"ربما كنت كتفي الذي استند عليه .. أو التنهيدة الدافئة التي تخرج مني عند التعب .. ولكنك أعمق نقطة مفقودة من ذاكرتي .. لا أذكر أي تفاصيل عنك .. أسير بجهل في متاهات ذاكرتي الخاوية .. ربما محي عقلي تماما .. ولكن قلبي لا زال يضج بالمشاعر نفسها"
#ملاك
===============================
رايان فضل ساكت للحظات بيحاول فيها أنه يستوعب كلام خالد كويس .. قال ليه بصوت مستفهم كأنه حاسي بالكلام ما واضح : كلي 😳 !!
خالد : ايوة .. يعني حتى إسمها وعمرها وحياتها كلها اتمحت من ذاكرتها .. ملاك اتعرضت لضربة قوية في راسها .. والساعات العاشتها هناك كفيلة أنها تدهور حالتها النفسية .. زيادة على الصدمات الكهربائية القوية وأخيراً اتعملت ليها عملية في الدماغ .. دي كلها أسباب ساعدت في أنها تفقد ذاكرتها كليا .. ولو أنها طلعت سليمة من الحاجات دي كلها كانت هتبقى واحدة من الحالات النادرة الي بتمر علينا في الطب العصبي .. الدماغ منطقة حساسة جدآ والضربات القوية ممكن تأثر سلباً عليها لي قدام .. بس حالياً وضعها الصحي مستقر .. هتفضل في المستشفى 24 ساعة تحت المراقبة
فاطمة : وهترجع تتذكر تاني 😰 !!
خالد : أكيد .. فقدان الذاكرة الكلي فترته أقصر .. أطولها ممكن تكون تلاتة أسابيع وممكن توصل شهر .. وكمان ممكن يكون ليوم واحد أو يومين .. ودا بيعتمد على حالة المريض ورغبته في انه يتذكر .. بس أهم حاجة ما تضغطو عليها عشان تتذكر .. اتعاملو معاها عادي جدا وتواصل حياتها بنمط طبيعي وشوية شوية هتتذكر لحد ما ترجع ليها ذاكرتها
سمر : هتقدر تتعامل مع الوضع عادي وهي ما متذكرة حتى نفسها 😕
خالد : طبعا ً .. ملاك نست الأحداث الحصلت معاها خلال ال25 سنة من عمرها بس ما فقدت قدراتها العقلية ولا فقدت مشاعرها .. وطالما هي متعودة عليكم هتتعامل معاكم بكل أريحية ..
قعد معاهم فترة وهو بشرح ليهم عن وضع ملاك وكيف يتعاملو معاها
فاطمة : الله ينتقم من العملو فيها كدا .. حسبي الله ونعم الوكيل فيهم
رينا : لسة ما عرفو منو العمل كدا !!
صبري : ما قادرين نوصل ليه .. حتى الخاطفين قالو انهم اتواصلو معاه خلال التلفون بس وما عارفين اسمه أو أي معلومة عنه .. بس الشرطة لسة متابعين الموضوع
رايان بصوت هامس : حتى لو نزل لآخر أرض هجيبه هجيبه
رينا : قلت حاجة
رايان : الوقت اتأخر وملاك كويسة قوموا عشان اوصلكم البيت
مريم : انت خليك مع مرتك يمكن يحتاجو ليك .. بنمشي ب تاكسي
رينا : أمي كلامها صح .. خليك انت معاهم
سمر : انا كمان استأذنكم .. بمر عليها الصباح
رايان طلع معاهم برا واستناهم لحد ما لقو تاكسي .. بعد ما ركبو رجع المستشفى وطلع على غرفة ملاك .. أول ما دخل لقى خالد قاعد في كرسي قريب منها وهي لسة نايمة .. قعد في كنبة كانت بعيدة شوية من سريرها وهو مراقب خالد .. كان بعاين ليها بنظرات غريبة ما قدر يفهمها .. لدرجة أنه ما حس عليه لما دخل .. .. ملامحه باهتة ونظراته كأنها بتقول ليها آسف .. بعد دقايق قام على حيله واتفاجأ لما شاف رايان وهو ما حس عليه .. اتنحنح قبل ما يصلح اللابكوت بتاعه ويطلع .. رايان قام من مكانه وقعد في طرف السرير مسك يدها وفضل يعاين ليها لفترة
بعد المغرب جات رشا مع أبوها وأولادها الاتنين .. فاطمة اول ما شافتهم قامت وسلمت عليهم .. لؤي قبل ما يسلم سألهم بلهفة : ملاك صحت !!
