مشيت جبت كراساتي من الاوضه وانا ماشه اوضت اخواني جاتني دودو (اختي الصغيرة للناس النسو يعني)جرتني من بلوزتي
دودو: مل(بتقول لي مل طبعا على اساس الاسم صعب وكدة بس بقت على الالف دي لكن مرة بتقولها ومرة لا شغاله على كيفها ههه) اندي هتمثي المدسه وتهليني فبيت بلاي(انت حتمشي المدرسه وتخليني في البيت براي)
انا:كيف براك يا دودو معاك ماما ومهند ومدثر وقصي و بعدين انا حامشي المدرسه وحاجيب ليك حلاوة كل يوم
دودو:هنودي بمثي الدامعه ومدثل ما بدي البيت بدلي بدي متاخل وانا بتون نومته وتصي ما بتلم ماي ولا بلاب معاي(هنودي بمشي الجامعه ومدثر ما بجي البيت بدري بجي متاخر وانا بكون نومته وقصي ما بتكلم معاي ولا بلعب معاي )
انا:لكن انا بجي بدري وبلعب معاك طوالي واي حاجه دايراها بجيبها ليك وبعدين انت امي دي عارفاها حوامه بتمشي ناس خالتو سلمى (بت خالتي معرسه وعندها بتين واحده اكبر مني بي سنه ووحده اصغر مني بي سنه وولدين وواحد في اولي اساس وااخر واحد في الروضه بس حيكون محور اساسي مع الاكبر مني بي سنه والاصغر مني بي سنه اسمها ليان الكبيرة وهديل الاصغر مني بي سنه) حومي معاها والعبي مع ناس حمودي وجمولي(ديل الصغار)
دودو:طيب
انا:رضيتي
دودو:ايوة
انا:طيب يلا لي ناس هنودي
مشينا ليهم لقيت ليك كل واحد في عالم تاني مدثر كان مديني ضهرو وفاتح التلفون قولته ليهو
انت يا هنودي كل يوم جاريه وراك بت وهن الخفيفات اللفيفات يتمايلن وانت غير فلانه ديك ما شايف زول التقول عمتك(طبعا قاصده مدثر انا وهنودي فهمني ياخ هنودي دا فردتي اوقسم*)
مهند:بس تقولي شنو البت قولت عسل عليها بسيطه
طوالي مدثر حمر ليهو
مهند:لكن يعني كان ما كان في زول كدة بغير عليها كان شلبتها منو
انا :عليك الله يا مدثر فتش لي معاك واحد يكون دسيس
مهند :اممللل
انا:خلاص صدقت انت يعني؟؟
مدثر:والله ولا محتاجه اشوف ليك بكرا الاولاد كلهم بجرو وراك وانا زاتي كما انت اخوتي كان شلبتك وعرستك عديل كدة
مهند:يا ولد انت بدل ما تشوف قرايتك مباري الصياعه
في اللحظة دي دودو جرت لي قصي قالت ليهو:ارح يا تصي الأب مأي(العب معاي)
قصي:لا
دودو:اليك الله يا تصي مله وهدة(عليك الله يا قصي مرة وحده)
قصي: قولته ليك لا ياخ خليني(قالها بي صوت عالي لغايت لمن دودو زعلت)
قامت طوالي دودو قالت لي:
