" هل جربت أن تشعر بحرارة دمعك في قلبك عِوضا على أن يكون أثره على خديك ؟ هل جربت كيف تبدو صلبًا جدًا من الخارج بينما تتهاوى بك الحياة من الداخل " 💔
#ملاك
===============================
رشا وأولادها قضوا يومهم الأول من غير أي أحداث تذكر .. لؤي و ليا كانو قاعدين في غرفهم من غير ما يطلعو منها .. حتى الأكل اكلو الاتنين مع بعض في غرفهم .. أما رشا الوضع كان عادي بالنسبة ليها .. صح عاشت سنين طويلة في قطر لكن في النهاية دا بلدها الاتولدت فيه وعاشت فيه نص عمرها
الوقت كان عصر والجو حلو والقعدة ظريفة .. لؤي قرر يتخلى عن تلفونه لدقايق وينزل يقعد مع جدو وحبوبتو .. بيتهم كان عبارة عن فلة صغيرة على قدرهم .. أقل ما يقال عنها فخمهه 👌 .. فيه جنينتين أي واحدة منسقة اكتر من التانية .. في الجهة الخلفية من الفلة كانت جنينة صغيرة لكن القعدة فيها حلوة شديد .. لقى أمه و ليا قاعدين مع حبوبته وخاله .. أما جدهم كان بيلعب في ليان .. قعد جنب خاله وملامحه وااضح عليها الراحة وأنه مبسوط من القعدة هنا 😌.. عكس ليا تماما .. رغم أنها كانت قاعدة عادي وبتشارك معاهم في الونسة لكن عدم الراحة كان ظاهر في وشها .. ودا طبيعي جدا .. في ناس عندها صعوبة في التأقلم مع أي حتة تمشيها ومحتاجة وقت عشان تتكيف مع الوضع .. حبوبتهم كانت ظريفة والحنية في وشها .. أما خالهم ف كان في أواخر العشرينات من عمره .. واكيد عارفين النوع دا بيكون كيف 🤦🏻♀💔 .. أول ما لؤي قعد ضربو بقوة وهو بتكلم معاه ببشاشة : خلاص اتعودت على الوضع 😀
لؤي : الي انت شايفو 😑
-قول بسم الله 😂😂 مالك داخل علينا سخن كدا 😂😂💔 خف علينا شوية 😉
انتي يا رشا من يوم ما اتطلقتي وسافرتي من هنا تاني ما جيتي كان ترسليهم لينا براهم
رشا : هم ما حابين الفكرة وانا ما غصبتهم 😅
-انتي بس خليك كدا خربتي الأولاد وقعدتي 😒
ليا : احنا لسهه قاعدين 🙂💔
-شايفكم
لؤي : امي انا طالع
رشا : دي ما الدوحة 😕
لؤي : عاارف 😐 عاوز اطلع اشم هوا
ليا : سوقني معاك 😁
لؤي : ما بتباريني 😒
ليا : يا ماما ولدك دا محتاج إعادة تربية والله 😑💔
-كويس أنكم بتتكلمو سوداني بطلاقة 😂😂 ما رطتنو فينا رطانة الخليجيين ديل
ليا : كان قمنا صعبين 😌✋
-لا خليكم كدا كويسيين جددا 🌚
رشا : لؤي أطلع مع خالك عشان ما تضيع انت لسه ما عارف الشوارع هنا وهتضيع
لؤي : حابب اتمشى براي 🙂 ال Map عملوه ليه !! يلا سلام .. قام من جنبهم وطلع على الشارع طوالي
-الولد دا شكلو صعب 😃
ليا : ما كان كذا ☹ تصرفاته اتغيرت في الفترة الأخيرة بس
-شكلو بيحب 🌚💔
رشا : 😒😒😒😒
خلاص سكتنا 😑.. انا زاتي طالع ارتاحيي .. شال تلفونه ومفاتيح ولحق لؤي
ليا : كدا ارتحنا 😌 نقعد قعدة بنوتية كدا ظريفة بعيدة منهم
ضحكو عليها وبدو يشربو في الشاي وهم مواصلين في الونسة
==========================
ملاك طلعت مريم غرفتها مع ملاك وقاست ليها ضغطها واتحسست كم مكان من بطنها : في أي حاجة واجعاك !! أو حاسة بأي ضيق
