طلعت من غرفة العمليات ومشت على جهة المغسلة .. طلعت الغلوفزات من ايديها ورمتهم في السلة 🧤 وغسلت ايديها وطلعت .. حضانة الأطفال كانت قريبة من عيادتها 👶🏻.. مرت عليها بسرعة ومشت العيادة .. أول ما قاعدت طلعت تلفونها من الشنطه 📱 .. لقت 5 مكالمات ورسالتين .. 3 مكالمات من ليث واثنين من صبري .. أما الرسالتين قرتهم بتركيز وهي بتضحك 😂😂 .. عانت للساعة لقتها 10:30 PM .. اترددت شوية قبل ما تضغط على زر الإتصال 📞 .. بعد جرس طويل وثواني من الإنتظار جاها صوتو الرجولي من ورا السماعه ♥
وهو بيقول : مساء الخير حبيبي
ملاك : مساء النور 💙
ليث : مبدئياً مبرووك .. كانت جلسه موفقة 👍🏻 كيفك ؟
ملاك : الله يبارك فيك 🙂 بخير الحمد لله ☺
ليث : أنا بخير الحمد لله تسلميي 🌚
ملاك : سوريي 😅 وانت كيفك ؟ بس كنت مشغولة وتركيزي مشتت حبتين 😪
ليث وهو بيضحك 😂 : لا ولا يهمك .. أكيد انا بخير دامك بخير 💙 .. طيب معناها خلينا نتعشى سوا تغيري جو ومنه الضغط هيخف 😉
ملاك : سوري حبيبي بس مشغووولة الليلة لأنه ما داومت الصباح وطارق مسافر وماف غيري 🤦🏻♀ .. لسه طالعة من عمليه نااو 😪 وعندي عمليه قيصرية بعد ساعتين ونص وهبيت في المستشفى 😭 .. خليها مرة تانيه 😇
ليث وفر بضيق : طيب 😪 همر عليك قبل ما أرجع البيت
ملاك : انت لسه في الشركة ☹
ليث : كان في معاينات توظيف في الشركة واليوم كان مزحوم 🤦🏻♂
ملاك : مستر مشغول 😒💔
ليث : ما تنسيي نفسك 😑
ملاك : ابداا 😮 انا بكون مشغولة في فترة معينه بس انت ما شاء الله طول السنه .. اوكك هستنااك يلا باي وقفلت الخط
**ليث :
شاب في اواخر العشرينات من عمره 😍.. طويل وجسمو رياضي شعرو عادي بس مايل للكثافة 😍.. أسمر وعيونو لوزية وعدساته لونها قهوي ♥.. عندو سكسوكة مرتبة ومركب تقويم أسنان 😍.. مدير أعمال وعندو شركة تأمين ☺ .. ظريف وبيحب الهزار بس في حدود 😉.. أحياناً بكون هادئ لدرجة تحير وأحياناً بكون مرح شديد ♥.. ملتزم ودقيق جدا في مواعيده 😍.. بتحس انه جواه حاجات كتير ما قادر يوصلها لغيره 💔(بخونه التعبير 🌚) شخصيته فيه نكهة غموض😍 .. أتعرف على ملاك في سفرة من سفراته لنيويورك قبل سنتين وكان السبب الرئيسي لرجوعها السودان 💙.. علاقتهم حلوة شديد ومستقرة لدرجة ما بس أحياناً بتحصل بيناتهم مشاكل بسبب انشغالهم عن بعض 💔
=============================
كان ماسك جريدة بإيدو الشمال واليد التانية ماسك بيها كباية شاي وبيضحك مع أمه 😂.. سمع صوت استلام رسالة 📲 .. رفع تلفونه من التربيزة وفتح الرسالة :" داديي 😍 انا ما هرجع البيت الليلة هبيت في المستشفى ما تستنونيي .. يلا بوسة 😚 امواااه لووف يوو ♡ " ضحك على رسالتها وخت التلفون على جنبه 😂😂
فاطمة : مالك يا ولدي جنيت بتضحك براك 😒
صبري : لا بس دي ملاك رسلت رسالة 😅
فاطمة : قالت شنو 🙁
صبري : هتبيت في المستشفى
فاطمة : كرر علياا انا 😞 البت دي تعبانة الشغل دا مكملها .. هذا كان عرست ومسكت بيتها وأولادها ما احسن ليها 😑
صبري : بس خليها تسمعك عشان تقلب البيت فوق راسنا 😂😂
