هاي لعيونكم بارت إضافي احبكم ...
#البارت الخامس
#فصليه_الغربيه
#انين_الليل
كمت من فراشي وشلت الجرجف الي يغطي الدوشك الاسفنج وحميت ماي وسبحت صحيح هو الماي كان قليل بس ها شويه حسيت بالنظافه ونمت طبعا كان عندي الآلام بجسمي تمنيت امي او اختي يمي بس وين انا شكد بعيده ظليت ابجي إلى أن نمت الصبح كعدت توضيت وصليت وظليت أقرأ قرآن بعدين ظليت كاعده بالغرفه على الساعه 7 الصبح سمعت باب الترك انفتح واندك الباب مال الغرفه كمت فتحت لكيت ابنيه زغيره تقريبا عمرهاست سنوات باوعت الها هي كلتلي
بيبي تريدج
انا خليت شالي على رأسي ورحت ورة البنيه
البنيه تمشي وياي بالحديقه سئلتني
خاله شنو اسمج
غاده وانتي يا حلوه
انا أسمي فرقد
الله اسمج يجنن
حتى انتي
لزمت ايدها ودخلتني من باب حديد
لكيت مطبخ كلش جبير وبي كاونترات حلوات كلش وميز طعام هم جبير دخلت كلت صباح الخير الكل رد بس المرة الجبيرة اوياها وحده يجي عمرها أكثر من 30 سنه جانت تخزرني
شفت عزام كلي بنبرة أأمر بدون ما يباوع الي
بوسي ايد الحجي والحجيه
انا هم رحت ع الحجيه بست ايدها هي ما باوعتلي بس أنطتني ايدها
بعدين رحت ع الحجي الي ركبت يمه من اجيت من بغداد بست ايده هو وخرها وباسني براسي وكلي
الله يرضى عليج بنيتي
بس اشوف بكلامه حزن بعدين اكو ولد عرفته هذا سلمان زوج رنا كلي
هله خويه بيج أهلا وسهلا
انا بعدني واكفه
حاجتني الحجيه //شوفي انتي هنا تعرفين وضعج ما اريد اسمع لج حس اتخلصين شغلج وترحين المهجومتج على ما يصير الج حل
انا كل شي ما ا فتهمت بقيت صافنه او واكفه ما اعرف شحجي
الكل ساكت سلمان باوعلي وحجه //حدري هين تريكي ويانه
واهنا الحجيه فزت //لا والله ما تكعد ويانا على سفرة اطلع من البيت نخلص وتجي تزقنب عوزي بعد تكعد وتكابلني
وباعتلي وكالتلي //هاج ولج اخذي هاي الصينيه وصعديها فوك
الكل ساكت وانا بيدي الصينيه وين اصعدها ما اندل
كامت رنا كالت
غاده ذاك الدرج اصعدي تلكيين صاله بيها بابين الباب على ايدج اليسرى ادخلي وراح تطلعلج أسيل انطيها الصينيه
انا كل شي ما ا فتهمت اخذت الصينيه وصعدت وشفت صاله جبيره وبيها بابين حديد فتحت الباب العلى أيدي اليسرى ولكيت غرفتين وصاله وحمام وشفت ابنيه لابسه اسود وكاعده تباوع ع التلفزيون انا دكيت؟ الباب اريد أكلها صباح الخير اشو هاي اخذت الصينيه وتفلت بوجهي نزلت وانا بين المقهورة والخايفه وظليت انظف بالصاله الجبيرة وشويه سمعت عزام وسلمان طلعو وسلمان كال شويه وادز المسواك انا خلصت مسح ورحت للمطبخ لكيت الحجيه والمرة الثانيه باوعتلي وحجت وياي وهي تريد تموتني
شوفي ولج تشتغلين وانتي مدنكه وصوت ما اسمع ترة تشوفين شي ما محتسبه علي
الحجيه //والله النسيج حليب امج انتي هنا حالج حال خدامه وما طول ابني كسرج هاي هي وين يروح هاشم لو عشر سنين نلكاه وشوفي هاي ام سيف هي راعية البيت وش تريد اتسويلها افتهمتي
انا انفت كلبي اشو ذني هنا يحجن والزلم ساكتين
