ثوفتي يا امل دلت ليك ما دعد يلأب مأي(قولت ليك ما قعد يلعب معاي)وطوالي جرت لي امي وهي بتبكي هنا انا طوالي قمت ليك عليهو لانو كترها
انا:بي انفعال كدة*والله يا قصي ياخ ما ممكن معاك ما قعد نشوفك بالايام سكتنا ما قعد تتكلم معانا سكتنا ما قعد تسالنا اخباركم شنو ولا محتاجين حاجه سكتنا لكن حتي دودو دي تعاملها كده طيب وريني هي شافعه زنبها شنو كدي بينك وبين نفسك في يوم عاملتنا زي ما الاهل بعاملو بعض ااااه طيب كدي خليك مننا في يوم شلته اختك الصغيرة دي الدكان وفرحتها زي ما اي اخو بفرح اخوتو لا انت لي كدة انا ما قادرة افهم انت لي عنصري للدرجه دي وتاني كان ما مشيت لي دودو دي ورضيتها كلام ما دايراهو معاك ..وعلي كدة طلعته وخليتهم كلهم مصدومين فيني لكن غاظني ياخ طلعت غليلي الكنت دافناهو لي زمن.
مشيت السطوح لانو لمن اكون زهجانه بمشي هناك قعدت لا قدرت ابكي لا قدرت اصرخ في النهايه سكت وعاينته للسما وانا بفكر *يا ربي حسي انا غلطت بي كلامي معاهو ده لكن هو يستاهل لانو غلطان لكن يا امل هو زول كبير وكان حيفهم براو وبعدين انا هجت شديد فيهو لمن حسيت نفسي زعلت من نفسي لانو اتكلمته مع زول باسلوب زي ده واظرف حاجه انو اخوي وكمان اخوي الاكبر مني والله يا امل بالجد المرة دي كترتيها وبعدين حامشي اعتزر ليهو و...قاطعني صوت هنودي جا فوق لانو هو الوحيد العارف انو انا بحب السطوح جا قعد جنبي قالي :يا امل انتي هنا ونحن بنفتش فيك وقالبين البيت كلو عليك(طبعا انا ساعه قاعده فوق قايلني اتحمقته وطلعته الشارع ).
