#فصلية_الغربيه 💔💔 #انين الليل 💔💔
---------------------------------------------------------
من لمت غاده الفلوس و شافت العلاكه الثانيه خذتهن وراحت للغرفه كعدت ع الجربايه وخلت الفلوس بالعلاكه لكن لمن فتحت العلاكه الثانيه كانت المفاجئه دفتر مذكراتها الي جابته الها رنابس من شافت الشغله الثانيه الي ويه الدفتر جفلت وخافت لان شافت ظفيرتها الي كصتها ابتهال واسيل بس شتسوي عد عزام صار اكثر من سنتين شيسوي بيها وظلت لازمتهن ما ظمتهن تريد من يجي تسأله هي طبعا بقت بالجبه والحجاب من كعدت ع الجربايه وهي بس تفكر بوضعها وبأهلها هسه وين يدورون عليها وشنو يفكرون بيها غاده انقهرت من الصار كله لكن أزيد قهرها لمن سمعت عزام يكول
راح ارجع ابتهال تربي ابني لو انطي الخطيبتي يعني عزام صدك مثل ما كالت مها خاطب
غاده ويه نفسها //اي ويخطب وانا شعليه اصلا هو إنسان غريب علي
خلي يخطب بلكي أفتك بلكي يلتهي بمرته الجديده ويعوفني
وشنوهو نمونه منو تأخذه هذا بالله وانتي
غاده ليش ضايجه وتحجين شنو غرتي
ياااعليمن غرت بس هاي منو الي خطبها وهم راح يحبها
ها غاده مو توج تكولين مالي غرض لا ومها تكول فرحان وقانع بخطيبته
وج يا مها مو اتصل بيج من نفس الرقم الي تتواصلين بي ويه مها يعني شنو
يعني انا غبيه صار لي اشكد احجي واسولف مو ويه مها ويه عزام
عود صدك يعني عزام يقرأ الغلط والسب وأذكر ادعي عليي
اي وشسويله مالي غرض بي انا جاي أفكر بعزام وناسيه ابني ومصيبتي والفضيحه الي راح تصير
مو بعيده يكتلوني لو هاشم يصير برأسي رجال ويكوم يتفيك اااخ منك عزام شتريد مني
مو كافي السويته بيه شتريد بعد
وبقت غاده تفكر و مقهوره واتمددت ع الجربايه مدت رجليها بين تعب وبين خوف
وغفت وهي بملابسها وحجابها
بقت غاده نايمه من التعب والتفكير ما حست إلا على ايد تلمس بخدها فزت بين الغافيه والصاحيه شافته عزام هي كعدت عل حيلها والنعاس بعينها باوعت شافت دنيا ليل ما درت شكد نامت
كلها عزام //لا تخافين ردت اكعدج علمود احجي وياج
هي بتعب وخوف //رائد بي شي كلي
عزام //غاده صحصحي وياي
غاده خلت ايدها ع خدها وبقت تباوع والنعاس بعينها وكامت تتثاوب//اكلك عزام انت شتريد
عزام //شوفي يا بت الناس انا ما أنكر ظلمتج و اذيتج واذيت عينج
بس كل هذا الي سويته ما يجي قطره أبحر بالنسبه الحبي الج واذيتج اليه
غاده لاحظت انو عزام عيونه حمر وتنفسه سريع
هي جاوبت //وهسه شتريد عزام الوين تريد توصل
غاده انا صحيح خاطب بس بكلمه وحده أترك كل شي واخلي وراي خلينه نرجع ونربي
ابنه شنو انتي ما اشتاقيتيله
غاده //تريدني اكول اي اشتاقيتله لو اكلك ما أريده وك عزام انا ام انكطع منها ابنها وهي ما شايفته يوميه احلم بي وبضحكته وبالبرد اكول دفيان بردان اكول هسه هو صاحي لو مريض يبجي لو يضحك وارجع واكول لا عزام ما يعوفه يدير باله علي لان ابنه وهسه مو اخذته ليش تريد تعذبني شسويتلك انا
عزام //غاده احبج ما اريد اعذبج وما اكدر افاركج موبيدي والله
غاده //هاا تحبني لا عزام انت ما تحبني بس انت متعود محد ايكلك لا وانت عندك حب السيطره فاستهظمت شلون وحده فصليه مثلي تكلك لا لازم تجيب راسي للكاع
عزام لزمها باثنين ادي وحجى بغضب//لج اسكتي كافي موتيني اكدر هسه
اغتصبج ومحد يسمع صوتج واعوفج وبعدين تكومين تبوسين الايادي انتي واهلج
علمود ارجعج بس انا ما اسويها لان انتي حبيبتي وام إبني عيب غاده لا تخليني اتجاوز عل كرامتج
غاده //يا عيب هذا ليش انت المثلك يعرف العيب مو هل خاطفني والله يعلم شتريد تسوي بيه واتكول عيب عليمن تضحك عزام تره تصرفاتك مال مراهقين
هسه انت شتريد كلي خليني افتهم وارجع الاهلي
عزام //اريدج ترجعيلي لو ما كو تحلمين ترجعين الاهلج لو تشوفينهم
