وددت لو أن بإمكان قطرات المطر أن تغسل روحي أيضاً .. لكنها كانت أعمق من أن يصلها الماء 💚🍃..
#ملاك
=========================
استيقظت إثر دوي الرعد المرتفع .. تجولت بنظرها في أرجاء الغرفة بحثاً عنه .. فكرت عينيها قبل أن تنهض وتتوجه نحو الشرفة .. ما أن خرجت حتى داعب الهواء خصلات شعرها .. اكتست السماء بثوب من الغيوم الداكنة تزنت ببريق الرعد .. عادت إلى الداخل بعد أن دب البرد في اوصالها .. بعد مضي أكثر من نصف ساعة استغرقتها في أخذ حمام دافئ بدا الإنتعاش واضحا في ملامحها .. ألقت نظرة على نفسها في المرآة بعد أن ارتدت تنورة قصيرة من الجينز الأزرق وتيشيرت قطني اصفر 💙 .. شعرها الليلي الفاحم انسدل حتى اسفل خصرها رأسها مغطى بالشاش الأبيض .. وعيناها اللتان طغى عليهما التعب ولكنهما تزدادان جمالا 💙.. أنفها الصغير الحاد وخديها الممتلئين تزين أحدهما بحسنة سوداء تجاور شفتيها 💙.. انتعلت صندلها وخرجت من الغرفة .. نزلت على درجات السلم بحذر .. نظرت اليها جدتها بوجه
باسم قبل أن تقول ليها : صباح الخير ☺
ملاك : صباح النور
_حاسة بأي تعب !! ولى وجع !! الممرضة طلعت تجيب ليك ادويتك الناقصة
_ I'm tired .. but I'm fine 😊
_ تعالي اقعدي لحد ما أقول لخديجة تجهز ليك حاجة تاكليها .. خالد قال ما تشربي أي منبهات في الفترة دي
_Ok
قعدت في أقرب كرسي ليها وفاطمة مشت المطبخ بسرعة ورجعت
_رايان وابوك قاعدين في الصالون
_where is my mom 😕 !!
_ أمك ما ساكنة معانا
_Why 😐 !!
فاطمة اخدت نفس طويل قبل ما تقول ليها : أمك وأبوك مطلقين من كم وعشرين سنة .. وهي متزوجة وعايشة مع زوجها وأولادها في قطر .. جات السودان قبل كم شهر بس
مع اخوانك للمدرسة
_ وأنا وضعي كان كيف بينهم !!
_ انتي عايشة مع أبوك من أول يوم اتولدتي فيه .. ربيتك انا .. قلت نفسها بتحكي ليها عن طفولتها وأنه أمها سابتها وسافرت عشان حياتها المهنية .. وأنهم كانو عايشين في نيويورك قبل ما يجو السودان .. قاطعهم صوت رنين الجرس العالي .. ملاك قامت وفتحته لأنها كانت الأقرب ليه .. دخلت الممرضة وعي شايلة أكياس في ايديها ومبلولة من المطر بسبب المطر الي بدأ ينزل بغزارة .. ملاك عاينت برة لفترة قبل ما تملص شبشبها وتطلع .. كان المطر غزير والهوا خفيف .. حست برعشة سرت في جسمها اول ما لمست رجليها العشب البارد والمبلل .. رفعت راسها ناحيه السما وبسرعة غمضت عيونها .. في حركة تلقائية رفعت ايديها استقبالا للمطر .. حست انه قطرات المطر القوية بتخترقها .. كأنها بتحاول تغسل روحها زي ما بتغسل جسمها من برة .. فتحت عيونها لما حست بيدو في كتفها .. غطاها بشال كبير قبل ما يقول ليها بصوت عالي عشان تسمعو : أدخلي جوة حتمرضي اكتر بالطريقة دي
ابتسمت ابتسامة خبيثة قبل ما تزح الشال من راسها وترميه في الأرض وتجره من يده بسرعة .. فجأة لقى نفسه واقف في النص وفي ظرف ثواني الموية بلته من راسو لحد رجليه 😂😂 .. أما ملاك ف ممكن نقول أنها كانت في أقصى درجات السعادة .. رفعها بسرعة وبقى بيدور بيها وهي بتضحك وبتصرخ بصوت عالي 💙💙 .. لحد ما فاطمة وصبري جو طالعين .. بعدها شالها عديل ودخلها جوة .. طلعو غرفتهم وهي لسة بتضحك 😂 .. غيرو ملابسهم والممرضة جففت ليها شعرها بالاستشوار وغيرت ليها شاش راسها وبطنها .. رايان استناها لحد ما خلصت ونزل معاها تحت
======================
في مكان تاني .. وفي شركة تعج بحركة الموظفين .. قعدت لي الكرسي القدامو وهي بتخلف رجلها بحركة ظهرت ساقها السمراء 🔥 .. نفثت دخان سيجارتها قبل ما تطفيها وتقول ليه : ليث .. دي فرصة ما هتتعوض .. ملاك حالياً فاقدة الذاكرة كليا .. يعني فريسة سهلة .. دماغها فاضي وممكن نملاه ليها ببساطة ومن غير جهد يذكر .. بس بردو لازم نستعجل لأنه ممكن تتذكر في أي وقت
ليث : ما تنسي أنها مريضة وصحتها ما مستقرة الفترة دي .. ما هنعمل اي خطوة تضرها .. في النهاية انا ما عاوزها تتأذى بأي شكل من الأشكال
_ حسبت حساب النقطة دي .. ما تشيل هم
_ هتعملي شنو !!
