لا أدري في اي هاوية سقطت .. كنت أمشي على الحافة .. واثقة
اني سأسقط .. ولكن ليس الآن .. ملامحي هادئة والابتسامة لا تغادر شفتاي .. ولكن حربا دامية تضج بداخلي ..
سأعترف لك أني لاأزال أخصص جزء من يومي لك .. أبتعد فيه عن ضجة العالم، وأتذكر أحاديثك وضحكاتك وأبتسم
#ملاك
===================================
انتشلها من ذكرياتها صوت طرقات الباب .. بدت وكأنها افاقت من حلم جميل 💙 وكابوس مرعب في آن واحد 💔.. اذنت له بالدخول في شرود
.. كانت تعلم من الحاضر مسبقاً .. لا أحد غيره .. إنه قادم الآن ليصطحب عروسه .. هالة من الرجولة تحيط به 💙 .. رجل فارع الطول .. مع بنية عضلية مثيرة وشعر كثيف .. لحية كثيفة ومرتبة وبذلة سوداء تكاد تهرب من جسده .. تعلقت بها عيناه العسلية رغم النظرات الفارغة التي كان يرمقها بها .. رغم البرود الذي يعتريه .. والقلب الحجري داخل أضلعه .. ولكنه في النهاية رجل .. نظر اليها وهي تطرف في خجل على غير عادتها .. إنها المرة الأولى التي يرى فيها شعرها منسدلا .. خصلات فاحمة تصل حتى أسفل خصرها .. عيناها الواسعتان وانفها الصغير .. فم مكتنز وخدين ممتلئين .. نظر إلى يديها ونقوش الحناء تكسو ذراعيها .. غرق في تفاصيلها حتى اخمص قدميها .. تبدو في زفافها الأبيض وكأنها ملاك أطلق سراحه من الجنة .. مهلا !! إنها فعلا ملاك .. تنحنح قبل يقترب منها ويمسك بإحدى يديها الناعمتين .. كان جسمها باردا كالثلج .. وبعض التوتر باد على وجهها .. نظرت إليه بنظرات متفحصة .. كأنها تبحث عن شئ تائه في ملامحه .. قاطعها صوت ينادي عليهما في مرح : ملاااك يلا انزلو 😃
ملاك : نااو 🤨 !!
ليا : ايييوة .. يلا بسرعة ما تتأخرو .. طلعو الاتنين من الغرفة وهو ماسكها من يدها لحد ما قربو من السلم البنزلهم للصالة .. لؤي وقف جنب ملاك وليا جنب رايان .. أما ليان كانت في نصهم ملاك ماسكاها من يد ورايان ماسكها من اليد التانية .. أو ما نزلو في السلم الأضواء انطفت واشتغلت أضواء خافته في الجهة النازلين منها .. عبرو في ممر طويل من الفوانيس الصغيرة والمصورين لاحقنهم والموسيقى هاااادئة .. لحد ما وصلو نص الصالة واشتغلت اغنية Perfect ( Ed Sheearn ) عشان يرقصو عليها سلو .. طول الرقصة رايان كان مركز نظرو في عيونها وهي مركزة نظرها في الأرض .. بعدها مشو ناحية جلستهم الكانت مجهزة بطريقة خرافية وبدو يباركو ليهم .. اتصورو معاهم كتير وبعدها اشتغل ملاك كان نفسها تقوم ترقص مع الناس لكن مسكت نفسها وقعدت في مكانها 😂😂💔 .. شوية كدا ليا جات تحنس فيها عشان تقوم .. كان شكلها حلو شديد هي ولؤي .. فستانها كلو أوف وايت منفوش وفي نص ساقها وفيه ورود صغيرة كتيرة نيود واكمامو شفافة .. أما لؤي فكان لابس بدلة بنفس لون فستانها أوف وايت بردو والكرفته نيود .. بعد تحانيس ملاك أخيراً قامت معاها للحظة نست أي حاجة وراها حتى عريسها وهااجت مع الناس رقصت رقيص نهاائي ما قصرت لحد ما الحفلة انتهت وطلعو تاني عشان يلبسو للجرتق .. كانو معاها فاطمة ومريم بلبسو فيها في التوب دي ترفعو ليها من هنا يقع من هناك
ملاك : وبعدين معاه 😑
فاطمة : انتي أصبري😒 ثبتيه بدبابيس التوب ما بتعرفي تلبسيه ماشة وين
ملاك : يا ماما التوب دا عبيط اعمل ليه شنو 😐
مريم : جيبي الدبابيس اثبتو ليك
شالو الدبابيس وبدو يلبسو فيها .. أثناء ما بلبسو فيها الباب دق ودخل صبري
