إنّني أعودُ إليكِ مِثلَما يعودُ اليتيمُ إلى مَلجأهِ الوحيد .. وسأظلُ أعود 💙✨
#رايان
===================
اتقدمت ناحيته بخطوات بطيئة ومترددة .. اتجاوزت الناس المجتمعين لحد ما لقت نفسها قدامه وهو غرقان في بركة من دمه .. فجأة الدنيا سودت حواليها وانفاسها اتقطعت .. سمعت صوت بعيد بينادي وكل مرة بيقرب اكتر .. قامت مخلوعة على صوت لؤي الي انتشلها من كابوسها المرعب : are u okay !! 😕
كانت عرقانة شديد رغم أنه الجو بارد والتكييف شغال .. نفسها قايم وقلبها بينبض بسرعة حسستها انه هيطلع من محلو . . وراسها هيتكسر من الصداع . . قالت ليه بصوت متقطع : انا كويسة . . ممكن تتصل على رايان !!
_ الفون جديد وما معاي رقمو
_09*****
عاين ليها باستغراب قبل ما يسجل الرقم ويتصل : مقفول ... . يمكن لسة ما وصل
_ جرب تاني
تصل مرتين وتلاتة ولسة مقفول
_ لسة الوقت بدري وبتكون طيارته ما وصلت
_ ردت عليه والدموع بدت تتجمع في عيونها : لا .. هو قال لي اول ما تفتحي عيونك هتلقيني قدامك .. اكيد حاصلة ليه حاجة
_ بعيد الشر .. يمكن اتاخر لأي سبب من الأسباب
_ انا ما مرتاحة .. حاسة انه في حاجة حاصلة ليه .. شالت منه التلفون وسجلت رقم بسرعة واتصلت .. طلعت وقفت في البلكونة وبعد دقايق رجعت ووشها مصفر
_ اتصلتي وين !!
_ على المطار .. قالو لي أنه طيارته وصلت بدري وطلع من المطار قبل ساعة .. البيت من المطار أقل من نص ساعة .. اتاخر ليه !! هو وعدني انه ما هيتأخر .. دخلت الحمام غيرت ملابسها بسرعة ونزلت و لؤي نزل وراها عشان يوقفها .. لاقتها فاطمة : طالعة وين !! ومالك وشك مصفر كدا
قالت ليها بصوت باكي : رايان .. رايان اتاخر يا ماما
فاطمة : قولي بسم الله يا بتي بكون لسة ما وصل ولى في الطريق
_ اتصلت على المطار وقالو لي أنه طلع قبل ساعة .. والمطار قريب ما
هياخد الزمن دا كلو .. مسحت دموعها الي بدت تنزل قبل ما تكمل : انا همشي افتشه
فاطمة : تفتشيه وين !! يا ملاك رايان ما شافع عشان يضيع .. شوية وتلقيه قدامك ما ..
قطعت كلامها لما سمعو صوت البوابة الخارجية بتتفتح .. مشو التلاتة على جهة الحوائط الزجاجية عشان يشوفو منو الجايي .. ملاك زحت الستارة بلهفة ودموعها لسة نازلة .. اتنهدت بارتياح لما شافت عربيته داخلة .. ابتسمت ابتسامة ناعمة في نص الصداع الي كانت حاسة بيه ومشت على الباب .. فتحته وطلعت .. فضلت واقفة لثواني لحد ما شافته نزل من العربية .. جرت عليه بسررعة وارتمت في حضنه 💙 .. أول ما حاوطها بإيديه أطلقت العنان لدموعها .. كانت شادة عليه بقوة وبتبكي .. زحت منه وقالت ليه بلهجة معاتبة : تلفونك ليه مقفول !! اتصلت على المطار وقالو لي انك طلعت قبل ساعة .. ليه اتاخرت !! أنت وعدتني انك ما تتأخر
استغرب من ردة فعلها شديد .. قال ليها بلهجة مستفسرة : من وين عرفتي رقم المطار !!
_ لاني حافظاه
_ حافظاه !! طيب كيف ... قطع كلامه لما لاحظ للتعب الظاهر في ملامحها : طيب خلينا ندخل ونتكلم بعدين .. فجأة وقفت وكأنها بتستوعب في الحاصل .. عاينت لرايان مسافة قبل ما تمسك يدو ويدخلو .. قعدو كلهم في الصالة .. ملاك مسكت راسها وغمضت عيونها .. قبل ما تقول ليهم : I've regained my memory .. I remember everything now
عاينو ليها التلاتة بصدمة قبل ما تقوم فاطمة وتحضنها .. كانت حاسة بصداع قوي بس استحملته .. سرت رعشة في جسمها لما اتذكرت الحادث والناس الكانو خاطفنها .. ختت راسها في كتف رايان وبدت تحكي ليهم من أول ما اتخطفت والحقير الي حاول يتحرش بيها .. رايان وعدها انه المسؤول عن اختطفاها مجهول بس هيقبضوه قريب .. وأنهم هيتحاسبو كلهم على عملتهم .. استأذنت منهم وطلعت غرفتها .. اخدت مسكن وغفت غفوة صغيرة .. لما فتحت لقتها نايم جنبها 💙 .. إرهاق السفر ظاهر في وشو .. انقلبت الآية وهي الي فضلت تتأمله المرة دي .. رموشو الطويلة وحواجبه المقوسة 💙.. لحيته الكثيفة والحادة 💙 .. وشعرو المبعثر في وشو 💙.. لقت روحها تلقائيا بتبتسم .. قعدت في السرير وفتحت الكومودنية الجنبها .. طلعت دفتر صغير وقلم حبر .. فتحت صفحة فاضية وبدت تكتب فيها بخط مرتب :
Sat , 12 January
10:45 AM