_ مبدئياً كدا همشي ليها في البيت زيارة واطمئن عليها كصاحبتها .. ومنه هعرف وضعها كيف بالضبط عشان اعرف اتصرف .. بس لازم اتأكد انه رايان ما موجود في البيت
_ ممكن أسألك سؤال !! ليه بتعملي كدا !! ملاك عمرها ما اذتك ولا غلطت معاك .. هتستفيدي شنو من انفصالها عن رايان !!
_ نفس فايدتك
_ انا عاوز ارجع حبيبتي وخطيبتي .. أما انتي رايان ما شفتيه غير مرة واحدة ولى مرتين .. وعرفتيه بسببها هي .. وكلنا عارفين انك آخر من يلتزم بالزواج .. وتصرفاتك كلها نامية عن حقد وكره .. كأنك كنتي مستنية فرصة عشان تأذيها وتفشي غلك اتجاهها ..
_ ملاك عمرها ما كانت زي ما انتو عارفنها .. ولى كانت بالبساطة المتصنعاها .. ملاك مغرورة والغرور بيجري في دمها .. دايماً كانت بتحسسني اني أقل منها .. وعموماً انا ما جيت عشان أحكي وافضفض عن ماضي صحبتنا .. ف من الآخر لو عاوز ملاك ترجع ليك خليك ساكت وأنا بتصرف .. ولو ما عجبك الوضع اتفرج على حبيبتك وهي بتدمر 😒 .. شالت شنطتها وطلعت من المكتب
=======================
في المدرسة ليا بعد ما اخدت الحبة من وسام حست بالراحة والصداع بدا تدريجياً يخف وقدرت تستعيد جزء من نشاطها وتركز في الحصص .. أما وسام كان كان مبسوط من إنجازه وقضى التلاتة حصص الأولى وهو بعاين للمطر من الشباك .. في البريك قعدو مع بعض بعد ما المطر وقف بحجة أنه يشرح ليها دروس الحصة الأولى بس قضوها كلها ونسة وضحك .. بعكس لؤي الي كان بقضي معظم البريك في الفصل أو في المكتبة مع اصحابو
==================
ملاك بعد ما غيرت ملابسها ونزلت تحت شالت الكتاب الي كانت بتقرا فيه وواصلت قرايتها .. انا صبري فكان شغال في البيت نظرا للجو السئ .. ورايان اكتفى بتلفونه .. كان بقلب في مواقع التواصل الإجتماعي لحد ما اتصل عليه رقم غريب .. فصل الخط من غير ما يتردد وكمل تصفحه عادي .. ثواني واتصل عليه تاني .. فصل الخط مرة واتنين وبعد إلحاح المتصل قرر يرد
_الو
_ منو معاي
_ أنا خالد .. دكتور خالد
_اهلين
_ عاوز اقابلك ضروري .. وفي أقرب وقت انت فاضي فيه
رايان عاين لملاك الي كانت مندمجة مع كتباها وبعدها طلع غرفته بسرعة : في حاجة جديدة بخصوص حالة ملاك !!
_ لا الموضوع ما ليه علاقة بحالة ملاك الصحية
_اوكي .. نتقابل بكرة بدري بعد الساعة سبعة
_ في كافيه قريب للمستشفى الجو فيه هادئ .. هرسل ليك اللوكيشن في مسج
_حلو
بعد ما فصل الخط دخل تلفونه في جيبه وشال مفاتيح العربية ونزل .. قال ليها بصوت حنين : انا طالع .. عاوزة حاجة !!
ملاك : where are you going !! 😕
_ في حاجات نسيتها في البيت ومحتاج ليها هسا .. تجي معاي !!
_ okay ^^
_ البسي حاجة تقيلة عشان الجو بارد
لبست كوت شتوي أسود وطلعت ليه برة .. طول الطريق كانت بتعاين في الشارع .. الجو مغيم والأرض كلها مبلولة .. انتبهت ع صوته وهو بيقول ليها : ننزل في بداية الحي ونكمل مشي !! ولى ما بتقدري تمشي
_ فكرة ظريفة
بركن العربية على جنبه وكملو برجلينهم .. كانت ماسكة في يدو وشبه مستندة عليه .. مرو جنب مبنى كبير واضح انه لمؤسسة أو شركة أو حاجة من النوع دا .. فجأة ملاك وقفت وعاينت للمبنى لفترة طويلة .. حست أنها بتعرفو كويس بس ما قدرت تتذكر حاجة
_ المبنى دا مؤسسة لرعاية العجزة .. ما بعيد شديد من البيت .. لو يوم حبيتي تزوريه
ابتسمت ابتسامة باهتة قبل ما يكملو مشيهم وفعلا بعد شارعين بس وصلو بيتهم .. البيت كان مرتب ونضيف كأنه أصحابه ساكنين فيه .. رايان طلع فوق وهي طلعت وراه .. اتجولت بنظرها في البيت ولفت في الغرف .. أول واحدة دخلتها من ديكورها كان واضح انها صبيانية ودي كانت غرفة لؤي .. أما الغرفة الجنبها قدرت تعرف بسرعة انها غرفتها .. استغربت من أنهم كانو عايشين في غرف منفصلة وأهلها ما قالو ليها انهم متشاكلين أو حاجة بالشكل دا .. رايان شال اللاب توب بتاعه ومحفظة صغيرة وبعدها طلعو .. كملو لنفس المسافة مشي لحد ما وصلو العربية .. ملاك اول ما ركبت اتكلت على الكرسي ونامت 😴
======================
في المدرسة اليوم انتهى من غير أحداث تذكر .. ليا قبل ما تطلع من فصلها وقفها وسام .. طلع من شنطته عليه زي علبه الدوا ومداها ليها
_ دي شنو !!
_ مسكن .. عشان لو حسيتي بصداع تاني تاخدي منه حبة واحدة بس وبيروح .. بس اعملي حسابك لأنه قوي وهنا ما بتلقيه .. يعني لو خلص إلا توصي عليه من برة
_ اوكي .. شكراً ☺
_ ولو
عاين ليها بنظرات خبيثة قبل ما يطلع وراها .. وصلها لحد مكان ترحيلها حتى مشى .. لؤي عاين ليه بالشباك مسافة قبل ما يقبل عليها : انا مش قلت ليك تبعدي من الولد دا
_ ما تتدخل في حياتي انا ما جيت سألتك عن صحباتك ولا هوبت ناحيتهم صح !! ياريت تعمل كدا بردو
_ ما لقيتي زول تصاحبيه غير دا !!
_ ممكن نغير الموضوع !! رايك شنو نمشي لملاك !!
_ لحد ما نصل بعدين نشوف .. يمكن أمك ما تخلينا نطلع
_ خالو قاعد هيوصلنا
وصلو بيتهم وأول حاجة عملوها مشو لرشا : ماما .. عاوزين نمشي لملاك
_ ارتاحو اول متين جيتو عشان تطلعو تاني
_ انا ما تعبانة .. لؤي انت انت تعبان !! ما تعبان يا ماما 😢 .. لو ما عاوزة تطلعي خالو بيوصلنا
_ طيب جهزو نفسكم لحد ما أجهز ليكم الغدا
_ حااضر
طلعو غرفهم ورشا مشت المطبخ عشان تجهز ليهم الأكل
=====================
ملاك اول ما وصلو البيت طلعت غرفتها .. حست بألم حاد في بطنها .. لما طلعت الكوت لقت بقع من الدم في التيشيرت بتاعها 💔 .. أول ما رايان دخل لقاها خاتة يدها في بطنها ومكشرة .. جا عليها بسرعة : شكلو الجرح رجع ينزف .. نادى الممرضة الي جات جارية ومخلوعة
_ضربتي بطنك بحاجة ولى ضغطيها !!
ملاك ردت ليها بألم : لا
_اقلعي التيشيرت عشان اعقم ليك الجرح واضمدو تاني
اتسطحت في السرير بعد قلعت التيشيرت .. نضفت ليها الجرح وضمدتو وطلعت بعد ما ادتها حقنة مسكن ومن التعب نامت طوالي
صحت على صوت آذان المغرب .. غسلت وشها واتوضت .. لبست عباية الصلاة ووجهت الكرسي على جهة القبلة .. نزلت تحت بعد ما كملت صلاتها .. لقتهم كلهم قاعدين برة في الجنينة .. سلمت على أمها واخوانها .. قعدت جنب رايان وختت ليان في رجليها وبتشاغل فيها
ليا : شكلك بتحبي الأطفال 😀
ملاك : so much 😭💙
ليا : شيليها إحنا ما عاوزنها عاملة لينا إزعاج 😂😂
فاطمة : بكرة تجيب ليها بنوتة بتشبههم
: I won't have a girl first .. I want my first baby to be a boy
رشا : غريبة دايماً الأم بتكون عاوزة بنت والأب بيكون عاوز ولد
لؤي : ما شرط 😂 انا بشوف انه البنات أظرف واحلى
ليا : لأنك بتاع بنات بس 😌
لؤي : 😒😒😒😒😒😒
فاطمة : رايان انت عاوز بنت ولى ولد
رايان : أن كانت بنت أو ولد ما فارقة في النهاية هيكونو من دمي وهحبهم بنفس الطريقة
فاطمة : يلا استعجلو وجيبو بيبي .. انا عاوزة اشيل أحفادي قبل ما أموت
ملاك : الله يطول في عمرك
فاطمة : التوأم بتشربو شاي !! ولى يعملو ليكم عصير مع ملاك !!
لؤي : قهوة 😌
ليا : انا هشرب عصير مع ملاك 😀
ملاك : wait !! Where is my dad !!
فاطمة : في مكتبه .. قال عندو شغل .. خديجة تعالي شيلي الشاي لصبري
: انا بشيلو
فاطمة : طيب .. شيليه براحة
: I'm not in fifteen 😑
_ معليش 😂😂
ودت الشاي لأبوها ورجعت قعدت معاهم .. كانت القعدة ظريفة والونسة حلوة وكلهم غيرو جو .. انتبهو على الوقت المر بسرعة وما لاحظو ليه .. رشا استأذنتهم عشان الوقت اتاخر والأولاد عندهم مدرسة .. لؤي شال ليان الي كانت نايمة ومشو على العربية .. بعد ما ودعوهم اي زول طلع على غرفته عشان يستعد للنوم .. فاطمة فضلت تحت ترتب مع خديجة في المطبخ .. أما ملاك لبست بجامتها ونامت طوالي 💆🏻♀.. رايان طلع قعد في البلكونة وفضل شغال في اللاب بتاعه لفترة قبل ما يستسلم للنعاس ويدخل ينوم
===============================
7:00 AM
رايان صحى بدري كعادته .. صلى الصبح وطلع عشان يتمشى كنوع من الرياضة .. بعدها رجع وجهز نفسه عشان يلاقي خالد .. كان حاسي بالفضول عشان يعرف الموضوع الي عاوز يتكلم معاه فيه .. مافي حاجة بتجمعهم غير ملاك وكان متأكد انه الموضوع ليه علاقة بيه .. نزل تحت بعد ما غير ملابسه .. لقى فاطمة مجهزة ليه الشاي ومعاه كوكيز
_عملت كوكيز لملاك لانها بتحبه .. جرب طعمو وهتحبه انت بردو
_ تسلمي
شربه بسرعة وهو بيقلب في تلفونه .. شال قطعة من الكوكيز في يده ومشى ناحية العربية .. في ظرف عشرين دقيقة وصل الكافيه الي اتفقو عليه ولقى خالد مستنيه ..
_ تشرب حاجة !!
_ لا شكرا .. ياريت تدخل في الموضوع طوالي
_ اوكي
طلب لنفسه قهوة سادة وفضل ساكت لثواني .. رايان لاحظ للتوتر الكان واضح عليه .. من حركات يدو .. وهزة رجله .. اتنهد قبل ما يبدا يحكي ليه : انا بعرف ملاك من 15 سنة .. من لما كنا في المدرسة .. قرينا الإبتدائي والثانوي وحتى الجامعة مع بعض .. كنت أكبر منها بسنتين .. لحد ما هي اتخصصت في أمراض النساء وانا اتخصصت في مجال المخ والأعصاب .. كان وقتنا كله بنقضيه مع بعض .. ما بيفرقنا إلا النوم حتى شغلنا في نفس المستشفى .. كانت بالجد أختي وأكثر من اختي حتى .. لحد ما اتفاجات يوم برغبتها الملحة في أنها ترجع السودان وتستقر فيه .. وفعلا عملت الفي راسها واستقرت هنا مع أبوها .. بعدها بشهرين انا نزلت السودان .. ونقلت شغلي كله هنا وفتحنا المستشفى دا مع بعض .. أخد نفس عميق قبل ما يواصل .. ملاك غالية علي .. وما بقدر اشوفها زعلانة أو مضايقة أو تعبانة .. وحاسس بالذنب من الحالة الي بتمر بيها هسا
. _ انت ما ليك علاقة بالحاصل معاها .. ف ليه تحس بالذنب .. إلا إذا كنت ...
قاطعه بسرعة : انا الخطفت ملاك
#نهاية_الجزء_السابع_عشر