ملاك : داادي 😻
صبري : حبيبهه دادي 😻 قرب منها وباسها في جبينها
ملاك : دادي انا ما ماشة معاه اخليك لمنو 😢
فاطمة : هتقلبيها دراما
ملاك : خليني براحتي دا يومي الليلة 😐✋🏻
صبري : انتي ما ماشة برا البلد وقت ما تشتاقي لينا تعالي
ملاك : كل يوم هجيكم
فاطمة : ما صدقنا طلعتي من البيت تجينا تاني 😐
نزلو كلهم تحت وعملو الجرتق .. لما الحفلة كلها خلاص خلصت كانت الساعة 1:03 الناس بدو يمشو فضلو بس أهل العرسان .. ملاك آخر حاجة مسكت أبوها واتفقعت بكا .. كان بهدي فيها وبفهمها انها ما ساكنة بعيد شديد .. كانت بتبكي بحرقة .. ما شوقا لأهلها .. يمكن من خوفها أنها استعجلت في قرارها .. ودعوهم كلهم وركبو العربية .. كانو عربيتين .. واحدة راكبين فيها العرسان والتانية فيها شنطهم ملاك من التعب نامت في العربية .. لما وصلو بيتهم كانت الساعة 2:15 AM
دخلو الاتنين وبدو ينزلو ليهم في الشنط .. ملاك شنطها كانت كتييرة شديد .. الفلة كانت كبيرة وجنينتها واسعة شديد يعني مشواار لحد ما يوصلو جوا .. رايان اتفاجأ من شكل البيت وحس انه دخل فلة تانية غير حقتو ديكورها مختلف 180 درجة وحلو شديييدد دا غير العفش وطريقة ترتيبه 💙.. أقل ما يقال عنه خراافي .. الغرف موزعة في الطابق التاني والتالت .. أما الرابع ف كان مجهز بطريقة حلوة .. جزء منه فيه آلات رياضية يعني جيم متكاامل .. في النص كانت فيه جلسة حلوة وقدامها شاشة كبيرة .. في الجزء التاني كانت في صالة كبيرة فيها مكتبة ملياانة كتب .. جزء منها فيه روايتها كلها من الأولى لحد الأخيرة .. في النص فيها طاولة مكتب كبيرة وطقم جلوس .. كانت واسعة شديد .. في جزء فيه صورها وصور رايان وصور ليا مع أهلها وصوره مع أهله وجزء فاضي مخصص لصور عرسهم
بالنسبة لغرفهم فكانو كل واحد غرفته براه لكن في نفس الطابق
.. وكانو في غرفتين غيرهم بس فاضيين ..
رايان دخل غرفته بعد ما دخل شنط ملاك كلها في غرفتها .. كانت وااسعة ومريحة .. الحيط لونها أبيض وجهة واحدة لونها أزرق العفش أبيض ومفروشة بالازرق .. خت شنطو بالجنبة ونام .. أما ملاك موضوعها كان طويل .. لحد ما طلعت الزفاف ولبست هدم النوم والميك آب برااهو موضوع عشان يتغسل 💔 .. أول ما انتهت رقدت في سريرها ونامت
رايان صحى الساعة تسعة ونص وملاك لسة نايمة .. غير هدومو ولبس ترينغ وتيشيرت من غير أكمام وطلع يتمشى .. بعد ساعة رجع البيت ولقى ملاك صحت وبتجهز في الفطور .. كانت سفرة ظريفة وخفيفة .. عملت عصير فواكه مركز من غير سكر وجهزت الشاي .. رغم أنها نامت لكن لسة نعسانة .. رتبت الأكل في السفرة وبدو ياكلو بمزاج
رايان : ملاك
ملاك : what 🙂
رايان : ليه وافقتي !!
ملاك : على شنو 😕
رايان : على العرس
ملاك : ليه لا 🙂 المشكلة وين
رايان : ما شكلك من النوع البيتغصب على العرس وكنتي موافقة بكامل إرادتك .. وانتي ما بتعرفيني
ملاك : نوع من التجربة والمحاولة في الإستقرار ☺ زيادة على الظروف الكنت عايشاها في الفترة الأخيرة شجعتني على اني أوافق
رايان : دامك كنتي مرتبطة .. ليه ما استمريتو ووافقتي
ملاك : لأننا انفصلنا قبل أسبوع تقريباً قبل ما أمك تفتح الموضوع مع ماما .. تمينا سنتين وكل يوم مشاكلنا بتزيد لحد ما جا يوم وقال لي أبطل شغل بحجة اني مشغولة وما هفضى لبيتي .. كانت صدمة كافية انها تغير وجهة نظري وتخليني أوافق
رايان : وانتي حاسة اننا هنستمر مثلا 😂😂 !!