فاطمة : أستغفر الله العظيم
=========================
ملاك بعد ما ارتاحت شوية في عيادتها طلعت ومرت على كل المرضى العندها واطمنت عليهم .. رجعت الحضانة تاني عشان تتطمن على صحة المولود 💙 وبعدها نزلت الطابق الأرضي .. شافت ليث وهو واقف في الإستقبال عشان يسأل عنها 💙.. نادته بصوت عالي وأول ما أتلفت عليها مشت في اتجاهه
ليث : ما حاسة انك استعجلتي 😅
ملاك : طلعت عفواً 🌚
ليث وهو بضحك عليها : 😂😂 طيب خلااص .. جبت ليك عشاء اكيد ما اكلتي
ملاك : yeah 😋 I'm so hungry
ليث : عندك اي مقابلات ؟
ملاك : ناو 😐 ؟ لا .. خلينا نقعد برا ما ظريفة جوا العيادة وانت تطلع القسم النسائي 😅
ليث : ممنوع دخول الرجال يعني
ملاك : لا بس دا ما وقت زيارة والمرضى بيكونو ماخدين راحتهم فوق يعني حتى الممرضات بس بنات في الوقت دا 🌚.. وبعدين انت ما معاك أي مرافق
ليث : اووووك .. نطلع
ملاك : let's go 😊
=================
في منطقة بعيدة .. غير هذه وغير تلك .. في العاصمة القطرية الدوحة 💙..في بلكونة بتطل على جنينة كبيرة .. فلة في وسط حي كل ابنيته متشابهة والرقى مدفون في كل أركانها .. كانت قاعدة وبتتصفح في صفحات مجلة سيدتي .. بنظرات إهتمام 👀.. قاطع صفو ذهنها صوت بنادي عليها : أمي .. مااامااا.. يا ممااااماا .. امييي 📢
رشا : أيوة 😑 !! مرة واحدة كفاية يا ليا مرة بسمعة وخفضي صوتك دا ما أسلوب 😒
ليا : لكن الموضوع مهم ☹
رشا وهي بتطلع في نظارتها : اتفضلي قولي 😒
ليا : يا ماما انتي قلتي لي هتمشي معاي الدكتور وما مشيتي 😭.. مرت شهرين وانتي ما شغالة بي 😭
رشا : حااضر 😐.. أول ما نرجع السودان هاخدك دكتور
ليا : انتو لسة مصرين على موضوع السفر دا 😑!! يعني لسة هستنى شهرين تاني عشان تاخديني دكتور 😢
رشا : هترجعو تتمتحنو هناك .. لسة المدارس باقي ليها شهرين ونص أو قريب تلاته شهور .. يعني هتقضو الإجازة في السودان ودا وقت كافي جدا .. هاخدك للدكتور أول ما نصل .. لو مستعجلة سوقي أبوك وامشي
ليا بنبرة غضب : انتو على أي أساس بتقرروا مستقبلنا 😠 !! بدون حتى ما تاخدو رأينا .. قاطعها صوت طفلة كانت نايمة جنب أمها وبدت تبكي 😭😭.. رشا شالتها براحة وبدت تطبطب عليها لحد ما رجعت نامت تاني : ليا وطي صوتك 😑 حذرتك كتير ترفعي صوتك وانتي بتتناقشي مع زول .. عاجبك قطعتي لاختك نومتها 😒 !! شهادة السودان قوية وأفضل ليكم انكم تتمتحنو هناك وتقضو فترة مع اهلكم
ليا : لا أنا ولا لؤي عندنا إستعداد نمشي نمشي من هنا عشان نقرأ هناك 😒.. مدرستنا هنا واصحابنا هنا وحياتنا كلها هنا . سوقي ليان وامشي انا ولؤي هنفضل هنا مع بابا 😑
رشا : الموضوع دا اتحسم والتذاكر اتحجزت وسجلت لكم في المدرسة 😒
ليا زفرت في ضيق وجرت في ممر قصير وبعدها طلعت الطابق الثالث .. دخلت أول غرفة علىيمينها بدون ما تدق الباب .. أول ما دخلت الغرفة لقتها فاااضية .. لفت فيها كلها ما لقت زول .. نادت بصوت عالي : لؤي 📢📢
جاها صوتو من جواا الحمام : أهلا
ليا : طالع !!
