#البارت الحادي عشر
(#فصلية_الغربيه )💕💕💕
#بقلمي --#انين_الليل
💛💚💙💛💚💙❤💛💚💙💛💚💙❤💛💚💙💛💚💙❤💛💚💙💛💚
خلي نشوف ليش عزام من اجه بيوم الحادث اجه عصبي وطلع حركته بغاده
لمن إجت خديجه الاهلها وشافت عزام وحال غاده حجت ويه عزام وقرر عزام ان يغير معاملته ويه غاده المهم بيوم الي رادت تروح خديجه دخل عزام وصاحلها للغرفه الجوة
خديجه //هاا خويه ابو سيف ردتني
عزام بتردد//اي ام حبيب ردت اسئلج شخبار فرقد
خديجه //ياعزام كل ما أجي تسألني عنها عبالي من اتزوجت الثانيه نسيتها
عزام بانكسار//انا انساها بعمري لحظه ما نسيتها هي وياي وين ما اروح اتخيلها يمي بنومي بكعدتي .شتحجين انتي ام حبيب بس انا كله ضامه بكلبي وما ابينه
خديجه //خويه عدك2 نسوان خليها الله يستر عليها ويسعدك انت هم تعبت
عزام //لو يصيرن 100 ما بجادنها الله عليج خديجه شني أخبارها
خديجه //شنو ابو سيف الهالدرجه اتحبها
عزام //ها ام حبيب تسوين روحج ما تدرين بروح رائد سولفيلي
خديجه //استغفر الله شوف خويه انا ما حبيت احجي وانت تدري بامي ما تحب فرقد على ابو شيعيه ومن هاي سوالفها الي تزرع بيها الطائفية
عزام بنفاذ صبر //شنو هالحجي خديجه ربنا واحد ودينا واحد ونبينا واحد
خديجه//اي خويه هاي انت هيج تكول لان طالع وعايش وياهم وأشغال وأعمال بس امي وين شايفه هي ما طالعه من البيت وتحجي الي تسمعه منا ومنا والا امي تقرأ تكتب وانت ياعزام تره امي شاده ظهرها بيك
عزام //ام حبيب رحمه الروح رائد كل يلي أخبارها
خديجه//الله يرحمه ويغفر اله هي صار اكثر من 5 أشهر من اتوفى رجلها وهي هسه إجت الاهلها لان صار حجي ع شغلة الورث والبيت
عزام فز من مكانه //الله عليج هسه هي يمكم وتشوفينها وشلونها
خديجه//على كيفك ابو سيف اي يمنا هي وجهالها شنو جهال اقصد ولدها اثنين الله يحفظهم جاي خيرهم
عزام //عليج الله ام حبيب تحجين صدك
خديجه //اي خويه صدك
عزامز//تدرين خديجه انا طرت من الفرح احس عبالك طفل جاهل اسمعيني خديجه اريدج تفاتحيها بأسرع وقت وكليلها اني مستعد اشتري بيت ابغداد واكتبه باسمها حتى تضمن حقها
خديجه //حتى لو وافقت وأمي عزام نسيت امي
عزام //لا ما نسيت بس امي دفنتني بالحياة خديجه انا فرقد احبها وما يبعدني عنها لا ولدها ولا امي ولا مذهب كافي حسو بيه انا بشر
خديجه الله يخليج ساعديني والله جنت شبه إنسان بس هسه اختلف الوضع
خديجه //الله كريم خويه أحاول
عزام //لا ام حبيب لا تحاولين كولي أكيد بعد اخوج
خديجه //كول ان شالله ابو سيف بس هم دير بالك على غاده
وسافرت خديجه بعد ان وصت أمها وابتهال وأبوها على غاده وطبعا عزام شال مبلغ معدل وانطا الخديجه هي كل ما تجي عزام ما يقصر منها