ملاك : مصيرنا واحد من اتنين .. هنمشي لحد ما نصل طريق مسدود .. أما حبينا بعضنا وكملنا كأي اتنين متزوجين أو العكس والي هو الطلاق
رايان : انا بفضل الإحتمال التاني .. انتي
ملاك : انا عايشة حياتي كلها على اني اتكيف مع أي وضع .. لو كملنا ف هكون أخيراً استقريت .. ولو انفصلنا هتكون تجربة استفيد منها
رايان : وجهة نظر
ملاك : ☺💙
خلصو اكلهم وطلعت مع رايان غرفته عشان ترتب ليه حاجاته .. لفت شعرها فوق عشان ما يضايقها .. كانت بترتب ليه في هدومه وحاجاته كلها .. قعد في طرف السرير وهو بعاين ليها .. بدأ يفكر في كلامها .. هل فعلاً ممكن يجي يوم ويحبها !! دنقر راسو وضحك ضحكة صغيرة كدا .. بعد ما خلصت مشت غرفتها وجرت شنطة صغيرة لحد غرفة رايان وبدت تفضي فيها .. كانت كلها مستلزمات حمام .. مجموعة شامبوهات وحاجات الحلاقة وعطور كتيرة .. خلصت منها ومشت غرفتها شالت هم لما عاينت لكمية الشنط المفروض تفضيها .. اتنهدت قبل ما تبدأ ترتب فيهم .. قاطعها تلفونها وهو بيرن ردت بصوت متعب : الو
فاطمة : مالك يا بت صوتك دا كدا 😐
ملاك : برتب في هدومي 😭
فاطمة : خديجة دي عندها بت أختها عاوزة شغل وقلت ليها تجي تشتغل ليك في البيت وتساعدك
ملاك : ممكن اصلا ما هيكون عندها شغل كتير لأنه جبت بنات للنضافة
فاطمة : خلاص بتجيك بكرة من الصباح
ملاك : اوكك سلميي على بابا
قفلت الخط كدا وليا ضربت ليها .. ردت ليها بسرعة : ليااا 😭
ليا : مالك 😟
ملاك : تعالي ونسيني لحد ما ارتب حاجاتي 😭
ليا : حااضر 😂😂 شوية وبجي
ملاك : لوف يوو 😭💙
رجعت ترتب في حاجاتها وهي عاوزة تبكي ما عارفة ترتب شنو وتخلي شنو .. بعد شوية ليا ولؤي وصلو .. لؤي قعد مع رايان تحت وفي ظرف دقايق اندمجو مع بعض .. أما ليا طلعت لملاك فوق ولقتها قاعدة في الأرض في نص حاجاتها : ملاك انتي جبتي معاك مول !! ديل كلهم كنتي خاتاهم وين
ملاك : ما عارفة .. شفتي الشنطتين ديل !! دا الميك اب وحاجات التواليت رتبيهم لي
ليا بدت ترص ليها فيهم وهي بترتب في هدومها في ساعة بس خلصو
ملاك : جاهزة للمدرسة !! باقي يومين بس 🌚
ليا : ما مطمنة خاالص 😥
ملاك : إسمها شنو مدرستكم
ليا : مدرسة ***
ملاك : حلووووو 😻 هتحبيها
ليا : بتعرفيها 😕 !!