لؤي : اايووون .. استني دقيقة وااحدة بس 😉
ليا : أنجز 😑
بعد ثواني جاها طالع وهو لابس شورت قصير تحت ركبته مباشرة وتيشيرت بدون أكمام مظهر جسمو الرياضي 😍 .. طلع وهو بينشف في شعره ❤.. رمى المنشفة في كرسي جنبو وشعره كله نازل في وشو : مالك بتصرخي آخر الليل 😒
ليا : دا ما وقت قلة أدبك ✋.. قعدت في طرف السرير وبدت نرفزة : انا ما عاوزة أرجع السودان .. وماما دي شكلها مصرة شديد 😤 .. المهم انا فكرت في حاجة ممكن تخليها تغير رأيها ونفضل مع بابا 😁.. بس انت ركز معاي
جرا كرسي من مكتبه وختاه قدامها وقعد وهو منحني عليها : اها 👂🏻.. كلي آذان صاغية
**نتعرف عليهم :
ليا : بنوته كيووت وحلوة شديد 😍.. عمرها 17 سنة وممتحنة شهادة ثانوية 💔 .. بشرتها بيضاء مايلة للوردي 😍.. عيونها سوداء وشعرها ناعمم مصبوغ بالبني وأطرافه شقراء 😍.. عندها غمازة في خدها اليمين وشامه جنب شفايفها❤ .. قصيرة وشخصيتها مرحة
لؤي : توأم ليا 😍.. طوله متوسط ومايل للطول اكتر 💙.. عمره 17 سنة .. بشرته بيضاء وعيونه وااسعة وعدساته لونها رمادي غااامق مايلة للسواد 😭💙.. حواجبه مقوسة وكثيفة وحاجبه اليمين مقسوم من نهايته 😍 ... شعرو فاحم وكثييف نازل في جبينه من قدام وواصل قريب لنهاية رقبته من ورا 😭💙.. عندو غمازتين محفورات حفر على خدوده 😭💙.. جسمو رياضي وبيحب الرياضة شديد وبيهتم بأكله 😍.. بيحب الموسيقى الغربية وبيعشق حاجة إسمها تصوير 📷💙
ليان : اختهم الصغيرة 😍 .. عمرها سنتين 😍 حاجة كدة تتبلع من غير موية من لطافتها 😭💙 .. شعرها بني خلقة وعيونها عسلية وبشرتها بيضاء 💙.. تحسها ملاك واقع من الجنه 😭💙
رشا : سيدة في اواخر الثلاثينيات ☺.. عمرها 38 سنة بس بتديك إحساس أنها في أوائل العشرينات من العمر 😍 .. متزوجة وعايشة مع زوجها وأولادها في قطر وحياتهم مستقرة ♥.. إعلامية وعندها مكتب تحرير مجلة ثقافية .. ملتزمة ومهتمه بأولادها شديد وبتربيتهم 🙂
========================
ليث وملاك طلعو برا المستشفى .. كانت في حديقة صغيرة على جنبات المستشفى وفيها مقاعد متفرقة وطاولات عشان يقعدو فيها المرضى أحياناً ويغيرو من جو المستشفى جوا .. قعدو في أول مقاعد لاقتهم وبدو يطلعو في الأكل .. المستشفى عموماً فخم وراقي وفيه كل مواصفات المستشفى المتطور 🙂.. الجو مريح وما بيوحي ليك انك في مستشفى 😍.. ملاك بدت تأكل بشراهة لانها كانت جعانة وما اتغدت .. ليث كان بعاين ليها وهي بتاكل وما قدر يمسك ضحكته 😂😂
ملاك : اول مرة تشوف بنت بتاكل 😑💔
ليث : قصدك اول مرة أشوف بيبي بياكل 😂😂 محتاجة فيديو
ملاك : بطل ظرافة وخليني أكل على راحتي 😒
ليث : انا لسة مصر على طلعتنا يوم نتعشى سواا .. عندك اي يوم فاضية فيه !!