صبري : صحت بس هسا نايمة
لؤي : كيفها !!
فاطمة بعد ما أخدت نفس : فقدت ذاكرتها
ليا : ك كيف 😳 فقدان جزئي
فاطمة : لا كلي 😞 حتى إسمها ما متذكراه
-وهسا هي كيف ؟ ماف حاجة تانية
صبري : خالد قال إنه وضعها مستقر وهتفضل يوم تحت المراقبة وبكرة هتطلع
رشا بصوت متردد : بقدر اشوفها
صبري اكتفى بإنه يعاين ليها بس .. فاطمة : أي تعالو معاي
طلعو معاها فوق ومشو غرفة ملاك .. تفاجئوا لما لقو رايان نايم جنبها في السرير وماسك يدها وهي خاتة راسها في صدرو ونايمة .. منظرهم كان حلو شديد 💙 وما هان عليهم يصحوه .. طلعو براحة ورجعوا تحت .. رايان صحى بصوت خطواتهم وقفلة الباب .. زح راسها براحة وقام من غير ما يصحيها .. طبع قبلة خفيفة على جبينها قبل ما ينزل .. لقى صبري قاعد مع جد ملاك ولؤي وقعد معاهم
صبري : رايان .. التعب ظاهر عليك .. امشي بيتك ارتاح وأرجع الصباح ليك يومين في المستشفى
رايان : لا ماف أي تعب
-يا ولدي لمن عيونك واقعة من التعب .. إذا مرضت انت بردو منو هينتبه على ملاك
رايان : ما مستاهلة رجعة للبيت .. هفضل مع ملاك لحد بكرة
-على راحتك
في قعدتهم دي جاهم خالد : ملاك صحت لو حابين تشوفوها .. بس الاحسن انه ما تدخلو ليها كلكم عشان ما تربكوها .. هفضل متابعها انا بنفسي لحد بكرة .. بتقدروا ترجعوا البيت
فاطمة : صبري انت امشي البيت وارتاح عندك شغل بكرة انا هفضل معاها هنا
رايان : حتى انتي محتاجة راحة .. ارجعي البيت وأنا بقعد مع ملاك
طلعو كلهم وفضل رايان بس معاها في المستشفى .. غرفتها كانت مريحة وما صغيرة شديد .. فيها كنبة كبيرة مريحة للنوم وكرسي جنب سرير المريضة .. كانت معاها ممرضة بتركب ليها في سيروم دم .. استنوها لحد ما طلعت بعدين دخلو ليها .. رايان قعد في الكنبة أما خالد قعد في الكرسي القريب ليها وهو ماسك لاب توب في يدو .. ساعدها لحد ما اعتدلت في قعدتها وخت اللاب توب قدامها بعد ما فتح مجموعة من الصور وبدأ يعرفها على كل واحد .. أبوها وفاطمة حتى رشا والتوأم وليان .. وأصحابها كلهم وصورها في نيويورك لحد ما وصل صور العرس .. ملاك اول ما شافت الصور رفعت راسها وعاينت لرايان لفترة طويلة لحد ما حست بوجع في راسها .. غمضت عيونها بألم واضح .. خالد شال اللاب من قدامها وطلع بعد ما عاين لرايان عشان يتبعه
رايان : ملاك كويسة !!
