دخلته وقولت لي قصي امشي خلاص فصلك قعدت في الكنبه الاولى في الجزء الفي النص وكان لسه فضل لي الجرس قريب الساعه والوقت بدري وزهجانه وما بعرف زول فكرت امشي لي مدثر لكن قولته بيكون مع صحبانو ما اخرب ليهم ونستهم المهم قعدت كدة اتعرفت على بنات وطبعا في بنات خفيفات نوع الجايين للاولاد ديك قام في ولد كده شكلو هاادي قعد جنبي قال لي:السلام عليكم
انا:وعليكم السلام
الولد:انا سامي
انا:وانا امل
سامي:اتشرفنا
انا:لي الشرف
ساني:بالمناسبه انتي جبتي كم
انا:267 وانت
سامي:270
انا:ماشاء الله اول مرة اشوف لي ولد قراي كدة
سامي :هههه لي ما عندك اخوان
انا:عندي تلاته واخت لكن يعني اخواني ما قرايين عشان كدة استغربت وبعد دا كلو قاعد قدام ما زي الاولاد الباقين كلهم متخمين ورا
سامي:لا عادي اي ولد ممكن يجيب كدة ازا اجتهد اما بالنسبه للاولاد ما عندي ليهم شي
المهم جرس الطابور دقا وكلو كان كلام ومقدمات للثانوي وكدا بعد التلاته حصص الاوائل جا الفطور
انا:حسستني انك حفيد نيوتن في حصه الرياضيات ما شاء الله طلعت زكي تاني لو اي حاجه ما فهمتها حامسكك طوالي عشان تشرحها لي
سامي: هههه طوالي هو انا لاقي
الهم اليوم الاول عدى لمن خلاص رجعين البيت طلعت وقفت جمب باب المدرسهة مستنيه مدثر وقصي لسه ما كان جا المهم وقفت شويه كدة قام جا ولد كدا حلاتو لكن شكلو ما ريحني نهائي وهو من اولاد تالته بس لقيتو جايه علي وقف جمبي قالي:ممكن نتعرف؟؟
انا:لا معليش
وبعدت منو لكن تاني وقف جمبي قالي: ممكن توريني لي ما دايرة تتكلمي معااي وهو اصلا انت لاقيه زيي وبعدين بنات حواء راقدات ؟؟ ليهو:على ما اعتقد انا جايه اقرا ما جايه اتعرف على اولاد فارغين زيك وعلى ما اعتقد انت جيت المدرسه لي نفس السبب اما بالنسبه للبنات انا ما ماسكاك من يدك؟؟ لا قلت ليك ما تمشي ليهم ؟؟ طبعا لاطيب ممكن تخليني فحالي؟؟ ده شنو المختل عقليا ده
ومشيت خليتو داير يولع من الغضب المهم لقيت مدثر طلع قولته ليهو:مالك طلعت متاخر كدة
مدثر:والله الاستاز اب كريشه دا مسكنا
انا : هههههه كان سمعك بقطعك المهم قصي دا ما جا اتاخر شديد ياخ
مدثر:هدا ليهو وصل
