لم تخلق عيناك للبكاء يا صغيرتي .. فتوقفي عن غصبها على ما لا تحب و يرضاه قلبك
#صبري
=============================
حس انها هدئت فجأة وأنفاسها بدت تنتظم .. زحا راسها من صدرو وسنده على يده .. عاين ليها للحظات عرف فيها أنها نامت 😴 .. فتحت عيونها المنتفخة بصعوبة واعتدلت في قعدتها
صبري : انتي ما اكلتي صح هنزل أجيب أكل عشان ناكل سوا
ملاك : ما عاوزة 😔
صبري : طيب راحتك ... معناها انا بردو هنوم من غير أكل
ملاك : بابا والله ما عندي نفس اتعشى أنت 😢
صبري : ملاك انتي اكتر زول انا بقول عليه عاقل وفاهم والتصرفات دي ما شبهك 😕 من غير حاجه انتي تعبانة في شغلك عاوزة تمرضي
.. أنا هنزل أجيب الأكل وهتاكلي معاي طيب
ملاك هزت ليه راسها بس بدون ما تنطق أي كلمة .. طلعت قعدت في سريرها ودموعها لا اراديا جات نازلة 😭.. بعد دقايق صبري جا راجع ومعاه فاطمة وصينية صغيرة فيها أكل وفاطمة شايلة العصير .. قعد جنبها وبدا يأكل فيها ودموعها لسة نازلة .. فاطمة قلبها وجعها على بنتها وغلبها تمسك دموعها 💔.. نادرا ما يشوفو ملاك في الحالة دي .. متعودين على صوت ضحكتها البيتسمع في البيت كله .. صراخها مع فاطمة وونستها مع أبوها 😂😂.. الشخصية الي مهما العالم بهت حواليها بتفضل هي ثابتة ✨.. بعد ما أكلت وفاطمة شربتها العصير بالغصب نزلو الاتنين وخلوها عشان تنوم .. ما كان عندها رغبة في أي حاجة حتى النوم .. بس من كتر البكاء
نامت تلقائيا
==========================
في العاصمة القطرية الدوحة .. كان البيت هادئ وأي زول في غرفته بيرتب في حاجاته استعدادا للسفر .. رشا كانت بترتب في حاجاتها وحاجات ليان .. أما ليا ولؤي أي واحد بيرتب في حاجاته بنفسه .. ليا كانت بتبكي شوية وتقوم ترتب حاجاتها 💔.. أما لؤي كان العكس تماماً .. مع أنه في البداية كان رافض الفكرة اكتر من ليا .. لكن حالياً مرحب بالفكرة و بيرتب في حاجاته بحماااس 💪 .. المفروض انهم في ظرف ساعتين يطلعو من البيت ويتوجهو على مطار حمد (مطار قطر ) طيارتهم الساعة 3:00 والرحلة ثلاثة ساعات .. يعني هيوصلو مطار الخرطوم الساعة 6:00 وتقريبا دا وقت حلو انهم يشوفو الخرطوم لأول مرة ❤
ليا طلعت من غرفتها ومشت للؤي .. لقته مركب سماعاته وملامحه منفرجة وما فيها أي آثار زعل أو ضيق .. مشت لغرفة أمها ولقتها قاعدة بتنوم في ليان .. نزلت تحت ولقت أبوها قاعد في الصالة .. جرت عليه بسرعة وارتمت في حضنه وانفجرت من البكاء 😭 .. ما كان عندها رغبة تبعد عن أبوها وعن المكان الي اتولدت فيه وعاشت فيه عمرها كله : يا بابا اعمل حاجة 😢 انا ما عاوزة أمشي معاهم طيب خليها تسوق لؤي وانا هفضل هنا معاك
أبوها كان ساكت وما رد عليها بكلمة .. اكتفى بأنه يربت على كتفها بحناان