خالد : طبيعي أنها تحس بصداع كل ما حاولت تتذكر .. ولحد هسا ماف حاجة بتخوف
رايان رجع غرفتها بعد ما اطمن على وضعها ... لاقى الممرضة قدام الغرفة وهي شايلة أكل لملاك .. شالو منها ودخل .. اعتدلت في قعدتها وهو قعد جنبها في السرير .. بدأ يأكل فيها بحنية كأنها طفلة وهي ما أبدت أي رد فعل معاكس .. كانت بتاكل وهي ساكتة ومركزة نظرها في عيونه بطريقة أربكته .. بس كأي #رجل قدر يخبيها ويفضل ثابت .. بعد دقايق جاها خالد واداها واحدة من رواياتها عشان تقراها وتقضي بيها وقت .. رايان اتسطح في الكنبة ومن التعب اول ما خت راسه نام .. ملاك فضلت مساهرة وهي بتقرا في كتابها وبتكتشف في جزء من شخصيتها .. بدت تتثاءب ودموعها نزلت من النعاس 😴.. قفلت الكتاب وختته في التربيزة الجنبها وعاينت لرايان النايم في الكنبة .. رغم أنها راجلها زي ما قالو ليها بس ما كانت متذكرة عنه أي حاجة ولا حاسة أنها بتألفه ( من الإلفة 🌚) فضلت بتعاين ليه مسافة لحد ما نامت
==============================
ليا صحت متأخرة وبدت تجهز بسرعة .. ما كان عندها نفس تمشي المدرسة .. كل العاوزاه تقعد قصاد ملاك اليوم كله بس ملاك ما متذكراها حتى .. شالت شنطتها ونزلت تحت لقت لؤي قاعد مع أمه وهو شارد .. وصلو المدرسة وكل واحد فيهم مشى فصلو .. ليا الوقت كله تركيزها مشتت ومعظم الحصص ما فهمتها كويس .. بعد الحصة التالتة قعدت مع وسام بحجة أنه يشرح ليها .. في ظرف كم يوم بقى صاحبها وتعاملهم حلو مع بعض .. خصوصاً انه ملاك بتعرفه ف ليا كانت واثقة فيه وبتقعد معاه كتير .. مر يوم طويل لحد ما أخيراً جات الحصة الأخيرة .. مرت عليها كأنهم عشرة حصص .. قبل ما تطلع وقفت على صوت وسام بيناديها .. ردت ليه بصوت شارد : نعم
وسام : ممكن تجي معاي
ليا : وين 😕
وسام : مشوار 😉.. عشان تطلعي من الموود دا
ليا : بس ماما ما هتخليني .. حتى لؤي 😐
وسام : اتصرفي قولي ليها أي حاجة .. قولي ليها ماشة لوتين
ليا : هيوصلوني لوتين 😕
وسام : وانا هجي أسوقك من هناك
ليا : طيب هحاول .. بس نرجع بدري لأنه ملاك من المستشفى الليلة
وسام : حااضر .. بس انتي ما تتأخري
مشت بخطوات بطيئة وهي بتفكر في الموضوع .. وسام حسب الكلام البتسمعه عنه ما عليه أمان .. بس شخصيته البتعرفها هي غير .. هزت راسها كأنه بتطرد في الأفكار السلبية ومشت الباص .. طول الطريق كانت سرحانة وبتفكر تقول لأمها شنو لحد ما وصلو البيت .. قبل ما تطلع غرفتها مشت لأمها .. قالت ليها بصوت هادئ : ماما 🌚
رشا : نعم !!
ليا : عاوزة امشي لوتين 😀 .. عندنا مذاكرة مع بعض
رشا : متين ؟
ليا : العصر 🌚
رشا : طيب .. كلمي خالك يوديك وبعدين يجي يسوقك
ليا : حااضر .. ارتسمت إبتسامة خفيفة في وشها طلعت غرفتها وقفلت الباب بالمفتاح .. طلعت تلفونها من الشنطة واتصلت على وتين .. ردت ليها بصوت متعب : الو
ليا : كنتي نايمة
وتين : لا يادوب وصلت البيت
ليا : طيب شوفي انا الليلة طالعة مع وسام .. وإذا قلت لماما هتعصب علي ولؤي ممكن يدبحني .. قلت لماما اني هذاكر معاك .. ف انا هجي عندك في البيت ووسام هيجي هناك .. وبعدين هرجع ليك عشان
يسوقوني من عندك بردو
وتين : شنو يا بتي 😏 في حاجات بتحصل من وراي شايفاك الأيام دي الوقت كله معاه
ليا : وتين ما بتقدري تعيشي من غير الأفكار دي 😒!! مااف أي حاجة انتي عارفة اني كنت زهجانة وخايفة على ملاك في الأيام دي ... والولد حس أني متضايقة وحب انه يغير لي جو
وتين : طيب هحاول اقتنع وأصدقك 😏.. هتجي الساعة كم
ليا : بعد ساعة ونص كدا
وتين : الساعة أربعة ونص طالعين المغرب انتو
ليا : ما هنتأخر .. انتي بس خليك مستنياني براا
وتين : حااضر
ليا بعد ما قفلت الخط دخلت الحمام واخدت حمام طويل .. بعده نزلت تحت عشان تاكل مع أهلها .. في الغدا كلمت خالها عشان يوصلها .. أكلت بسرعة وطلعت غرفتها عشان تبدأ تجهز نفسها .. لبست فستان رمادي نص كم واصل لحد نص ساقها وربطت قميص أسود بأحمر في خصرها مع شوز أسود من Vans .. خلت شعرها البني مفرود وعملت ايلاينر ناعم وروج أحمر مات ♥.. شالت شنطة ظهر صغيرة بلون الشوز وختت فيها تلفونها ودفتر صغير وطلعت .. أول ما طلعت من غرفتها لاقاها لؤي .. عاين ليها من فوق لتحت قبل ما يقول : متأكدة انك ماشة لوتين !!