ملاك : انا مسؤولة من رسوم المنح فيها 😃
ليا : جد 😻 معناها هكون مرتاحة طول ما ليك يد فيها .. نزلتي من صور امبارح في الانستا بتاعك
ملاك : لا 😪 ما لقيت زمن افتح التلفون
ليا : طيب جيبيه
ملاك ادت ليا تلفونها ودخلت استحمت .. بعد مسافة طلعت ونزلو الاتنين تحت
ملاك : خلاص بعت أختك بالسرعة دي 😑 ما بتجي تشوفني فوق
لؤي : انت قلتي عاوزة ليا وجاتك
ملاك : هقول ليك لؤي تعال رتب لي ملابسي مثلاً 😐 غبي
حضنتو شديد وقعدو يتونسو كلهم مع بعض
ملاك : ليه ما جبتو لي ليان 😢
ليا : خليناها نايمة
ملاك : طيب انا هبدا اجهز ليكم في الغدا انتو كملو
ليا : انا هجي معاك
مشو الاتنين المطبخ وبدو يجهزو في الأكل .. ليا مسكت تلفونها وبدت تتصفح فيه .. قالت ليها بصوت متفاجئ : ملاااااك 😮 صور عرسك انتشرت
ملاك : seriously 🤨
ليا : يب 😕 منزلة في مجلة وشكلها انتشرت بعد دلك
ملاك : اهااا يب المجلة دي المسؤولة من مكتب التحرير بتاعها من معارفي وكان في اتنين منهم في العرس امبارح
ليا : اهااا .. عاملة حلو
ملاك : لسة ما طبخت عشان أفكر في الحلو
ليا : انا بعمله 👏
ملاك واصلت طبيخها وليا بدت تعمل في الحلو لحد ما جهزوا السفرة كلها .. اكلو كلهم مع بعض واتونسو كتير ولؤي بقى فردة رايان وباع ملاك استأذنو منهم وطلعو قبل المغرب ..
==================================
في مكان تاني كانت بتتصفح المجلة باهتمام لحد ما وقفت في صفحة خبر زواج الكاتبة ملاك صبري .. عاينت للصور بصدمة وهي بتقرأ في الخبر بذهوووول 😳😳😳.. شالت تلفونها من التربيزة القدامها واتصلت على رقم ليها زمن منه .. بعد ثواني جاها صوتو الرجولي وهو بيقول : يا هلا
نور : ليث 😳 ملاك
ليث : مالها !!
نور : معناها انت بردو ما عارف ملاك عرست 😑
ليث : عرست كيف يعني 😳 انتي بتهظري رجعت للهبايب البتشربيها دي تاني
نور : دا موضوع بهظرو فيه !! افتح حساب مجلة **** هتلقى فيه الخبر 😒
ليث فتح اللابتوب بتاعه وعمل زي ما قالت ليه نور .. بدأ يتصفح في الصور بتمعن وحاسي انه عيونه خاذلاه .. قفلو وهو معصب ورماه من التربيزة ..
بهناك نور كانت زعلاااانه ومعصبه بطريقة ما طبيعية حجزت تذكرة للسودان في نفس اليوم ورجعت المسا
===============================
ملاك المسا شالت كتاب وقعدت تقرأ فيه .. قاطعها صوت التلفون ولقته رقم حافظاه كويس رغم أنها مسحته .. فصلت الخط في وشو واتصل تاني .. لما زهجت منه قفلت التلفون وواصلت قرايتها .. اتفاجأت لما جاتها واحدة من الشغالات وقالت ليها انه في واحد مستنييها تحت .. قبل ما تنزل شالت طرحة كبيرة وغطت بيها كتافينها العارية .. اترددت قبل ما تنزل تمشي لرايان ولى لا .. مشت غرفته وما لقته ..قبل ما تطلع سألت البنت الشغالة وقالت ليها طلع قبل شوية .. طلعت الجنينة ولقته مستنييها .. أول ما شافه شافهت وقف على حيله .. قالت ليه بلهجة باردة : خير 😒 !!
ليث : ملاك انتي قاصدة شنو !! ليه عملتي كدا
ملاك : بتسألني بصفتك منو 🙂
ليث : في الوقت الأنا كنت بتعذب فيه وندمان على العملتو معاك انتي كنتي بتخططي لعرسك 😑
ملاك : عندك اي إعتراض !!
ليث : معناها دا السبب المخليك رافضاني المرة دي كنتي قاصدة تكبري المشكلة 😒 عشانو هو
ملاك : بالضبط كدا 🙂 لو خلصت كلامك بتقدر تمشي
ليث قبل ما يتكلم قاطعهم صوت وراهم : ملاك
قبلو الاتنين على إتجاه الصوت وشافوه وهو جاي عليهم .. قرب من ملاك ومسكها من كتافينها وباسها في خدها 💙 : حبيبي في مشكلة !! ما قلتي لي جايين ضيوف
ملاك : تقدر تقول متطفلين 🙂 على العموم زيارتو خلصت
دخلت مع رايان جوا وخلو ليث راسو هيولع من الغيظ
اول ما دخلو جوا ملاك قالت لرايان بصوت هادئ : Thanx ^^ .. وطلعت غرفتها قفلت عليها الباب وقعدت في الأرض .. فضلت سرحانة مساافة قبل ما تبدأ تبكي وتشهق بقوة لحد ما نامت في الأرض 💔
#نهاية_الجزء_الحادي_عشر