ليا : طيب انت سافر معانا 😞 اقعد معانا فترة بس لحد ما نتعود على الوضع هناك
مهاب : والشغل هنا اخليه لمنو بس اوعدك اجي ازوركم قبل ما تنزلو المدرسة 😉
ليا : متأكد 😃
مهاب : عندي منو غيركم
ليا حضنتو شديد وبعدها باسها في جبينها وجرت طلعت غرفتها .. رغم أنه دموعها لسة نازلة .. بس ضحكتها واصلة ضرسها الأخير ❤
============================
5:00 AM
Khartoum : Sudan
ملاك صحت على صوت المنبه .. صوت انتشلها من السكينة الي كانت فيها عشان يرجعها لواقعها الباهت 💔.. قامت من سريرها بصعوبة ودخلت الحمام .. كانت واقفة في المراية وبتعاين لنفسها لفترة .. وشها مصفر وعيونها متورمة وانفها محمر .. أخدت حمامم طويل وبعده طلعت وفيها لمحة نشاط .. قعدت قدام التواليت بتاعها وطلعت الاستشوار من الدرج وبدت تجفف في شعرها ... عملتو جمايكتين ولبست جينز أبيض معاه قميص أبيض وفي خطوط عريضة ورفيعة بالرمادي جاية فيه بالطول وبالعرض 💙.. لبست معاهم جزمة فلات لونها أزرق غامق .. عملت ميك آب خفيف وروج نيود مات 😍.. شالت شنطة صغيرة بنفس لون الجزمة فيها حاجاتها الأساسية ونزلت .. كان في إبتسامة ناعمة مرسومة في وشها رغم أنه لسة التعب باين في عيونها 💔.. مشت المطبخ وهي بتنادي بصوت عالي لخديجة .. خديجة جاتها جارية ومخلووعة : ايوة يا بتي ايوة
ملاك : عاوزة عصير فراولة 😍 مركز وبدون سكر
خديجة : حاااضر من عيوني 😊
فاطمة : مالك يا بت بتكوركي من أصبحت 😑 قاشرة كدا ماشة وين وديل شنو الشعرات ديل قايلة روحك صغيرة 😐
ملاك : أستغفر الله العظيم 🤦🏻♀ قولي أي كلمة حلوة عندي مشاوير الليلة لأنه دوامي مسائي بس .. بالنسبة للضفيرتين دي تسريحة عادية وما ليها علاقة بالعمر دا أسلوب زول كان عايش في نيويورك 23 سنة 😒
صبري جا داخل من برا وبيضحك على نقاشهم اليومي : الحلو دا جا من وين 😍
ملاك : دااديي 😍.. مشت عليه وحضنتو بقووة 💙.. شفتي يا ماما اتعلمي من ولدك كلمتين
فاطمة : 😒
صبري : طالعة وين
ملاك : عاوزة ادلع نفسي 😌💙
صبري : ما ماشة العيادة الليلة
ملاك : همشي المسا عندي عملية وكم مقابلة .. طارق رجع من السفر وهو هيداوم الصباح .. انا همشي عشان ما اتاخر لووف يوو 💙💙
شالت العصير من خديجة ومشت على عربيتها .. نزلت في مبنى كبيير واضح انه مؤسسة أو حاجة بالشكل دا .. قضت فيه ساعة كااملة .. طلعت منه ومشت على مولات كتيرة ما خلت حاجه وراها ولى قدامها ما اشترتها 😂 .. طلعت على محل كوزمتيك قريب واشترت كمية هي ذات نفسها اتحيرت هتوديها وين 😂😂.. قضت فترة طويلة في الشوبينغ بعدها مشت على اكتر مطعم بتحبه 💙.. طلبت الأكلات الي هي بتحبها كلها والي نفسها فيهاا .. آخر مكان مشته كان سوبر ماركت كبير قريب من بيتهم .. اشترت