#فصليه_الغربيه
#انين_الليل
#البارت التاسع
شنو الي صار بين عزام وغاده العصر حب عزام ان يشوف غاده ويطمن عليها بس هو استحى كال خلي اسوي روحي اريد أخذ ملابس صعد وصل للباب الخارجي مال الصاله شافه مفتوح واجه راد يدك باب غرفته بس لكاه مردود وسمع رنا وغاده يسولفن وسمع غاده شلون تحجي على وضعهم و اشلون عمامها ما الهم غرض وما يسألون عنهم وسمعها من تحجي على اخوها سجاد بس انقهر من تكل الرنا لو عزام يخيرني يجرح اصبع سجاد جرح بسيط بايده لو يضربني طلقه انا أقبل يموتني بس كون سجاد سالم ياربي شكد كبرت بعيني هالبنيه
خليت ونزلت وانا احجي ويه نفسي
شنو يعني واذا فصليه بس هي مرتي ليش أعاملها بهاي القسوة الله ما يرضى
رحت يم امي وابوي لكيت وجه امي مكلوب امي حتى ما باوعتلي بس من شافت رنا حاجتها وهي تسمع بيه //
اصعدي للمدلله شنو ما طابت ايدها اصخونه وفكتها شنو خدم عدها خليها تنزل احسن الها لو نست هي شني بهذا البيت
انا ما حجيت لان اعرف بس احجي راح تتأول ونسيت ثار اخوك ومن هالحجي رحت للديوانيه رنا صعدت وكلتلها بكلام امي ولكيتها تريد تنزل بس انا فهمتها انو تبقى وما تنزل الليله واجيت بالليل يمها وأخذت كل شي أريده منها جنت مرتاح وياها يمكن اول مره احس براحه لكن بعدين درت وجهي منها لأن اتذكرت شكد انا لئيم وما عندي وفى شنو نسيت فرقد مو هاي الغرفه الذكرياتها فرقد الي عفت روحي ودفنتها ويه دموعها هسه اني اخونها علمود نزوه عابره اويامن ويه طفله وفصليه
ودرت وجهي من عدها بس ظليت أفكر بيها واكول
هي ما الها ذنب كل ذنبها هي تكون بت عم هاشم
اووف يا هاشم كون الزمك حتى الموت ما يشفي غليلي منك اكتلك
وارجع هاي الطفله الاهلها الحضن أمها واخوها بس وين الكاك
ظليت افكر واحسب وانا داير وجهي وبعدين ما أدري شلون غلبني النوم
💗💗💗💗💗💗💗💗💗💗💗💗💗💗💗💗💗
غاده
من صعدتلي رنا حجت وياي وكلتلي الحجيه تكول كافي خلي تنزل
كتلها
هسه انزل
وما احس إلا عزام دخل للغرفه انا جاي ألم بشعري رنا نزلت وانا اجيت انزل هو لزم أيدي كال
وين رايحه مو كلت الليله تبقين
انا حسيت بنفسي رخيصة بس كتله
أمك تريدني أنزل
وانا اكولج تبقين هين
بس خاف الحجيه تزعل
ما عليج علي اذا احد حجى وياج كليلهم عزام ما خلاني وافتهمي زين انا بس الي اكلج تصعدين ويمته تنزلين الأوامر تاخذينهن مني انا وبس
انا ويه روحي ياريت بس منك الأوامر أصلا انا اخذالاوامر من البيت كله ما اعرف انا شنو بهالبيت بس شسوي وين اروح ضايعه والديره بعيده والأهل بعيدين عني
وبعدين بدأ يتقرب ويتلمس بجسمي شمرني ع الجربايه وأخذ كل شي مني هالمرة كان وياي عنيف وبنفس الوقت حنين انا ما ادري ليش تجاوبت ويا مدري خوف مدري رغبه مدري قبول بالامر الواقع ما اعرف شنو لكن فجأة دار وجهه عني
حسيت بنفسي انا مجرد وقت يمضي يمي وخلص احتقرت نفسي وكمت ألوم على روحي واكول