مريم : حاسة بنفسي ما مرتاحة
ملاك : الجرح واجعك !! أو حاسة بحاجات متكتلة جوا
مريم : الجرح ينتح ويروح 💔 لكن ما شديد
ملاك : طيب هديك مسكن وانظف ليك الجرح عشان اغير ليك الشاش
رينا : يكون دا من المشي
ملاك : لسة طالعة من العملية ليها أقل من 24 ساعة بتحصل .. اقفلي الباب عشان ما يجي زول لحد ما انضف ليها الجرح بتاعها
رينا : طيب .. رينا قامت وقفات الباب وملاك بدت تنضف لمريم في الجرح .. مريم كانت مكشرة ورينا بتمسح ليها في راسها 💔.. أما ملاك ملامحها كانت ثابته وبتنضف فيه بحنيهه عشان ما توجعها 💙.. فجأة الباب دق بسرعة واضحة أنها من قبضة رجل .. ربنا قامت بسرعة فتحته وطلعت برا : في زول بخبط على غرفة مريض بالطريقة دي 😑
رايان : زعلت مني هي !! ولى ليه ما عاوزني أدخل
رينا : الدكتورة بتنضف ليها في الجرح بتاعها
رايان : اوكي .. ما هتخلص هسا
رينا : لا شوية وتنتهي .. بعد لحظات ملاك جات طالعة وهي مدخلة ايديها في اللابكوت كالعادة .. ابتسمت لرينا إبتسامة ناعمه ورينا طوالي دخلت لأمها .. أما رايان كان واقف على جنبه وهي ما لاحظت ليه .. وقف وهو متابعها بنظراته لحد ما دخلت عيادتها ودخل لأمه .. أول ما قعد جنب أمه قبلت منه على الجهة التانية 💔
رايان : انتي مقتنعه بموضوع العرس دا
مريم : والله يا ولدي انا بس دايرة مصلحتك واشوفك في بيتك ومع مرتك 😓.. عاوزة افرح بيك واشوف أولادك قبل ما الله يرفعني ليه
رايان : الله يطول في عمرك .. لازمته شنو الكلام دا
مريم : الموت حق وكلنا هنموت الدكتورة دي والله مسؤولة ورزينة ودي الهتمسك بيتك وتبقى ليك تاج فوق رأسك 💙 وهتحترمني وتقدرني
رايان : انتي يادوب عرفتيها ليك أسبوع
مريم : اسبووع كامل وانا ما قلت ليك عرسها الليلة انت هتاخد فترة تتعرف عليها على أهلها
رايان اتنهد تنهيدة طويلة قبل ما يقول ليها بصوت هادئ 😪: طول ما الموضوع دا يرضيك انا موافق
مريم كل ملامح الألم الفي وشها اختفت واتحولت لملامح فرح 💙... كان التأثر بااين في وشها وعيونها اتملت .. باسها في جبينها وهنا دموعها جات نازلة .. قالت ليه بصوت مبحوح : الله يفرحك يا ولدي زي ما فرحتني الله يسعدك ويهنيك ويعيشك مرتاح وتشوف أولادك قريب يااارب 🤲🏻
رايان : لو عارف الموضوع دا هيجيب ليه دعوات حلوة زيك كدا كان وافقت طوالي 💙
مريم : الله يحفظك يارب
رينا : امييين
في الوقت دا الباب اتخبط .. رينا قالت بصوت واطي : اتفضل
جات داخلة مرة كبيرة في السبعينات وبتمشي على عصايه ومعاها مرة تانية .. مظهرها بيقول أنها فيالأربعينات من عمرها ... مجيهة والدهب دا ما يديك الدرب لابساه لحد كوعها 👌.. والتوب دا يتشاف من بعييييد 👋.. الميك اب ولى اللبانة !! حاجة تانية خالص .. رينا اول ما شافتهم قامت سلمت عليهم : ليه اتأخرتو
-والله بس الطريق زحمه ولحد ما جانا تاكسي واخوك فات خلانا شايفاكم مبسوطين بشرونا
مريم : ولدي هيعرس 😌 لقيت ليه عروس
-ودي منو دي 😒
