#فصليه_الغربيه
#انين_الليل
#البارت الثالث عشر
صار الليل ورحت جبت الها معلاك مشوي وشوربه وكلتها وانا هم اكلت وياها وبعدين راحت تغسل ع المغسله كنت اشوف رجلها كوه تمشي عليها يعني هاي البنيه مكسرة تكسر
بس مو مثل مصيبة عينها الله يساعدها ويساعدني
رجعت انطيتها علاجها ونيمتها ع الجربايه كتلها حاولي تنامين على ظهرج وانا فرشت بالكاع او وقتت المنبه كل ساعتين علمود احط الها قطرة طبعا كل ساعتين اكعد اخلي القطرة واغطيها نومها عبث بشكل
المهم الساعه اربعه حطيتلها القطره كالت انت نام لان انا شبعت نوم انا اخلي وفعلا نمت الظاهر نمنا اثنينه على الساعه ثمانيه انا كعدت شفتها عود نايمه بس شنو ما شايف هيج عبثه بحياتي طبعا رأسها ع المخده ورجليها مدندلات لا والدشداشه مرفوعه ال وجهه وجسمها كله طالع
انا فزيت ومن شفتها صحت بدون ما استوعب انو هي مريضة غاده هي نزت وطفرت من الجربايه ذبت روحها علي إجت حضنتني وهي تصيح بخوف يمممه انا سمعت دكات كلبها رفعت وجهه من صدري ولزمت حنجها وكتلها وانا متبسم وفرحان لان .شبكتني
يول لمي دشداشتج هم زين محد يمج من تنامين
غاده //هاي شبيك عزام خرعتني اي انا نومي مشكله عبالك عندي معركه لذلك انا عد اهلي ألبس تراك من اريد أنام
انا بعدني متدني عليها وهي واكفه كتلها يالله خلي اخليلج القطرة ومددتها ع الجربايه وخليتلها القطرة وجبت كلنس ومسحت خدها وانا مدني عليها جانت مغمضة عيونها مررت اصبعي ع خدها وانوب ع شفايقها حسيتها رجفت اتدنيت رحت ما خذ شفتها ونزلت ع ركبتها وانا بس احس برجفتها ودكات كلبها كمت عنها لان حسيت بس ابقى بعد اتمادى وهي خطيه الدكتورة كالت حافظ عليها من نفسك المهم عفتها ورحت جبت الها ريوك فورت حليب وجبت صمون حار وسلكت بيض ورجعت لكيتها نايمه حجيت وياها
عيني ست غاده حضرت الريوك اكعدي
طبعا كعدت و انطيتها كوب الحليب كتلها اشربي لكن هي كالت
ما أشرب الحليب ما أحبه
كتلها// لا عيني ذاك اول الدلاعه هسه اتشربينا لو ماكو اصيح على امي اخليها تجي يمج تشربج بزكحه منها
غاده بخوف //لا فدوة عزام راح أشرب الكوب كله
عزام //اي عفيه عليج هسه اكول ابنيتي الحلوة الي تسمع الكلام
ظلينه هيج تجي يمنا خديجه وتظل يمها وانا اروح اتسوك وارجع حتى شغلي ما انتبهت اله بيد عناد وسلمان بس يخابروني او اوجههم امي أكثر من مرة اتصلت ما جاوبتها جنت اعاقب نفسي لا تعتبرونه عقوق بس الظلم مو زين وانا صرت جاني ومجني علي بنفس الوكت
اليوم موعدنا ويه طبيب العيون
اخذتها وانا لازمها من أديها لان مثل ما كالت الطبيبه حركتها على كيف وشافها الدكتور وخلاها تطلع بالانتظار كال حجم العين زين بس مع الأسف عينها بعد ما تشوف بيها وبالنسبه للولاده أتم بعملية لان الطلق مو بصالح عينها وكتب أدويه وقطرات وكال هم يشوفها بعد أسبوع
من طلعنا من الدكتور جنت كل
ش ضايج ومهموم بس لازم ما ابين الها كتلها
خل أفرج شويه
هي ما قبلت ورجعنا للبيت طبعا جبنا عشا جاهز و ظلينه نأكل
احنا ما نسولف هواي كله هي متمدده وانا كاعد لو ع النقال لو التلفزيون
ثاني يوم قريب 10 الصبح اندك الباب فتحت لكيت سلمان وابوي سلمو ودخلو واجو يم غاده شافوها وسلمو عليها ابوي كلي
