#فصليه_الغربيه
#انين_الليل
#البارت التاسع عشر
بقينا الليل كله وانا وسالم نراقب سجاد لان الطبيب كال يخاف من الأعراض الجانبيه خصوصا وإن الشظايا منتشرات بجسمه صدك الله ستر انا من شفته هناك بالجبهه جان غركان بدمه بس هسه اشوف اشلون جسمه مجرح واشلون اكو خياطات لان الدكتور كال سويناله 3عمليات بنفس الوقت الحمد لله الله سلمه لان هو حباب وداير باله على أمه وأخواته برغم صغر سنه الصبح جنت انا نايم ع الكرسي وسالم صحى قريب ال 7 لان كنت كلش تعبان وانا وسالم نراقب بسجاد حسيت باهه كعدت شفت سالم واكف وسجاد جاي يون وهو مغمض عيونه باوعت السالم كلي انت سهيت شويه وهو كام يون
فأنا كعدت لمست وجهه شفته مصخن كتله سالم روح صيح للدكتور مو زين الحراره علي وراح سالم شويه واجه الطبيب ظربه ابره وكال راقبو واذا مافكته الصخونه أبدو ويا كمادات وفعلا جبنا قطعة باندج ولفيناه وكمنا نسويله كمادات ونمررها على وجهه إلى أن استقرت حالته جنه واكفين انا وسالم ونشوف سجاد فتح عيونه صافن علينه وهو متعجب يمكن عباله بعده بالجبهه كمنا علي انا وسالم وحظناه كمنا نبوس بي ونبجي على هذا البطل الزغير لان سجاد صحيح كان عمره بعده ما مكمل 18 بس هو ناعم وبنيته ضعيفه نحضن بي ونكله
الحمد لله ع السلامه يا بطل
هو بقى شويه بعدين استوعب انو هو بالمستشفى طبعا الطبيب كال شربو سوائل انا خابرت خديجه كتلها سويلي شوربه بس ما كتلها المن بعدين اجو الشباب الي ساعدو بإخلاء الجرحى وحظنو سجاد وهمه يكولون الحمد لله ع السلامه يا بطل لك اشسويت داعش انهزم من بطولتك
همه يقصدون بطولة كل عراقي شريف سواء كان من الجيش والحشد الشعبي والعشائري والشرطة وجميع عراقي أصيل هو بالحقيقة بطل لان دافع من موقعه وما قبل أن تنباك أرض الأنبياء باسم الدين المزيف انا سئلت الشباب عن باقي الجرحى ورحت علمود اتحمد الهم السلامه وبعدين صعدت بالسيارة رحت اخذت فواكه واشتريت ملابس ورحت البيت ام حبيب وهناك كتلها انو ابن صديقي مسوي حادث واهله مو يمه انطيتها الفواكه علمود تسويهن عصير وانا اخذت حمام وغيرت ملابسي لان هم اشتريت لي ملابس ومن بدلت حجيت ويه خديجه
ام حبيب وين رائد
نايم البارحه اتأخر يالله نام
ا
رحت شفته بجربايته نايم حبيبي يخبل صث- ةا0انا دنكت علي وبسته وشميته هو فتح عيونه لان يمكن لحيتي بززت خده الطري كعد استغربني بجى انا شلته واسكت بي وانطيته الخديجه لان الي بالبيت نائمين كامت تسكت بي وهو باوعلي بعدين سويتله باديه تعال اشو هذا رأسا اجه حتى ما أستغرب بسته لان حسيت بي طيبة امه وخليته بحظني وحظنته
خديجه باوعتلي وهي تنطيني كوب الجاي وحجت
عزام خويه مو كافي ما اجه الوقت الي تروح تشوف ولدك وتمر على امي
خديجه اتركي الموضوع
هاا وليمته اناجله
ام حبيب انا راسي مرتاح بالنسبه الولدي وطليقتي جاي يوصلها الي يكفيهم وزياده
وامي سويتلها الي تريده طلكت غاده وحرمتها من ابنها وحركت كلبها لان هي الي كتلت اخوي
خديجه//اي وانت كاظيها من بغداد الاربيل لسليمانيه ما تكول عدي اهل عدي أب ام