رينا : دكتورة هنا 😃 الدكتورة الي كانت متابعاها
المرة الكبيرة مشت وسلمت على مريم وقعت جنبها في السرير : أن شاء الله بقيتي كويسة يا بتي
مريم : والله رايان نساني الوجع كله 😊
رايان : ان شاء الله دايما 💙
-عاوزة تعرسي ليه واحدة غريبة يا مريم 😒 هسا كان عرستي ليه بنتي مالك 😑 بنت حسب ونسب ما شاء الله وما فيها عيب مرة وبت رجال 😌.. سمحه وقمراية نازلة من السما هسسسسا 😌.. وفوق دا كله بنت عمه وعارفينها كويس
مريم : الولد ما داير يعرس بنت عمته انا ما بغصبه 🤷🏻♀ وزاتو عرس الأهل دا زمان خلوهو
رينا : والله يا عمتي بنتك ما فيها عيب لكن كمان الزول يعرس من برا ويناسب ناس جداد .. الباب دق وملاك دخلت طوالي ومعاها ممرضة .. أدت مريم المسكن وركبت ليها كانيولا عشان تركب فيها السيروم .. كانو ساكتين ومااف زول اتكلم لحد ما خلصت وطلعت
مريم : ياها دي مرت ولدي 😏
-هسا يا مريم يمكن تكون طمعانه في ولدك عشان كدا حنينه معاك بنات الزمن دا ما بتعرفوا الكويسة من الكعبة
مريم : يختيي المستشفى دا كلو حقها وابوها لواء في الجيش وساكنين في فلة وكانت في أوروبا وجات قبل سنتين 😌👋
رايان : انتو عرفتو دا كلو متين 🤨
-مريم : لسة مفروض نعرف عنها حاجات كتيرة
-عااد انتي مصرة عليها قدر دا شوفي بكرة تندمك على اليوم الجبتيها فيه بيتك
رايان : افصلو السيرة دي لأنه الموضوع دا لسة عليه زمن
قعدو يتكلمو معاها شوية عشان ما تتعب .. رايان تلفونه رن وطلع برا عشان يرد .. بعد دقايق لحقته رينا .. كانو قاعدين في كراسي قريبة من الاسانسير ورايان لسة مركز مع تلفونه
رينا : شغل !!
رايان : ايوة .. انا أخدت إجازة لمدة أسبوع بس .. أول ما امي تطلع من المستشفى انا هسافر
رينا : بالنسبة لموضوع عرسك 😕 .. انت موافق ومتأكد من قرارك !!
رايان بصوت ضاحك 😂😂 : أكيد لا .. أمي مصرة على الموضوع وانا وافقت بس عشان رضاها .. بس اكيد ملاك ما هتوافق وبكدا تكون جات منها هي ما مني .. انتي ما راجعة البيت !! يزن دا كفاه جدعتيه كتير .. انا بفضل مع أمي انتي ارجعي بيتك
رينا : لازم أفضل معاها انا 😅.. بساعدها في غيارها وحاجات كتيرة انت ما بتقدر تعملها .. أثناء ما هم بيتكلمو جات مرة عمهم وحبوبتهم طالعين
رينا : ليه طالعين بالسرعة دي 😕
والله يا رينا عندنا مشاوير تاني .. بعدين الجوطة ما كويسة معاها
رينا : طيب انا هنزل معاكم تحت
ركبو الاسانسير وضغطو على زر الطابق الأرضي .. قبل ما الاسانسير يقفل جات ملاك وهي بتتكلم في التلفون .. كانت بتتكلم بصوت واطي وبتضحك ❤.. مرة عمهم كانت بتتكلم مع رينا وبتعاين ليهم بطرف عينها .. ملاك خلصت مكالمتها ودخلت التلفون في جيب اللابكوت بتاعها .. قربت منها وقالت ليها بصوت هادي : لو سمحتي
ملاك قبلت عاينت ليها بدون ما تقول أي كلمه .. واصلت كلامها وهي بتاكل في لبانتها : انتي دكتورة نساء مش عندي مشاكل كدا وعاوزة أتابع معاك
ملاك : تتفضلي في أي وقت
أن شاء الله ☺ ..
