فصليه تنجاب البغداد البيت ابو غانم بعد عشر ايام
كان هذا طلب عزام علمود يكون فات على وفاة رائد قريب الشهرين
رجعت ام سجاد وسجاد والبنات للبيت لان خابروهم ورجعوا البيوتهم ودخلت غادة وهبه وكامن ينظفن بالبيت وبالليل إجت زينب وسالم وبعدين اجه الشيخ ابو نعيم ويا ابو هاشم وكام الشيخ وصاح على ام سجاد وسجاد وكلهم خلي البنيه تحضر روحها بعد تسع تيام ناخذها انا وعمها
أبو هاشم كال انا أجهزها احسن جهاز واشتريلها ذهب وملابس على ذوقها ما اخليها تحتاج شي
بس ام سجاد كامت تبجي لان حست بعد ما راح تشوف غاده وكالت
ليش جي يتيمه وما عدنا سند هيج يصير بينا سلعه تنباع و تنشره وينك ابو سجاد تعال شوف شصاير بينا اخلافك ياريتنا متنه وياك
سمع سجاد كام على حيله وكال
شيخنا عمي انا ما راح انطي اختي العشيره بيها هواي نسوان افصلو بأي وحده شنو احنه حايط انصيص
اهنا كام أبو هاشم وخزر سجاد وكله
انت شتحجي شنو لعب جاهل
لا عمي مو لعب جهال بس
بس شني تريد يرجع الثأر كاتل ومكتول تره والناس ما تعرف هاشم دمها فاير وتكتل حي الله
ام سجاد// اي أنتم تكدرون ع الفقره جي تشوفون سجاد وحيد تستفردون بي بس النه الله
اهنا الشيخ كلها
لا والله كلنه اخوتج وعمام سجاد بس يا خويه لو ابو سجاد موجود هم جا قبل بالفصل
اي شيخنا بس بعد هاي هي ما اشوف بتي و.ضاع مستقبلها خطيه البنيه جايبه معدل كلنه تكمل تفيد نفسها بس بعد شنسوي تره هذا أمر البشر مو أمر الله
الشيخ //خويه ام سجاد فترة ويرجع كل شي المكانه وانتي بت اصول حفظتي بيتج وربيتي بناتج وابنج هذا الدره لان انتي طيبه واخلاقج عاليه فياخويه انتي هم لازم تفهمين بتج وتعلمينها بلكت تبرد الكلوب وتصافى النفوس وداعت نعيم وسجاد شكم وحده بوحده راحت فصل صارت بس هي وبس لان عرفت شلون تتصرف ويه الناس وصارت هي ام البيت
الله كريم احنه عينه بعين الله
وراح الشيخ وأبو هاشم جان سجاد متوتر وما يعرف شيسوي بس غاده وامها ذعنن للأمر الواقع
صارت ام سجاد أتعلم بتها تكلها
يمه غاده راح ترحين الناس ما تعرفيهم لا مثل عاداتنا ولا مثل طريقتنا بتي الي أريده منج اول ايام راح تعانين منهم وهمه حقهم لان مكتول لهم رجال وانتي قبلتي علمود اخوج لازم ترفعين راسنا والحد اليوم سجاد يكول اذا غاده ما تدبرها ابطل والي يصير يصير
غاده/// لا يمه اخاف على سجاد عمي غالي شرد ولده وعائلته وخلانه وراه شنو قابل نضحي بسجاد لو نخلي بالبيت ما يطلع لا تخافين علي وياي ربي يحميني
ما النه غير الله
غاده // والنعم بالله
الام غلبتها دموعها وحضنت غاده الي جانت خايفه من هاي الخطوه أكثر من أمها بس ما تبين خوفها علمود سجاد لا يتهور
ثاني يوم اجه ابو هاشم وانطه ام سجاد فلوس وكلها روحي اشتري البتج ملابس وذهب لان حس انو غادة نقذت اولاده من نهر دم وثارات ما راح تخمد
وراحت ام سجاد هي وزينب وجهزن غادة
