لمن وصلنا المدرسه مشيت قعدت في كرسيني سلمت على البنات لكن ما قعدت معاهم لانهم بحس بيهم مايعات كدة كلامهم كلو بابي جاي من لندن وبابي جايب لي ايفون وبابي حيشتري لي عربيه وكلامات زي دي المهم قعدت في كرسيني قام جا سامي اتزكرتو
سامي : هلا
انا : اهلين
سامي : كيفك
انا : تمام وانت
سامي : الحمد لله
المهم قعدنا اتونسنا وضحكنا لغايت لمن الجرس دقه بعديها دخلنا وفي الفسحه
سامي : انا ماشي اشتري وجاي دايرة حاجه
انا : ايوة هاك لو ممكن جيب لي معاك شيبس
اسامة : تمام
مشي وجا
سامي (معليش مرا اسامه مرة سامي وانا لخبطت في الاسامي *اقسم بالله شعر بس ) : هاك
انا : شكرا لقيتو بي كم ؟؟
سامي: بي خمسه ودة الباقي
انا : لكن انا اديتك عشرة كيف ترجع زي ما هي
سامي: اعتبريهو هدية مني
انا : لكن بالغت والله ما بقدر اشيلو منك
سامي :كان ما شلتيهو اعتبري البينا انتهى
انا : خلاص ما تزعل بس دي اخر مرة
سامي : طيب
المهم رجعنا البيت ومرت الايام ونفس الروتين ما في جديد لكن علاقتي بي سامي بقت حلوة شديد وبقيت بعتبرو زي اخواني واحد وخلاص الامتحانات قربت وفي يوم
انا : وااي يا لولا (الاء صحبتي شديد الروح بالروح ) انا الدرس داا ما فهمتو
الاء : ولا انا
انا : حسي اليفهمني ليهو منو؟؟
الاء : والله انت شايله هم الامتحانات ساي يا امل ما صعبة للدرجه دي الحياة دي بس عش تعش تنتعش
انا : الاء اسكتي مني براي زهجانه
الاء : اجي يا الدردقو قام مات حسي البدا يتكلم مع التاني منو؟؟
انا : خلاص اقطعي وشك وامشي لي مزوني بتاعك دا (دا حبيبا ههههه)
الاء : اصلا ماشه يلا باي يا بيبي
الاء مشت وانا قاعده زهجانه بحاول افهم في الدرس جاني سامي
سامي : الطالبه المجتهدة
انا : ولا مجتهدة ولا حاجه بس بحاول افهم الدرس
سامي : ممكن اشرح ليك كان ما عندك مانع
انا : بالجد
سامي : ايوة
انا : لكن حتعبك معاي اصلا انا فهمي بطيخخ ههههه
سامي : بحاول غايتو وبعدين تعبك راحه ياخ
المهم شرح لي والحمد لله فهمته
انا : بالجد تنفع استاذ ما شاء الله ما شاء الله ما نسحرك
سامي : هههه لكن انا ما رغبتي ابقي استاز
انا : اها شنو ؟؟
سامي : طبيب اسنان
انا : بالجددد وااااي
سامي : مالك يا بت خلعتيني
انا : انا زاتي دايرة ابقى طبيبه اسنان
سامي : دسيس معناها طموحنا واحد
انا : اصلي كيف حنقرا مع بعض
سامي : قولتي شنو؟؟
انا : حنقرا مع بعض
سامي : لا القبالها
انا : اصلي كيف
سامي اتفقع ضحك لمن الناس بقو يعاينو لينا
سامي : اتعلمتي الكلمه دي من وين دي حقت اولاد ههههههه
انا : ما قلت ليك عندي اخوان بقولها اخوي مدثر البقرا هنا
سامي : والله غايتو ضحكتيني اول مرة اسمعها من بت