هتشوفيني قريب بما اننا هنبقى قرايب 😏
ملاك عاينت ليها بنظرات مستغربة وما قالت حاجة .. نزلو الطابق الأرضي وطلعو كلهم برا .. رينا وقفت معاهم لحد ما ركبو التاكسي الي كان مستنيهم وملاك ركبت العربية الي كانت قدام البوابة .. أول ما قفلت الباب صرخت فيها بصوت عالي :
سمر Oooh I missed you so much 😭😭😭
ملاك : كيفكك آخر مرة اتصلتي علي ولى اتكلمتي فيها معاي
سمر : انتي اديتني فرصة اطمن فيها عليك 😶
ملاك : يعني في النهاية انا الغلطانة
سمر : خلاص انا آسفة .. ليه ما حكيتي لي
ملاك : حكى ليك هو !!
سمر : لا حكت لي نور
ملاك : أيا كان الموضوع انتهى خلاص ما تبدي تديني مواعظ
سمر : علاقتكم ليها سنتين يا ملاك معقولة تنهيها بالسهولة دي !!
ملاك : كانت أسوأ سنتين في حياتي 💔 ندمت على اني جيت السودان وندمت على اللحظة الي حبيته فيها 💔.. انا مشغولة يب ما نكرت على الأقل منظمة وقتي صح كل ما ألقى فرصة اتصل عليه يقول لي مشغول والمشكلة أنه ما ملاحظ لأغلاطه .. وراميها كلها علي .. استحملته كتير ودعست على مشاعري عشانه 💔.. بس خلاص اكتفيت .. ما هفضل عايشة بالطريقة دي .. اتنازلت عن حاجات كتير عشانو وهو مستخسر فيني أبسط الحاجات .. وفوق دا كلو يقول لي بطلي شغل !! وبكل بجاحة بيقول لي ما همنعك من الكتابة كأنه بيتصدق علي بحاجة 😑💔 خلاص حاجة إسمها ليث اتمحت من حياتي 💔 وانتو بطلو تذكروني بيه كل دقيقتين هعيش حياتي زي ما عاوزة انا .. دي المرة الأولى والأخيرة الي مشيت فيها ورا قلبي
سمر : شكلها خربت خلاص ماف نتيجة من النقاش معاك
ملاك : بما إننا بنتكلم عن الموضوع دا .. ف خليني مني انتي ما عاوزة تشوفي حياتك بعد دا 😏
سمر : هتستلميني 😑
ملاك : القصة وما فيها أنه في زول قال لي اقترحه عليك وشكلو ميت في دباديبك ❤❤.. والأهم من دا كلو أنه ما زول لعب وجاادي .. هيجيب أهله ويتقدم ليك وبعد موافقتك تتعرفو على بعض
سمر : دا منو 🌚
ملاك : خالد 🙈
سمر : 😳😳😳
ملاك : ايووووة خاالد الواااحد دا
سمر : ملاك اذا رفضت ف انتي عارفة السبب شنو 🙂💔
ملاك :والله خالد رااجل وما فيه عيب وهيتقبلك زي ما انتي 💙.. وهيهتم بيك ومستحيل يزعلك
سمر : وانتي واثقة فيه 😕
ملاك : انا ما بثق في زول غيره اصلا 💙 حتى أنه ثقتي فيه كانت أكبر من ثقتي في ليث .. أول زول بلقاه وااقف معاي لما احتاجه 💙.. انا ما هجبرك عليه .. بس فكري واخدي وقتك وما تفكري في انك ناقصة .. والله هيحبك زي ما انتي
سمر : طيب .. هفكر .. انتي ما عاوزة تاخدي إجازة بعد دا
ملاك : هنزل إجازة قريب إن شاء الله .. عاوزة أسافر نيويورك عندي حاجات كتيرة عاوزة اعملها 😪.. طيب انا همشي مواعيدي جات بعد دا
سمر : مستنياك يوم السبت
ملاك : Okay sweetheart 💙
===============================
