فصلنه وانت تبقى ابيتي معزز مكرم بس أهل المكتول ما يسكتون وهم يجوون ويكتلون وتطيح بقليل الذنوب
انا من سمعت اتخربطت كل أموري عبالك فلم صار كدامي انو سجاد طالع لو يندك الباب ويروح يفتحه ويرمونه ويرحون واشوف الدم واحنه بس نتصارخ اسم الله الرحمن شراح نحصل يممه اسم الله على اخوي مو فصليه اروح اروح جاريه ولا تنمس شعره من سجاد عدلت حجابي وفتحت باب الديوان ما دخلت بس الكل باوع باتجاهي كتله
شيخنا إذا يردون فصل مره انا أقبل بس كون اخوي سجاد سالم ومحد يتعرض اله
اهنا سجاد طفر من مكانه وكلي// غاده شنو هالحجي هذا اتخبلتي
انا //لا والله خويه بس يأرخص البيه ويا غلاة البيك
امي //خويه على بختك البنيه زغيره شوفو حل غير هذا
الشيخ //خويه إلا الناس أهل المكتول قبلو نعم الله عليهم يا خويه ما عدنا غير هذا الحل
امي //وماكو غير بتي
الشيخ//اي الكلفه تشيلها اهلها وبتج مبينه سباعيه ما تتغلب فدت روحها الاخوها
باوع الشيخ لامي//ام سجاد مو كل وحده تعرف اتربي وانتي يا خويه والنعم منج ومن تربيتج
حسيت بسجاد عيونه غوركن بس انا لازم أقبل احنا أيتام وما النه بس الله وسجاد سند وظهر انوب انفرط بي لا والله ما افرط باخوي لو ادري مو فصليه يأخذوني لو ادري بس اوصل الهم يذبحوني ويقطعوني ويرموني بالشارع هم أقبل ظلت امي تبجي وسجاد يفور من القهر باوع ابو نعيم العمي كله
شوف غالي دموع ام سجاد وقهر ابنها إلا حوبه وانا يا سجاد لو عدي ابنيه والله جا انطيتها مو على مود هاشم لا والله علمودك وعلى مود أمك بس انا بس بت نعيم وهاي طفله وانا يا خويه ام سجاد هم راح أحاول بلكي تنفض بفلوس واذا ما وافقو بعد انتم لازم اتذعنون للأمر الواقع انا هسه اروح وإن شالله خير وانتم من باجر ارجعو البيتكم وإن شالله ما يصير إلا كل خير
وطلع ابو نعيم وعمي أبو هاشم وظلت امي تنتحب وتبجي وسجاد يعاتب بيه //غاده ليش هيج حجيتي
سجاد ما شفتهم عبالك انت الكاتل مو هاشم
سجاد //اي همه يتحملونها
امي //يتحملون مو مشردين هاشم وعياله مو عمك ما ندري بي هو اولده وين راحو ولاواحد هم بينه يمه بلكي الله يدخل الرحمه الكلوب أهل الولد المكتول ويرضون فصل بفلوس احنا عينه بعين الله
يتبع....
