انا : عاادي الموضوع ايزي ما اول مرة اقولها ويعدين انا ما بحسبوني مع البنات لانو بيتنا عبارة عن عصابه بي دودو اختي اتقلبت ولد
سامي : هههههههه
المهم الايام عدت كدة والامتحانات جات قبل الامتحات بيوم
هنودي : امولتي ياخ وربي مشتاقين مالك بقيتي ما بتسالي مننا؟؟ خلاص افتريتي علينا
انا : والله ما كدة يا هنودي لكن بس شغاله قراية والمواد صعبه
مدثر : بزااات الكيمياء
انا : اي انا من خلال فهمي ليها عررفتها بانها مادة تحاول اقناعك بان رجل اخرس قال لرجل اطرش ان رجل اعمى شاهد رجل مقطوع الرجلين يجري وراء رجل مقطوع اليدين ليحاول منعه من سحب شعرة من راس رجل اصلع(*صدقت اووووغسم)
قصي : اعوز بالله متين لحقتي تتعرفي عنها دة كلو انتو شهر ما تميتو
انا : انت متين جيت قبل شوية مش طلعت
قصي : ااي مشيت الدكان وجيت وانت تعالي هنا مالك الايام دي مختفيه
انا : والله قرايه بس مدروشه درش
مدثر : قرايه ولاخلط وبعدين شوفتيك قبيل واقفه مع ولد دا منو؟؟((يا اخ خصوصيات ماف))
انا : دا My heart
هنودي : شنوووو؟؟؟؟((كككتمت))
انا : بهظر بهظر دا صحبي بس ما اكتر
قصي: والله يا امل ما عرفتك
انا : كيف ياخ اختك دسيسه
المهم الامتحانات عدت بي خيرها وبي شرها وااخر يوم في الامتحانات كنا قاعدين شلتنا كلها طبعا عملنا شله بتتكون من سامي والاء ونهى وعمر ومازن وانا
ومعانا تاني ناس لكن نحنا السته عاملين شله برانا من غير ديك يعني علاقتنا بي بعض حلوة شديد
الاء : رايكم شنو الليله بي مناسبه نهاية الامتحانات نمشي الكورنيش كلنا
نهى : برانا ؟؟
الاء : ااي عادي
نهى : لالا انا ما بقدر
انا : انا ما عندي مشكله وبعدين انت يا نهى قريبه مننا وانا اصلا حاقول لي قصي يوصلني وبالمرة نوصلك معانا
نهى : طيب افكر
الاء : نهههى
نهى : خلاص خلاص موافقه
الاء : اها وانتو ساكتين كدا مالكم
سامي : انا ما عندي مشكله
عمر : وانا كمان
مازن : وانا خلاص نجي العصر عشان المغرب قعدتنا ما ظريفه والناس ما تفكر غلط
كلنا : تمام
لمن رجعتا البيت كلمت قصي قالي طيب ومشيت كلمت امي قالت لي ما مشكله لكن تعالي بدري مشيت اتغديت وقعدت في التلفزيون وحضرت مسلسل (*مكانك في القلب هو القلب كله*)لمن انتهت مشيت لبست بنطلون جينز كحلي غامق ومعاو بلوزة طويله بالبمبي وحلق بمبي وطرحه مشكله بالمبي والابيض واسبورت ابيض وشنطه صغيرة بيضا كنت مزة لمن ما عرفتا نفسي