لؤي كان مركب سماعاته وبيتمشى .. المغرب وقته دخل والشمس بدت تغيب .. اتمشى طويييل لحد ما وصل كافيه شكلو ملفت .. دخل من غير ما يتردد وقعد جنب الواجهة الزجاجية البتطل على الشارع .. مكالمة أمه وكلامها معاه ما غاب عن بالو ولا لحظة 💔.. كان بيحس بخنقة ما مبررة وما لاقي ليها سبب 💔.. طلع تلفونه من جيبه وفتح الانستا .. كتب اسمها في البحث .. فتح حسابها وبدأ يتصفح في صورها 💙.. كانت في حاجة شاداه ليها في ظرف أيام بس اتعلق بيها شديد من غير ما يشوفها حتى .. عمل اسكرين شوت لصورها كلها وحفظهم في فايل بإسمها 💙.. طلب اسبرسو سفري وأول ما طلبه جهز شاله وطلع .. فتح الماب عشان يعرف طريق البيت .. في ظرف نص ساعة وصل البيت .. لقى أمه ولجين قاعدين في الصالة ومعاهم جدهم .. قعد جنبهم وهو بتونسو وليا شوية شوية بدت تاخد على الوضع .. كانو بشاغلو فيها ومشغلنها ليها بالعرس
-خلاص اول ما تمتحني نعرس ليك 🌚
لؤي : دا منو التعيس الي هيعرسها دا 😂😂
ليا وهي مطلعة ليه لسانها : ننن 😝 هو يطول أساساً
-مالها حلاتهاا وحلاة الدنيا عليها بتشبه أختها 😀 عندكم نفس الشامة
ليا كانت بتضحك على كلام جدها رغم أنها استغربت في حكاية الشامة دي لانها ما حصل لاحظت اذا ليان عندها شامة ولى لا ..لؤي زفر بإنزعاج وااضح كلهم لاحظو ليه 😤.. انتفض وطلع على غرفته فوق
ليا : يا ماما ولدك دا ما طبيعي 😑
رشا : بيكون من تغيير المكان بس يمكن يكون اشتاق لأصحابه
ليا : ممكن .. طيب انا طالعة اشوفه .. قامت بسرعة وجرت وراهو
================================
مرت خمسة أيام بسرعة وبدون أي أحداث مهمة .. ملاك واصلت حياتها عادي وهي كل يوم بتتعافى من جروحها شوية شوية .. ليث كان كل يوم بجي المستشفى وبيستناها برا لحد ما تطلع عشان يشوفها من بعيد .. مريم بدت تخف أو شبه اتعافت لحد ملاك كانت بتطمن عليها كل يوم وبالعصر بتنزل تتمشى معاها في المستشفى تحت .. كل يوم يمر هي بتكبر في عين مريم زيادة 💙.. لحد ما جا اليوم الي هتطلع فيه وخلصو إجراءات خروجها من المستشفى .. رينا شالت رقم ملاك قبل ما يطلعو من المستشفى عشان تفضل على تواصل معاها .. وصلو بيتهم الي كان شبه مليان ضيوف .. كلهم جو عشان يستقبلو مريم اول ما تصل .. طلعوها غرفتها وفضل رايان قاعد معاها لحد ما رقدت في السرير .. قالت ليه بصوت متحمس : بكرة في العزومة هتصل واعزم ملاك وامها .. ولما تجي هتكلم مع أمها وافاتحها في موضوع العرس
رايان : الي تشوفيه انتي 🙂.. باسها في جبينها وطلع مشى غرفته .. اخد حمام سريع وغير هدومو الي كان لابسها .. اتمدد في سريره في محاولة منه أنه ينوم بس ما قدر .. طلع قعد في البلكونة وهو بيتأمل في السماء .. كان بفكر في كلام أمه وحماسها لموضوع عرسه والخيبة الي هتصيبها لما ملاك ترفض 💔.. عقله فضل يودي ويجيب لحد ما غفى في مكانه
#نهاية_الجزء_السابع
تواقعتكمم ^^