ليا : يب 😐 وين المشكلة
لؤي : كأنك بالغتي في اللبس والميك آب على طلعة عادية .. في النهاية انتي ماشة تذاكري معاها بس
ليا : عشان ماشة اذاكر معاها اطلع مبهدلة 😑
لؤي : انتي حرة أن شاء الله تمشي ليها ببكيني 😒 قلت رأيي بس
حمرت ليه ونزلت تحت .. لقت خالها مستنيها في العربية .. ركبت ووصفت ليه بيت وتين لحد وصلو .. لقت وتين مستنياها برا .. سلمت على خالها ونزلت وقفت معاها لحد ما مشى
وتين : اوهووو 🙉 طلعة عادية ولابسة كدا والروج يلخم 😌👋
ليا : وتين اتلميي 😒
وتين : طيب سكت .. هيجي متين الأفندي !!
ليا : قبل شوية رسلت ليه مسج اني قربت لبيتك .. شوية ويجي
وتين : هتحكي لي المشوار كله بأدق تفاصيله
ليا : حااضر بس خليه يجي أول .. أثناء كلامهم وصل وسام بعربية جاكوار سوداء .. نزل سلم على وتين بعدها ليا ركبت معاه واتحركو .. طول الطريق ما نطقت بحرف لحد ما وصلو البحر .. قال ليها بصوت متحمس : يلا انزلي
ليا : هنا !!
وسام : ايوة 😀 بس ما تكوني ما بتحبي البحر !!
ليا : لا بالعكس 😻 في كائن طبيعي اصلا بكره البحر
نزلت وهو لحقها بعد ما أمن العربية .. قال ليها بصوت هادئ : توقيت حلو 😊 باقي نص ساعة
ليا : على شنو 😕
وسام : على الغروب 😻 منظر الغروب على البحر هيطلعك من الانتي فيه
ليا : ما اتوقعت انك من الناس إلي بتحب الحاجات دي 😅
وسام : كنت 😄 بس حبيت الغروب بعد ما اتعرفت على ملاك
ليا : كيف ؟ ليه ما جيت وشفتها في المستشفى
وسام : عرفت من مرت أبوي أنها فقدت الذاكرة .. ما هقدر أتحمل نظرات الاستفهام في
عيونها لما تشوفني
ليا : للدرجة دي !!
