انا :اوووو باشمهندس ما بدري ياخ
قصي : من عمرك انا زاتي حسيت نفسي جيت بدري
انا:قصييي
قصي:خلاص سكته
المهم انا الطريق كلو نايمه لمن صحيت كان قربنا نصل جينا جمب سوبر ماركت قولته لي قصي
انا :قصقص حبيبي واخوي
قصي :خير دايرة شنو؟؟
مدثر:واااي يا امل قصف ليك جبهتك
انا:انت اخرس خالص يا قصي بلييس نزلني في السوبر ماركت دا
قصي:دايرة شنو
انا:دايرة اشتري حاجات بنات
قصي :طيب هاك القروش دي بتكفي
انا :اي بتكفي
وقف لي ومشيت خميت ليك الشوكلاتات والشبسيات دي لا خليت شيتوس لا دوريتوز لا كتكات لانوتيلا حايمين بس ركبت العربيه كدا الاتنين بصوت واحد قالو لي ::دا شنو؟؟
انا:شنو؟؟
قصي :المشترياهو دا
انا:حاجات بنات
مدثر:يعني دي ياها حاجات البنات غايتو عليك جنس شي
قصي :حسي شايله مني قريب 300 جنيه عشان دا
انا :اممم(وباكل طبعا)
قصي :اديني اضوق
انا :ابيت دي حقت البنات بس مافي ولد بياكل شوكلاته الا ولد ميكي كان انت ود ميكي هاك طوالي شيل
قصي:لا شكرا خليتها
المهم وصلنا سلمت على امي قالت لي اليوم كان كيف قلته ليها كويس قلته ليها دودو وين قالت لي في الاوضه في التلفزيون مشيت ليها اديتها شوكلاته وغيرت هدومي ومشيت نومته ما صحيت الا المغرب صليت ومشيت لي ناس قصي قلته الليله ما قابلته هنودي اشتقته ليهو امشي اسلم عليهو دقيت الباب قالوا لي اتفضل لقيت مدثر ومهند صاحيين وقصي نايم قلته ليهم :هاااي
هنودي :اووو امولتي ياخ تعالي والله مشتاقين شوق الشوق
انا :بالاكتر والله
هنودي : اها اليوم الاول كان كيف
انا:موبالغه والمدرسه دي خنفشاريه عديل
مدثر:المدرسة ولا الاولاد ههههه
انا:زريف
مدثر:عارف ما ضفتي شي من عندك