كمية من الشوكولاتات 😭😭💙 والحلويات واكياس شيبس الحجم العائلي .. لما قالت طالعة تدلع نفسها ما كذبت قصدت كلمة دلع بكل ما تحمل من معنى 😂😂 رجعت عربيتها ومشت البيت .. البيشوف العربية ماشة من بعيد بتديه إحساس عربية شحن أو حاجة بالشكل دا 😂😂.. في غضون لحظات وصلت البيت وبدت تنزل في الحاجات الجابتها من العربية .. زول اتكلم معاها مافي بس كانو بعاينو ليها لحد ما خلصت وجات قعدت جنبهم
صبري : جبتي السوق كله معاك
ملاك : دي نوع من التجديد يا بابا لي زمن ما اشتريت حاجه 😁
فاطمة : تقومي تجيبي هدوم قدر دا 😮
ملاك : لسة في حاجات في التوصيل 🌚
فاطمة : غايتو انتي 😑
ملاك : خلاص يا ماما 😐 هتنفخي قلبي .. اصلا غلطانة انا
صبري كان ساكت وما قال ليهم حاجة كان بفكر في التغيير المفاجئ في نفسيتها تصرفاتها من الصباح طبيعية شديد كأنه ما حاصل حاجه 💔.. ملاك قعدت معاهم لحد وقت الفطور وكانت بتضحك وبتونس فيهم
============================
في مطار الخرطوم وصلو بعد تلاته ساعات .. في صالة الوصول وفي وسط زحمة من الناس إلي كانو مستنين معارفهم .. جو داخلين وهم جارين مجموعة من الشنط .. كان في مرة كبيرة وشاب في اواخر العشرينات .. أول ما شافوهم مشو عليهم .. رشا كانت سايقة ليان من يدها ومظهرها رسمي .. ليا مظهرها كان عادي لكن كيوت .. لابسة فستان دانتيل أسود في نص ساقها ومن غير أكمام ومعاه جاكيت ميدي شيفون سادة اسود واكمامه طويلة 💙.. شعرها مفرود ووشها مافيه أي حاجه غير غلوس لامع
أما لؤي كان قاااشر ويسوو كدي 👋 لابس بنطلون جينز أسود وقميص أزرق فاتح.. فاتح أول زراير من القميص ولافح جاكيت في يدو .. شعره كله لورا ولابس نظارة سوداء 😍💙.. رشا اول ما شافتهم مشت عليهم .. سلمو عليها بشووق وطلعو برا المطار .. ركبو العربية الكانت مستنياهم
========================
ملاك الظهر طلعت أخدت ليها نومة تلاته ساعات وصحت العصر .. جهزت نفسها بمظهر رسمي ورفعت شعرها فوق .. أخدت نفس طويل وطلعت مشت المستشفى .. وصلت بعد المغرب ومرت على مرضاها كلهم .. آخر حاجة مشت على مريم عشان تطمن عليها قبل العملية .. دقت الباب ودخلت طوالي .. لقت مريم قاعدة وظاهر عليها التوتر ومعاها رينا : جاهزة 😃
مريم هزت ليها راسها بمعنى نعم ورينا كانت ماسكة يدها .. ملاك اتكلمت معاها شوية وطمنتها وخففت عنها التوتر وطلعت .. في الممر لاقت رايان وهو جايي على غرفة مريم .. وقف اتكلم معاها شوية وسأل عن العملية وعن وضعها بعد العملية : في إحتمال انه تحصل ليها أي مضاعفات أثناء العملية أو بعدها
ملاك : خالص .. العملية هتتعمل بالمنظار ودا هيسهل عليها حاجات كتير .. في غضون أسبوع أو عشرة أيام بتقدر ترجع لنشاطاتها الطبيعية و...