وسام : طيب شوفي .. أمي وأبوي منفصلين ليهم اكتر من عشرة سنين .. أمي بعد ما اتطلقت رجعت كندا وعاشت حياتها عادي كأنه ما عندها ولد خلته وراها .. أبوي سياسي وأغلب وقته مشغول وسفرياته كتيرة .. بعد كم سنة أتزوج بنت عمرها 18 سنة عشان تخلي بالها مني .. وقتها كان عمري 10 سنين وطباعي صعبة شديد .. رغم أنه علاقتها مع ابوي ما كانت كويسة شديد بس كانت بتخلي بالها مني كأني ولدها .. كنت كل ما أكبر بتنمر زيادة .. مشاكلي في المدرسة كتيرة شديد .. كانت بتقرا في الجامعة لسة .. بس بردو ما اهملتني ولا اهلمت دراستي .. لما دخلت الثانوي بقيت أسوأ لدرجة اني اتفصلت من المدرسة من أول شهر .. مرت ابوي بقت محامية وشغلها كتير وأحياناً بتسافر .. أما ابوي اصلا سفرو كتير وبيشوفني مرة كل تلاتة شهور .. رموني في بيت حبوبتي وأي واحد انشغل بحياته المهنية .. وقتها ملاك كانت يادوب جات السودان .. اتعرفت عليها عن طريق مرت أبوي .. يمكن كانت حاسة بي بسبب المرت بيه في حياتها وأنها كبرت من غير أم .. ساقتني معاها بيتها .. قضيت معاها سنة كاملة صقلت فيها شخصيتي من الأول .. ومستواي في المدرسة بدأ يتحسن وحتى سلوكياتي اتغيرت للاحسن بسببها .. ملاك العملتو معاي لا أبوي ولا مرته ما قدرو يعملوه .. ملاك بالها طويل ومهما زهجت ما بتظهر .. تفكيرها عميق وعقليتها متحضرة .. مستحيل تتناقشي معاها في حاجة وما تقنعك بوجهة نظرها .. ياريت لو عرفتها في ظروف احسن ووقت أبدر من كدا .. اكيد ما كنت وصلت للحالة دي .. إبتسم إبتسامة خفيفة قبل ما يقول : ملاك روح ما بقدر أتخيل اني ممكن اخسرها في يوم ❤
ليا كانت مستمعة صامتة وبتعاين ليه بتأثر واضح في ملامحها لحد ما سرحت في تفاصيل وشو .. انتبهت لروحها لما أتلفت عليها .. ابتسم قبل ما يقوم ويمشي كافيه في الجهة التانية من الطريق .. طلب اسبريسو وعصير فواكه .. بعد دقايق طلبه كان جاهز .. طلع حبة من جيبه ورماها في كاس العصير 💔.. بعدها طلع ومشى على المكان القاعدة فيه ليا .. أداها العصير وهو شال الاسبرسو .. رجع العربية وطلع منها جيتار أسود 🖤 عاين ليها بنظرات صافية قبل ما يبدأ يعزف على جيتاره .. كان مدنقر راسو ومغمض عيونه وفي خصل متمردة نزلت على جبينه .. قضو وقت حلو مع بعض اتغيرت فيه طبيعة علاقتهم .. حواجز كتيرة اتكسرت بينهم .. بعدها ركبو العربية عشان يرجعها بيت وتين .. أول ما وصلت لقت وتين مستنياها براا .. ودعت وسام ودخلت مع وتين البيت
وتين : هتحكيي لي بالتفصيل حصل شنو وعملت و شنو ومشيتو وين اصلا 😏
ليا : 😒😒😒
وتين : طيب وحدة وحدة 😅
ليا : لما ارجع البيت هحكي ليك أو بكرة في المدرسة 😪 .. المهم مفروض خالي يوصل بعد دا عشان ألحق ملاك
وتين : طيب 🌚 وحمد لله على سلامتها
ليا : الله يسلمك
أثناء كلامهم خالها اتصل وقال ليها في الباب .. سلمت على وتين وطلعت
==================================
في المستشفى بعد ما خلصو إجراءات الخروج رايان كان واقف مع صبري وفاطمة تحت ... أما
ملاك كانت معاها سمر عشان تساعدها تجهز نفسها
فاطمة : رايان .. خلي رينا أختك تجهز ليك شنطتك وتجيبها ليك البيت
رايان : اتصلت عليها قبل شوية بيكونو قربو من البيت
صبري : شنطة شنو !!
