طبعا بعد كم يوم النتيجه طلعت وما كانت بطاله وبعده جات الاجازة واحلى ما في الاجازة النوم والفون في يوم وانا فاتحه الفيس ((انا الكبيرة ما عندي فيس والشافعه عندها فيس غااايتو محن)) بعاين في طلبات الصداقه جزبني اسم مكتوب عليهو*سمسوم*
انا : اجي دا حاسي بي شنو دا وهو منو زاتو ومرسل لي طلب لي ما علينا
المهم رفضت الطلب بعد خمسه دقايق في زول رسل لي في الواتس
الزول : السلام عليكم
انا : وعليكم السلام
الزول : كيفك
انا : تمام بس ما عرفتك
اازول : كدي فكري وبعدين انت منو القال ليك ترفضي طلب الصداقه حقي
انا : اهها يعني انت سمسم
الزول : ما سمسم سمسوم
انا : طيب ما عرفتك ...حاسه بانك سلمى (( واحدة صحبتنا لكن ما شديد))
الزول : خلاص بقرب ليك طيب انا ولد
انا : ولد؟؟؟
الولد : ااي ما بتعرفي اولاد
انا : ما في ولد عندو رقمي
الولد : في ولد قاعد جمبك في الكنبه عرفتيهو
انا : ساااااامي
سامي : ااااخيرا
انا : كيفك وربي مشتاقين ...لكن انت اسمك سمسوم؟؟
سامي : بالاكتر ... لالا دا دلعي بس ...اهاكيف مع الاجازة
انا : ملل وانت
سامي : برضو الحاله وحدة اها جديدك؟
انا : كلو قديم ومشرط
سامي : ههههه يا زوله الحمد لله على كل حال
انا : نعم بالله يلا عن ازنك انا رايحه اتغدا
سامي : ازنك معاك
مشيت اتغديت واتونست مع ناس هنودي و دودو وصليت العصر وجيت حضرت فلم في ام بي سي بوليود بعد ما انتها مشيت صليت المغرب وتااني جيت فتحت التلفون لقيت كميه من الرسايل رديت على المهمة بس ولقيت سامي مرسل لي
سامي : مساء الخير
انا : مساء النور
سامي : داير اسألك
انا : اتفضل
سامي : انتي داخله النادي الجمبكم دا
انا : اااا قصدك نادي بوارس
سامي : اي ياهو
انا : اي كان سجلته لكن خليتو لي فترة كدة
سامي : طيب ما ممكن الليله تجي ؟؟
انا :؟؟ Now
سامي : ابوة
انا : انت مسجل فيهو
سامي : ايوة وباقي الشله كلها مسجله وحسي بعد شويه جايين
انا : طيب لحظات وبكون معاكم يلا باي
سامي : باي نتقابل
مشيت كلمت هنودي وماما وقصي
هنودي : امشي لكن ما تتاخري
قصي : ارح اقدمك
انا : لالا خليك يقدمني مدثر
مدثر : منو القال ليك داير اقدمك انا
انا : مدثررر
مدثر : خلاص ارح خوفتيني زاتو ((عرفتي ليهو يا امل احييك ))
طبعا ما وصفت ليكم لبستي كنت لابسه بنطلون كحلي فاتح النوعيه المشرطه ديك لكن بي بطانه ومعاهو بلوزة ورديه اكمامها طويله لكن رافعاها ةفيها قلب كبير بالكحلي الفاتح نفس درجه البنطلون وما كنت لابسه طرحه لانو كنت عامله لي شعري مكوة عملتو ضنب حصان وطلعت خصل بالجمبتين وعملت مرطب شفايف وكنت روووعه.
بعد ما وصلنا مدثر رجع وانا دخلته واتصلت على سامي
سامي : الو اي يا امل
انا : سامي انتو وين
سامي : تحت الشجرة الجمبها ولد لابس قميص ابيض وجكت كحلي
انا : ايوة شفتك
طبعا سامي كان لابس قميص ابيض وجكت جينز كحلي زرايرو فاتحه كلها وبنطلون كحلي غامق واسبورت ابيض ونضارة كدا تبع القشرة بس زي نضارة الشمس لكن لونا ابيض مظلله بالاسود خاتيها في الجيب وطالعه لي برة
انا :هااي
كلهم : اهلين
انا : كيفكم ياخ وربي مشتاقين
الاء : والله الاجازة دي ملل بس
انا : ااي والله اشتقت ليكم ولي عباطتكم
ومعطكم
نهى : قصصدك شنو؟؟
انا : انتي الاجازة ليها اسبوعين بس وبعد ده كلوو ربيتي رويشات بالسرعه دي
ساامي : ياخ حتقضوها لينا شكل ولا شنو
ومازن ده مالو اتاخر يا الاء
الاء : ما عارفه قال في الطريق كدي اضرب ليهو
انا : جبنه سيرة القط قام ينط((ياخ انا عندي مشكله ما بتزكر الامثال حسي دة صح ولا غلط ما عارفاهو ))
