عندها أفكار نكتب عنها تقول رأس الموضوع 👌👍
ادعولي رجاءا لعلكم الي الله اقرب مني 💜🌼
