هنودي : والله يا امل امي دي لقت ليها شغل في اميركا وحتقعد كم سنه هناك وتجي عشان ناس شغلها دايرنها تجيب ليهم اخبار عن حاجه هناك وهي عارفاك ما حترضي عشان كدة كلمتني قالت لي احاول ارضيك
انا : □□□
هنودي : عليك الله يا امل ما تقولي لا كدي فكري شويه
انا : طيب حتسوق دودو معاها
هنودي : ايوة وانتي عارفه هي ما حتسوقك عشان مدرستك حتفتح قريب
انا : طيب انا حاقعد مع منو
هنودي : مع ناس خالتو مريم
انا : طيب انا موافقه لكن بشرط
هنودي : اها
انا : انو ابيت معاكم في البيت اما موضوع الاكل وكدا عن ناس خالتو تمام؟؟
هنودي : خلاص طيب
المهم الايام عدت وجا يوم السفر اصلا كان بعد كلموني طوالي بي اسبوع بس مشينا ودعناهم في المطار وبس نبكي اصلا ما كان جو ناس خالاتي وكدا بس نحنا
امي : امل خلي بالك من اخوانك ديل تمام وانتو اوعكم تزعلوها
انا : ان شاء الله يلا مع السلامه
امي : مع السلامه
ودعنا امي وانا جري على العربيه وقاعده على الشباك وببكي لانو اول مرة تسافر مده طويله زي دي
هنودي : امل عليك الله ما تبكي كلها كم سنة وتجي
انا : انا بس خايقه انو في الكم سنه دي افقدها فجأه زي ما فقدت ابوي
قصي : يا بت قولي بسم الله واستغفري والاعمار بيد الله
مدثر : امل
انا : نعم
مدثر : لا اله الا الله
انا : محمد رسول الله
لمن وصلنا البيت وروقت كدا فتحت التلفون لقيت10 مكالمات من سامي و5 من الاء و3من نهى و2 من عمرو1 من مازن مشيت دخلته القروب لقيتو كلو امل وين ياربي البت حصلت ليها شنو وحاجات زي دي طمنتهم علي ووريتهم انو امي سافرت الليله وكدا بعد مسافه جاتني رساله من سامي
سامي : امل
انا : ايوة
سامي : زعلانه
انا : من شنو بالضبط
سامي : من انو امك سافرت وكدا
انا : اممم
سامي : ما تزعلي نفسك كلها كم سنه وبتجي
انا : والله ما قادره اول مرة ابعد منها ومن دودو كدا
سامي : ما تبكي انا معاك تمام
انا : طيب...سامي
سامي : ايوة
انا : شكرا
سامي : على شنو
انا : انك دايما واقف معاي وبتصبر فيني حتى لمن بابا الله يرحمو مات كنت واقف معاي
سامي : يا بت انت هبله انا كان ما وقفت مع صحبتي الحيقيف معاها منو
