"ခင်ဗျားနဲ့ကျွန်တော် ပြတ်ပြီ"
မနက်ခင်းလေးမှာ မာန်လေးဆီကဖုန်းလာလို့ဝမ်းသာအားရကိုင်လိုက်ပေမဲ့ ပြတ်ပြီဆိုတဲ့စကားတစ်ခွန်းသာပြောပြီးဖုန်းချသွားတဲ့မာန်လေးကြောင့် ရှင်းပိုင်ဘာလုပ်လို့လုပ်ရမှန်းမသိတော့ပါ။ ဖုန်းပြန်ဆက်တော့လည်း စက်ပိတ်ထားသည်နဲ့ပဲတိုးနေရသည်။ ရှင်းပိုင်Sevenဆီဖုန်းဆက်လိုက်သည်။
"Seven မင်းတို့မာန်လေးနဲ့အတူရှိနေလား"
"ရှိတယ်အစ်ကို ... မာန်လေးကအပြင်ဘက်မှာ ဘာဖြစ်လို့လဲဟင်"
"သူ့ကိုဖုန်းခဏလောက်ပေးလိုက်ပါလား ... အစ်ကိုစကားနည်းနည်းပြောချင်လို့ ... အစ်ကိုဆက်တယ်လို့တော့မပြောလိုက်နဲ့ ဒီအတိုင်းပေးလိုက်"
ရှင်းပိုင်ပြောသည့်အတိုင်း ဝရန်တာမှာရပ်နေတဲ့မာန်လေးကို ဖုန်းပေးလိုက်သည်။ ဘာလဲဆိုတဲ့အကြည့်နဲ့တောင်အကြည့်ခံလိုက်ရသေးသည်။ မာန်လေးမျက်ရည်တွေဝဲနေတာလား သူပဲအမြင်မှားတာလားမသိပါ။ မာန်လေးမှာဘာစိတ်ညစ်စရာရှိနေလို့များလဲ။ ဘာမှတော့မမေးတော့ဘဲ ဖုန်းပဲပေးလိုက်သည်။
"ရော့ ဖုန်းကိုင်လိုက်"
မာန်လေးလည်းလုံးဝမထင်မှတ်ထားလို့sevenပေးတဲ့ဖုန်းကိုကိုင်လိုက်သည်။
"ဟယ်လို!"
ရှင်းပိုင်အသံကြားလိုက်ရသည့်အတွက် မာန်လေးဖုန်းချပစ်ဖို့လုပ်သည်။
"ခဏလေး တကယ်ခဏလေးပါမာန်လေး ... ကိုယ်အကြောင်းအရင်းလေးပဲသိချင်တာပါ ... ဘာလို့လဲ ကိုယ်အမှားလုပ်မိလို့လား"
"ခင်ဗျားအမှားမလုပ်ပါဘူး ကျွန်တော်လုပ်မိတာပါ ... ကောင်မလေးရှိတဲ့ခင်ဗျားကိုလုယူမိသွားတယ် ... ကျွန်တော်မေ့သွားလို့ပါ ရပြီလား"
"နေပါဦး ... ကိုယ့်မှာကောင်မလေးရှိတယ်လို့ဘယ်သူပြောတာလဲ"
"ခင်ဗျားကြီးပဲပြောတာလေ ... ဟိုးတစ်လောက ကော်ဖီဆိုင်မှာခင်ဗျားနဲ့ကောင်မလေးနဲ့လေ"
"ဘေဘီ ဘေဘီ့ကိုကိုယ်ကကောင်မလေးရှိလျက်နဲ့တွဲမလားဘေဘီ ... ကိုယ်ကအဲ့လိုလူမျိုးလား"
VOCÊ ESTÁ LENDO
Never Say Goodbye
Romance[Unicode]Cover Songတွေသီဆိုပြီးနာမည်ကြီးနေတဲ့ကောင်လေးနဲ့ Dancerကောင်လေးတို့ရဲ့ချစ်ခြင်းက ဖြောင့်တန်းမလား ကောက်ကွေ့မလား ????? ဤဇာတ်လမ်းထဲတွင်ပါဝင်သော အရာအားလုံးသည် စိတ်ကူးယဉ်ဖန်တီးမှုသပ်သပ်သာဖြစ်သည်။ Date - 24.4.2019 [Zawgyi]Cover Songေတြသီဆိုၿပီးနာမ...
