فصليه الغربيه

بارت 7 ،8

#البارت السابع

#فصليه_الغربيه

#انين_الليل

عزام اجا اتصال من صديقي عناد وهو الي خلاني اعوف غاده واطلع من الغرفه اباوع شفت كوب الحليب والجاي والكعكتين ومن طلعت شفت ابني سيف يدخل للغرفه وسمعته يكل الغاده جدتي تكول إذا تزقنبتي تعاي كملي شغلج وكام اخذ الصينيه وشفتها ما ماكله شي ما لحكت انا حسيت بندم لان ضربتها رديت على الاتصال

ألو هلا عناد
هلا ابو سيف ما تكلي انت وين لو هذا الي ياخذاثنين ما ينعرفلوا قرار
لا يا خي بس .ش.غل
يا الله انا بالباب
شويه وجاي

وراح عزام وكال انو راح يجيب غدة جاهز طبعا عناد صديق عزام من جان زغير دخلو للمدرسه سووا وبطلو واشتغلو سوه ولحد هسه همه عندهم شغل مشترك الفرق الي بين عزام وعناد انو عناد مثل رائد عنده سوالف وهو متزوج من بنيه غريبه شافها وحبها وتزوجها حتى بالبدايه أهله رفضو لكن هو أصر عليها وتزوجها صعد عزام ويه عناد الي جاي يأخذه يريد يودي للحلاق بالطريق سئل عناد عزام

خير ابو سيف مو على بعضك
لا يا خوي ما بيه شي
يول شما بيك شي حتى ال جاهل الي بالدرب من يشوفك يكول عنك مهموم
جر حسرة عزام وكله/// اي والله أخوك مهموم ومحتار
احجي ابو سيف
ياخي ثار رائد وانا اشوف جهالو شلون تيتموا ومرتو وانا يوميه اموت ألف موته
عناد//اي ثار هذا عزام ناس وشيوخ كعدت وأخذت منهم مرة وبعد الثانيه بعد يا ثار

عزام//انت تدري انا رضيت لان بوكتها ويلاد عمي كالو نكتل منهم حي الله واحد وكلنه الدم يجر دم بس انا عناد جاي ادز زلم تعرف لي مجان هاشم علمود اكتلو بأيدي
عناد//اي بالله والمرة الي عندك
عزام//بس إكتلو اطلكها واوديها لأهلها
عناد//هاا يعني انت ما مرتاح وياها
عزام//مرتاح انا يمته شايفها لو كاعد وياها لو مسولف -بينه وبين نفسه -هي وره امي اشوفهاةاسولف
عناد قطع صفنته //اكلك هي مرتك شكد عمرها
عزام //تقريبا يجي عمرها 18 سنه

عناد//ول ياخوك زغيره لو معرس من وكت عندك بت بعمرها
عزام بحسرة //ادري عناد
عناد//اكلك ابو سيف وليش اتحسر إلا هي ما تهمك
عزام//هي ما لها يد بالي حصل كلو اصلا جانت ناجحه من السادس علمي وما قدمت كليه خطيه راح مستقبلها
عناد//ها خويه تره مبين من هالحجي انت تريدها ويجوز عاشكها وما تدري بروحك
عزام باوع لعناد وهو يكله //شبيك عناد اكلك زعطوطه تكلي عاشكها

عناد//ياخي انت لا كاعد وياها ولا مسولف عود هذا انت الي تخاف من الله وتصلي شوف ابو سيف حتى لو تزعل مو بس هاشم الي غلط رائد نفس الشي جان يمكن يكون هاشم المكتول وهي ما الها ذنب تتحمله غير انها بت عمو بس هساع هي مرتك باسمك وانا ادري بيك ابو سيف انت ما تحب الظلم وبنفس الوكت انت ما تريد مرتك شوف هاي البنت يجوز تكون باب سعادتك وخطيه دير بالك عليها تراهي غريبه وبعيده عن اهلها وبعدي
اهنا قاطعه عزام وكله
شنو عناد صاير شاعر كله من ورة الحبيبه
عناد //اي والله عزام اهلي جاي يضغطون علي إلا اتزوج يردون يشوفون جهالي بس انا ما اريد اكسر خاطر وسن انت تعرف شكد عانيت ياالله اخذتها