قاطعها صوت انثوي بينده عليها .. : ملاك
اتلفتو الاتنين على جهة الصوت .. كانت بنت سمراء وجذابة .. لابسة هاي ويست اسود سادة وتيشيرت نص اكمامه طويلة بصلي وبطنها وجزء من بطنها ظاهر شعرها مفكوك وعاملة فل ميك اب
ملاك : نور 🤨
رايان استاذن منها ومشى ونور جات سلمت عليها سلام البنات المعروف 🌚 : دا منو الكنتي واقفة معاه دا 😮
ملاك : انا وين !! في مستشفى .. دا ولد مريضة عندي
نور : وربيي وااقع من الجنهه 😭😭❤
ملاك : نور 😑
نور : عاوزة رقمه ☺
ملاك : نووور 😒 هتطيري من قدامي ولى أطير انا
نور : ملاك انا جادة 😞 دايراه راجلي وأبو أولادي
ملاك : هو انتي يادوب شفتيه ثانيتين على بعضهم 😶
نور : عاوزة اقشر بيه 😌 يااخخ سمحح بتدردق ليك هنا 😭😭❤
ملاك : انا ما عارفة مصاحباك ليه اصلا انا ماشة 😑💔
نور : خلاص تعالي 😀 ما ينفع معاك الهظار خالص 😑.. كنت جاية اتكلم معاك في موضوع ليث .. حكى لي امبارح الي حصل
ملاك : ليث منو 🙂
نور : هتستعبطي
ملاك : شوفي 🙂 .. البني آدم دا محيته من حياتي خلاص .. ودا ما الوقت المناسب ولا المكان المناسب عشان نتناقش فيه عن حياتي الشخصية .. عن اذنك لأني مشغولة .. مشت وخلتها واقفة في مكانها .. نور ابتسمت إبتسامة صغيرة ومشت على غرفة مريم .. دقت الباب ودخلت بعد ما سمعت اتفضل .. رايان كان واقف بعيد وبتكلم في التلفون ورينا كانت قاعدة جنب مريم ومعاها رينا وممرضتين .. نظراتهم مستغربة من السمراء الجاية عليهم 🤨.. قالت بصوت انثوي رقيق : هااي 😍
رينا ردت عليها بصوت مستغرب : أهلين 😶
نور : انا صحبة ملاك 😄 حبيت أمر واسلم عليكم
رينا : أهلين فيك
قعدت معاهم شوية وطلعت .. ملاك شافتها طالعة من الغرفة وجاتها بسرعة : 😳 كنتي بتعملي في شنو
نور : دخلت سلمت 🌚
ملاك : بصفتك شنو 😒
نور : دخلت أشوف حماتي المستقبلية 😍
ملاك : نور 😑 رجاءً اطلعي من هنا دا محل تسلية تجي تقضي وقتك فيه .. لما أخلص هجي اشوفك
نور : انا مسافرة بعد أسبوع ... ماشة اشوف مامي أسبوعين أو شهر وهرجع
ملاك : طيب .. هطلع معاك قبل ما تسافري اوكي !! بس حالياً أرجعي بيتك
نور : انا ما عارفة مستحمالاك كيف اصلا 😒💔.. يلا تشااااو
ملاك ضحكت ليها قبل ما تمشي ومشت على غرفة مريم .. واحدة من الممرضات جات طالعة معاها ومشت وراها العيادة .. ملاك بعد دقايق غيرت هدومها ومشت على غرفة العمليات .. بعد ساعات العملية خلصت ورجعوها على غرفتها وكانت لسة تحت تأثير المخدر .. الساعة كانت 1:15 وما كان في أي ضيوف تبع مريم غير رايان ورينا .. ملاك اول ما طلعت مشت المغسلة وغسلت وشها .. أول ما طلعت لاقتها رينا وهي ملهوفة : دكتورة ملاك ... انتي ما طمنتينا عليها هي كويسة
ملاك : كويسة والحمد لله ^^ .. العملية كانت ناجحة ومن دون مضاعفات .. بعد كم ساعة المخدر هيزول وهتصحى
رينا : هتطلع متين
ملاك : في حدود خمسة أيام عشان اتطمن على وظايفها الحيوية
رينا : وضعها مستقر يعني
ملاك : YUP 🙂