فاطمة : شنطة هدومو .. خالد قال إنه أفضل ترجع البيت لأنه ذكرياتها فيه اكتر .. اكيد ما هيخلي مرتو براها
صبري : ما أظن في داعي .. اصلا هنبدا في إجراءات الطلاق
فاطمة : سجمي طلاق شنو كمان 😰
صبري : ملاك قبل ما تتخطف كانت طالبة الطلاق .. وبنتي اتخطفت بسبب الأفندي 😒
ملاك تاني ما عندها رجعة لبيته
رايان : طالما ملاك لسة على ذمتي ما هخليها لحد ما تتعافي وترجع ليها ذاكرتها وتتذكر كل الحصل بعدها لو طلبت الطلاق على عيني وراسي ما هجبرها على حاجة هي ما عاوزاها .. ولحد الوقت داك انا ما هطلقها .. تقدر تعمل العاوزو وحتى ممكن تمشي المحكمة براحتك .. بس في الآخر ما هتستفيد حاجة وهترجع بخفي حنين .. عاين ليه بطرف عينه وطلع فوق
فاطمة : الولد كلامو صح .. ماف اتنين متزوجين ما بتحصل بيناتهم مشاكل .. وملاك بتكون طلبت الطلاق في لحظة زعل بس .. الطلاق دا ما شي هين .. ملاك ما طفلة .. البت كبيرة وعندها مسؤوليات وواعية .. اكيد هتعرف تحل مشاكلها انت بس ما تتدخل بينهم
بعد شوية نزل رايان وهو شايل شنطة ملاك في يدو وسمر وملاك وراه .. أول ما نزلوا من السلم ملاك مسكت في يدو .. إبتسم ليها إبتسامة حنونة وطلعو 💙.. في العربية كان سايق رايان وصبري راكب جنبه .. أما فاطمة كانت راكبة ورا مع ملاك .. الشارع كان زحممة ف اخدو وقت أطول في الطريق لحد البيت .. دخلو العربية لحد الفيلا جوا واستقبلهم البواب عشان ينزل الشنط .. فاطمة عاينت لملاك ولقتها ناايمة 😴.. حاولت تصحيها بس ما قامت .. .. فتحت الباب ونزلت براحة
فاطمة : رايان .. ملاك نايمة وحاولت اصحيها ما صحت تعال نزلها
صبري : أنا بنزلها
رايان : هه انت 😂😂 !!
رايان كان حريص انه يذكر صبري بعمره وعن العواقب الهتحصل لو شالها وطلع بيها السلم .. دخل جوا وخلاهم واقفين جنب العربية .. رايان شال ملاك ومشى ورا فاطمة عشان توريه غرفتها .. طلعو في السلم لحد ما وصلو الغرفة ودخلو .. رقدها في السرير ونزل تحت لقى أمه ورينا قاعدين مع فاطمة في الصالة .. شال شنطتو وطلع الغرفة تاني .. طلع منها ترينيغ أبيض وتيشيرت من غير أكمام زي بتاع كرة السلة لونه رمادي 🤤.. دخل الحمام واخد شاور دافئ لحد ما حس بأعصابه راقت .. بعد ما لبس ملابسه وأثناء ما بيجفف في شعرو ملاك بدت تصرخ بهستيرية وبتقول كلمات ما مفهومة من البكى .. رايان رمى البشكير في الأرض وجرا عليها .. لقاها مكموشة في نص السرير وبتصرخ 💔 .. هزاها بقوة كأنه بيحاول يصحيها .. سكتت فجأة وعاينت ليه في وشو كأنها بتتأكد انه الكانت شايفاه مجرد وهم .. مسح ليها دموعها وطبطب على كتفها بيدو .. ساعدها لحد ما رجعت رقدت تاني وطلع .. لقاهم كلهم واقفين جنب السلم .. فاطمة قالت ليه بصوت ملهوف : ملاك كويسة 😰!!
رايان هز ليها راسو بمعنى اي : شكلها كانت شايفة كابوس
رينا : طيب إتصل على خالد يمكن الحكاية دي تتكرر
فاطمة : انا اتصلت عليه اول ما وصلنا وقال هيرسل ممرضة من المستشفى عشان تتابع علاجها
مريم : ربنا يكتب سلامتها قريب إن شاء الله
فاطمة : آمين
رينا : طيب احنا هنمشي عشان ما نزعجكم الي فيكم مكفيكم
فاطمة : هوصلكم للباب
مريم : وين صبري ما لاقيناه
فاطمة : بس وصلنا البيت وطلع طوالي قال عندو شغل
في وقفتهم دي الممرضة جات داخلة ووصفو ليها غرفة ملاك وطلعت ليها .. أما فاطمة طلعت مع رينا ومريم لحد الباب .. رايان قبل ما يقعد سمع صوت ملاك وهي بتصرخ تاني 💔 طلع السلم بخطوات سريعة لحد ما وصل الغرفة .. كانت قاعدة في الأرض وبتصرخ بصوت أعلى الممرضة : ممكن لو سمحت تمسكها دقيقة
رايان : هتعملي شنو !!
الممرضة : هديها مهدئ
رايان : خليها .. انتي بس اطلعي برا
الممرضة : لكن ..
