#البارت الخامس والعشرون
💟#فصلية_الغربيه 💟
💟 #انين الليل 💟
وهذا البارت لعيونكم
بقى عزام يتواصل ويه غاده على انو مها بت خديجه بس علمود يعرف أخبارها وما انقطع من بيت سالم وزينب وجان كل شهر ينطي ال زينب 250 الف من غير مصرف أهله وجهاله وجان عزام كل فترةيروح للدكتور أيجيك روحه من الضغط والسكر وكان كل ما يصير عنده شغل ابغداد او باربيل يمر يشوف اهله ويروح يشوف رائد ويدز على ولده واولاد اخو يشوفهم ويشتريلهم ملابس وألعاب وينطيهم مصرف بس عزام جان دائماحزين خصوصا وهو يشوف غاده وهي تداوم ذاك اليوم عزام لزم النقال وكتب الغاده على انو مها
عزام //اشلونج غاده شخبارج
غاده //هلا مهاوي اشلونج يالكاطعه
عزام //انا ما كاطعه بس تعرفين انا دراسه وانتي همينه ما اريد اعطلج عن دراستج
غاده //لا ما تعطليني تدرين مها أفرح من اقرأ كتاباتج صدك هو خالج العينتين ما فك اليمين عنجن
عزام //لا ما فكه بعدين ليش احس تستهزاين بخالي
غاده//وج أحسه مخبل ما ادري شبي محلفكم ما تتواصلون وياي علمود ما اشوف صورة ابني لو اسمع صوته وهو دائم باربيل ما ادري وين
عزام طبعا صار عصبي بس ما يكدر يسوي شي //ولج غاده ما تستحين تحجين هيج على خالي مو عيب
غاده //لا مو عيب
عزام //لا عيب أقلها احترمي شعوري واحترمي خالي الي هو أبو ابنج
غاده //وج لا تضحكيني وانا ما جاي على بالي أضحك اي ابني هذا الي تحجين عنه الي أخذه من اول دقيقه هو الي يسوي هيج يعتبر من جنس البشر
عزام //انتي شبيج اليوم غاده بعدين انتي رفضتي ترجعيله شكد اتوسل شكد دز ناس عليج وانتي ابد انتي الي بعتي ابنج مو بس عزام
غاده //خالج مجرم نسيتي شنو سووا بيه
عزام //بس هو اتندم وما قصر وياج دزج الاحسن طبيب وبعدين انطاج فصل العينج وهو مستعد يخلي المبلغ الي تطلبي ويشتريلج بيت
غاده //وج يا فصل اصلا ما شفنا أخذه عمي غالي وجمل فوكه وفك بت هاشم
عزام //هاي انتي تحجين من صدك
غاده //اي والله مها يعني انا خسرت كل شي عيني وأبني وكل شي ما حصلت
لا من عمي ولا من زوجي وأبني
عزام //بس ياغاده خالي حاول يرجعج وكل الي تردي يسوي الج كل شي انتي بس اطلبي
غاده //اي طبعا أتدافعين الخالج خو ما تدافعين الي
عزام//لا غاده انتي تدرين بيه شكد احبج مثل ما احب خالي وجنت اتمنى الأمور ما توصل بيناتكم الهل حد بس سبحان الله (اهنا عزام راد يوصلها رساله )الله ما يريدالكم تنجمعون حتى تربون ابنكم لذلك خالي قبل أسبوع راح هو وامي وشافو البنيه الي راح يخطبها وهم كال راح يرجع ابتهال علمود يخلي عدها رائد
غاده بارتباك وكوه مسيطره على نفسها //هاا يعني قرر خالج يتزوج
عزام //أي غاده راح يتزوج لان قطع الأمل بعد ما ترجعين من راح يشوف العروس
جان ما مقتنع بس اشو من شافها رجع متبدل 180 درجه وجان فرحان كلش
غاده //هاا بيها الخير بس ليش يرجع ابتهال
عزام //الظاهر خطيبته عجبته وما يريد ايبلشها بابنه لذلك قرر يرجع ابتهال علمود تربي رائد ويه اخوانه ويتعود عليهم لا ويجوز ايسجله باسم ابتهال
غاده فزت //ياء بكيفه ايسجل ابني باسم السعلوة اي اعرفه ابو النسوان الشايب ما يعول يشوفله مره ينسى نفسه
عزام //اه صدك ولا أدري بخالي هيج
غاده //اي ولج مها مو تكليلي مخلص وكته بين بغداد واربيل شيسوي
عزام //غير شغل
غاده //يمعوده يا شغل تلكينه داير ما داير النسوان شبيج انتي تبقيين غبيه
عزام //هسه خالو يتزوج ويستجن على كولة بيبي
غاده حست بغيره //اي مها حتى انا هم راح أتزوج جايين عليه ناس
عزام //بيها الخير
غاده //يوم الالج حبيبتي
عزام //شكرا غاده سلمي ع الاهل