رينا رجعت على غرفة أمها وملاك رجعت عيادتها .. فضلت الليل كله مع الممرضات وكل شوية بتمشي تطمن على مريم .. مريم صحت الساعة 5:00 صباحاً .. رايان طلع عشان ينادي واحدة من الممرضات .. إستراحة الممرضات كانت قريبة شديد من غرفة مريم .. الباب كان فاتح وفي تلاتة ممرضات قاعدين جوا وملاك كانت نااايمة 😴 .. واحدة منهم اول ما شافته جات وقفت في الباب عشان تشوفو عاوز شنو : كيف بقدر أساعدك
رايان : المريضة في الغرفة 18 صحت ف لو سمحتي تعالي معاي
الممرضة : ثواني أصحي الدكتورة
رايان : لا ما ضروري .. بس واحدة منكم تجي تشوفها
الممرضة : لا هي وصتنا انه نصحيها اذا غفت .. انت أرجع وهي بتجي هسا
رايان : اوكي .. رجع على غرفة أمه وبعد دقايق ملاك جات لاحقاهم
ملاك : حمد لله على السلامة 😊
مريم بصوت متعب : الله يسلمك
ملاك : حاسة بأي حاجة
مريم : جسمي كلو واجعني
ملاك : دا من تخدير العملية بس .. كم ساعة ودا كلو هيخف أن شاء الله
رينا : بتقدر تمشي 😕
ملاك : طبعاً .. لازم تتمشى .. كل يوم وحتى بعد تطلع من المستشفى تاخد لفة ربع ساعة أقل حاجه
رايان : دا ما هيتعبها !!
ملاك : دا ضروري لحالتها .. الحركة عشان تمنع دمها ما يتجلط .. قبلت على مريم وطبطبت عليها بحركة مشجعة : يلا شدي حيلك عشان تتمشي بعدين العصر ❤
مريم هزت ليها راسها بالموافقة وملاك طلعت .. مرت على باقي مرضاها بسرعة وطلعت مشت البيت .. أول ما وصلت لقت ليث مستنيها في البيت .. عاينت ليه بس وطلعت على غرفتها .. وقفها صوته الرجولي : ملاك
ملاك وقفت شوية وواصلت غرفتها .. بعد فترة نزلت تحت ولقته لسة قاعد .. زفرت في ضيق وطلعت الجنينة 😤.. ناداها للمرة التانية : ملاك استني دقيقة
ملاك : ليث انا ما عاوزة أشوف وشك تاني 😑
ليث : طيب اسمعي كلامي
ملاك : ما عاوزة أسمع منك ولا حرف
ليث : دقيقة ما هتنقص من عمرك حاجه
ملاك : اتفضل
ليث : ملاك انا آسف .. ما كان قصدي أعلي صوتي عليك .. كنت منفعل ومن غير قصد عليت صوتي عليك .. سامحيني على غلطي في حقك 💔
ملاك : خلصت !! بتقدر تمشي هنا
ليث : أفهم انك ما هتسامحيني
ملاك : Exactly ..
ليث : هتنهي علاقتنا بالطريقة دي !! وبالبساطة دي
ملاك : علاقتنا 😂😂 هي تتسمى علاقة اصلا !! مشغولين 24 ساعة عن بعض وما لاقيين وقت لبعض .. مش دا كان كلامك !! أنا تعبت منك .. تعبت كل مرة تغلط وانا اسامحك بكل بساطة .. زي ما المحاية بتتلف الورق .. كتر المسامحة محى علاقتنا .. بتقدر بكل بساطة تواصل في مشغولياتك وياريت ما أشوف وشك تاني .. دخلت بسرعة وطلعت غرفتها .. قعدت في سريرها بعد ما قفلت الباب عليها ودموعها لا اراديا جات نازلة .. أخدت نفس وقامت غسلت وشها وطلعت .. ركبت عربيتها ومشت والمستشفى .. كانت الطريقة الوحيدة في أنها تنسى مشاكلها تشغل وقتها 💔.. الوقت كان عصر والجو ظريف .. طلعت لمريم ونزلتها تحت في جنينة المستشفى .. مواعيد الزيارة كانت لسة ف ماكان في زول معاها غير رينا .. كانت سانداها وبتمشي معاها براحة وبتتونس معاها .. قعدو في واحد من المقاعد الخشبية الي كانت منتشرة في جنينة المستشفى ... ملاك خلتهم مع الممرضة ومشت للدكتور الي كان بنادي عليها