رايان بصوت أعلى : قلت اطلعي براا 😡
الممرضة طلعت برا وخلته مع ملاك في الغرفة .. بدأ في محاولة انه يهديها بس هي لسة بتصرخ .. تحت فاطمة جات راجعة بعد ما لاقت رشا ومعاها التوأم في الباب ودخلتهم معاها .. أول ما دخل الصالة سمعو صوت صريخ ملاك .. قعد من غير ما ينطقو بحرف .. ليا ختت غطت راسها بإيديها وبدت تبكي 😢
فاطمة : يا بتي ماف حاجة
تعملوها ليها 😕
الممرضة : كنت هديها مهدئ بس الأستاذ رفض وطلعني من الغرفة
فاطمة : رايان !!
الممرضة : ايوة
فاطمة : طيب اتصلي على دكتور خالد خليه يجي
شوية كدا بدت تهدأ .. رايان قومها من الأرض ورقدها في السرير .. رغم أنها بطلت صريخ بس كانت بتبكي وبتشهق شديد .. ضماها لصدرو وطبطب على راسها بحنان 💙.. قال ليها بصوت واطي : هششش انا هنا جنبك .. فضل يطبطب على راسها لحد ما نامت وهو من التعب نام بردو 😴💙
تحت فاطمة كانت ماسكة سبحتها وبتستغفر و ليا لسة بتبكي .. اما لؤي كان ساكت وبيهز في رجله بسرعة
فاطمة : يا بتي امشي شوفيها سكتت كدا كويسة 😓
الممرضة : دكتور خالد قال مناوب الليلة وما هيقدر يجي البيت .. بكرة الصباح هيمر عليها قبل ما يمشي المستشفى
فاطمة : طيب .. امشي شوفيها ما يكون حصل ليها حاجة
مشت بسرعة لحد ما وصلت الغرفة .. دقت البااب براحة قبل ما تفتحو وتدخل .. لقتها خاته راسها في حضنه ونايمة 💙 .. وهو خاتي راسه فوق راسها ونايم بردو 💙.. طلعت براحة ونزلت
من غير ما تطلع صوت : نايمين
فاطمة : الاتنين نايمين 😕 !!
الممرضة : ايوة
فاطمة : كر علياا رايان زاتو تعبان من قعدة المستشفى 😟 خليهم يرتاحو
شوية وجا رايان نازل وشعرو منفوش والنعاس باين في عيونه .. قعد بعد ما سلم عليهم
فاطمة : ما تكون صحيت بحركة البت دي قبل شوية 😕
رايان : لا ما كنت نايم .. غفيت بس
فاطمة : كان تخليها تديها المهدئ عشان تنوم وما تتعب معاها
رايان : المهدئات دي هتضرها بعدين وهتبقى ليها زي الإدمان .. ف أحسن أنها ما تتعود عليها
فاطمة : خلاص انت اطلع نوم بردو .. التعب ظاهر في وشك
رشا : نحن نستأذن بعد دا
فاطمة : اقعدو شوية
رشا : الأولاد عندهم مدرسة بكرة والوقت اتأخر
فاطمة : طيب .. الله معاكم
مشت معاهم لحد الباب ورايان طلع الغرفة .. طفى الأنوار وخلى الابجورة الجنبها شغالة ومدية إضاءة خفيفة للغرفة .. اتسطح في السرير ونام بعد ما مسك يدها 💙
==============================
الصباح الجو كان مغيم وبينذر بهطول المطر قريب ⛅.. ليا صحت متأخرة وفوتت الباص فاضطرت رشا توصلها .. لما وصلت كان باقي على الزمن ربع ساعة .. أول ما دخلت لاقاها وسام : صباح الورد ❤
ليا بصوت متعب : صباح النور
وسام : لسة امبارح كنتي كويسة مالك لونك مخطوف 😕
ليا : نعسانة 😭 ومصددعة راسي هيتكسر .. ما عارفة هركز في الحصص كيف
وسام : تاخدي مسكن !! هيشيل ليك الصداع .. ولو ما قدرتي تركزي من النعاس بعدين بشرح ليك تاني 😉
ليا : اكييدد .. تكون ما قصرت
وسام ابتسم إبتسامة خبيثة 😏 قبل ما يقول : طيب المسكن في الشنطة تعالي معاي الفصل
ليا : يلا
#نهاية_الجزء_السادس_عشر
تواقعتكم 💭 ؟!