ملاك : في الأسبوع دا ما عندي يوم فاضي خالص 🤦🏻♀.. بس ممكن السبت لأني ما بداوم فيه .. انت فاضي ؟
ليث :افضي نفسي عشانك 😍
ملاك : ماشي في تحسن 😂😂 بقيت تعرف تتكلم Keep on
ليث : دا كلامكك 😎
ملاك : انا طالعة الحضانة .. تطلع معاي 🙂♥
ليث : مش قلتي ممنوع 😕
ملاك : الحضانة بعيدة شوية منهم .. في آخر الطابق وما هتجي في مكان العيادات والغرف اصلا
ليث : طيب يلا 😀
رجعو المستشفى جوا وملاك ماشة وليث وراها 🚶🏻♂🚶🏻♀.. طلعت الاسانسير وضغط على الطابق 4 .. وصلو الطابق الرابع ومشو في ممر ضيق وفااضي لحد ما وصلو الغرفة في نهايته ... وقفو قدام الواجهة الزجاجية للحضانة .. كان واضح أنها باردة ❄.. دخلت ايديها في جيب اللابكوت بتاعها وهي بتعاين للأطفال الجوا بحنان .. قالت بصوت هادئ : شايف الطفل الي على اليسار دا !!
ليث هز راسو بمعنى أي
ملاك : اتولد قبل ساعتين 😞.. أمه في العناية المكثفة واحتمال انها تعيش ضعيف شديد 😞.. عندو مشكلة في التنفس ودمو ضعيف 😞 .. العلاج صعب بالنسبة لعمره الصغير 💔.. أبوه متغرب ومحتاج تلاته أيام عشان يوصل 😞.. نبرة صوتها بدت تتغير وهي لسة مواصلة 😢.. ذنبو شنو يشوف بشاعة الدنيا من أول لحظة في حياته !! ذنبو شنو يتمرمط ويعيش بدون أم 😞.. بتمر علي حالات كتير زي دي وأسوأ منها .. بتخوفني اني ممكن يوم أكون محلهم ويحصل معاي زي ما حصل مع ناس كتير 💔.. أحياناً بتخيل انه ممكن أموت واخلي طفلي يصارع لوحده في دنيا ما مضمونه 😞💔
ليث وهو بيربت على كتفها بحنان ❤: هششش ✋ ما تفكري في حاجات لسة وقتها بعيد .. دا خيال بتشكل في ذهنك من واقعك ومن الحالات البتمر عليك .. وفي الآخر قدر ومكتوب .. ولا إعتراض في حكم الله .. انتي كطبيبة لازم تكوني أقوى وصبورة أكتر 🙂.. عشان تواجهي المشاكل والعقبات إلي هتلاقيك
ملاك : الوقت اتأخر وانت تعبان أرجع للبيت عشان ترتاح بكرة مستنيك يوم طويل ☺
ليث : متأكدة 😕!! ما محتاجة حاجة
ملاك : سلامتك حبيبي 💙 تصبح على خير
ليث : وانتي من أهل الخير
نزل تحت ركب عربيتو واتحرك .. ملاك مرت على مرضاها في جناح النساء وقعدت مع كل واحدة وقت طويل اطمنت عليهم واتونست معاهم ورجعت عيادتها عشان ترتاح وتبدأ تنزل تجهز نفسها للعملية الجاية
