မာန်လေးသည်လက်တစ်ဖက်ကရှင်းနဲ့လက်တွဲထားပြီး မှန်ဘောင်ထဲကကိတ်မုန့်လေးတွေကိုတစ်ခုချင်းစီသေချာလိုက်ကြည့်နေသည်။ လူတွေကမာန်လေးကိုသိပ်ပြီးသတိထားမိကြပုံမပေါ်ပါ။ Showကပုံစံနဲ့ကွဲပြားနေလို့ဖြစ်မည်။ ကတဲ့အချိန်ဆိုဆံပင်ထောင်ထားတဲ့မာန်လေး အခုကဆံပင်ခပ်အုပ်အုပ်လေးနဲ့ ရှပ်အင်္ကျီအဝါလေးရယ် ညဝတ်အိပ်တဲ့ဘောင်းဘီရှည်ရယ်နဲ့ဆိုတော့ ဘယ်သူကမာန်လေးလို့ထင်နိုင်မည်နည်း။
"ရှင်း ရှင်း ... ကျွန်တော်ဒါစားမယ်"
မာန်လေးသည် မှန်ဘောင်ထဲကစတော်ဘယ်ရီကိတ်ကလေးကိုလက်ညှိုးထိုးပြကာပြောလာသည်။ နောက်ဆုံးတော့ မာန်လေးသူစားချင်ခဲ့တာလေးကိုရှာတွေ့ခဲ့ပါပြီ။ မာန်လေးရဲ့ချစ်ဖို့ကောင်းသည့်အချက်ကလေးက သူစားချင်တဲ့မုန့်တွေ့တာတောင် ကောင်တာကိုမပြောဘဲသူ့ကိုကလေးလေးလိုလက်ညှိုးထိုးပြပြီးပူဆာသည်။
"အအေးကရော ..."
"အအေးက Chocolate Milkshakeသောက်မယ်"
"ညီမရေ ဒီကိတ်မုန့်လေးရယ် Chocolatemilkshakeနဲ့Black Coffeeတစ်ခွက်ပေးပါနော်"
"ဟုတ်ကဲ့ပါ ... စုစုပေါင်း 3600ကျသင့်ပါတယ်ရှင်"
မာန်လေးကတော့သွက်သွက်လက်လက်နဲ့ထောင့်အကျဆုံးခုံလေးမှာသွားထိုင်နေသည်။ ရှင်းက မုန့်နဲ့အအေးကိုယူပြီးမာန်လေးဘေးတွင်ဝင်ထိုင်လိုက်သည်။
"စားလို့ရပါပြီခင်ဗျာ"
"ဝါး ... အရမ်းအရသာရှိမှာပဲ"
မာန်လေးပျော်နေတဲ့ပုံစံကိုကြည့်ရတာကို ရှင်းအရမ်းသဘောကျသည်။ ရယ်လိုက်ရင်သွားတက်ကလေးတွေပေါ်လာတာကို သူနဲ့တူလို့ပိုလို့တောင်သဘောကျပါသေးသည်။ မာန်လေးရဲ့ဆံပင်တွေကိုလက်နဲ့ထိုးဖွလိုက်တော့ မာန်လေးကမုန့်စားရင်း ရှင်းကိုမော့ကြည့်ပြီးရယ်ပြနေသည်။
"ကြိုက်လား"
"အင်း ... ရှင်းရောမုန့်မစားဘူးလား"
"ကိုယ်မဆာလို့မစားတော့ဘူး ... ခုဏကမာန်လေးကိုပြောမိတာတွေအတွက် ကိုယ်တကယ်တောင်းပန်ပါတယ် ... ကိုယ့်ကိုခွင့်လွှတ်ပါနော်"
DU LIEST GERADE
Never Say Goodbye
Romantik[Unicode]Cover Songတွေသီဆိုပြီးနာမည်ကြီးနေတဲ့ကောင်လေးနဲ့ Dancerကောင်လေးတို့ရဲ့ချစ်ခြင်းက ဖြောင့်တန်းမလား ကောက်ကွေ့မလား ????? ဤဇာတ်လမ်းထဲတွင်ပါဝင်သော အရာအားလုံးသည် စိတ်ကူးယဉ်ဖန်တီးမှုသပ်သပ်သာဖြစ်သည်။ Date - 24.4.2019 [Zawgyi]Cover Songေတြသီဆိုၿပီးနာမ...