مريم : رينا 😀
رينا : ايوة .. في حاجه واجعاك !! تعبتي من المشي
مريم : لا انا مرتاحة كدا 😊 البت دي دخلت قلبي 😍
رينا : منو 😕
مريم : ملاك 😍
رينا : ايواا .. اممم بتدخل القلب بسرعة تعاملها راقي وما بتحسس زول انه هي غريبة ❤
مريم : رأيك فيها شنو 🌚
رينا : بالنسبة لشنو 😕
مريم : دايراها لولدي 😌👋
رينا : رايان 😶 أي يا أمي هي ما شاء الله ما فيها عيب .. لكن ما قدر دا هسا يمكن مخطوبة ولى معرسة عديل بعدين رايان ما هيوافق
مريم : رايان دا خليه علي 😏 اما ملاك دي ما ظاهر عليها معرسة
رينا : يا أمي .. الناس ما بعرسو كدا واحنا ما عارفين عنها حاجة
مريم قبلت على الممرضة القاعدة جنبها : يا بتي .. انتي شغالة هنا اكيد بتعرفي ملاك كويس
الممرضة : والله ما عارفة عنها إلا كل خير .. غايتو ما معرسة ..وما أظن مخطوبة .. كانت قاعدة في نيويورك وجات قبل سنتين أظن .. قالو المستشفى دا حقها ومعاها دكتور تاني .. أبوها أظن لواء في الجيش وما شاء الله ناس راحات .. مرة كانت عملت حادث ومشينا ليها في البيت لكن ما شفت أمها شكلها متوفية ولى حاجة زي دي لانها بتقول لحبوبتها أمي
رينا : خليتو شنو ورا البت ما عرفتوه 😒
مريم : خلاص المهم طلعت ما معرسة وانا دايراها لولدي
رينا : يا أمي انتي عرفتيها متين
مريم : رايان وينه هسا
رايان : سألتو مني !!
رينا : ابن الحلال على سيرته ببان
مريم : جيت من وين انت .. عمتك وينها
رايان : جايين في الطريق بس اتاخروا في البيت وطلعت خليتهم
مريم : تعال يا ولدي .. انا عايزاك في موضوع
رينا : مصرة 😐
مريم : انتي اسكتي 😑.. رايان
الممرضة قامت من جنبها عشان رايان يقعد .. رايان جا قعد جنب أمه عشان يسمعها
مريم : الدنيا دي ما معروفة يا ولدي .. الليلة بقيت كويسة وما معروف يحصل شنو بكرة 💔
رايان : دي شنو المقدمة دي
مريم : انت بس اسمعني .. أنا عاوزة اشوفك معرس وبأولادك
رايان : شكلو تأثير المخدر ما راح لسة 😅
مريم بنبرة جادة : انا لقيت ليك عروس 🙂 كان عاوزني أرضى عليك اسمع كلامي
رايان : ودي منو اللفتت نظرك دي 😂😂
مريم : ملاك ☺ دكتورة ملاك
رايان رفع حاجبه اليسار بحركة مميتة : ملاك 🤨
مريم : كان كسرت كلمتي ما رضيانة عليك
رينا : يا أمي الموضوع دا ما بالطريقة دي 🤦🏻♀ دي ما لعبة دي حياته
رايان : انتي عارفة انه انا مستحيل أوافق على الحاجه دي .. دي حياتي انا وهعرسها انا ما انتي
مريم : غلطانة انا اني خايفة عليك وعلى مستقبلك 😒.. نادت الممرضة عشان تسوقها ترجعها غرفتها .. ملاك اول ما شافتهم جات عليها بسرعة وطلعتها معاها فوق
رايان دخل يدو في نص شعره وشد عليه بقوة بعد ما اخد نفس وقام طلع وراهم
#نهاية_الجزء_السادس
