المهم الايام عدت وجات المدرسه وفي يوم في المدرسه طبعا نزلنا تانيه
سامي : امل كيفك
انا : تمام وانت
سامي : الحمد لله
ونحنا بنتونس كدا جات لجين بت مايعه وكدا وغياظة دايما متشاكلين معاها
لجين : هااي سامي كيفك
سامي : تمام
لجين : الليله عازماك عيد ميلادي لازم تجي
سامي : ما بقدر والله
لجين : لالا لازم انت ضيف الشرف كان ما جيت حازعل منك
سامي : بشوف غايتو
لجين : امل قومي لي من الكرسي دا دايرة اقعد فيهو
انا : طيب
سامي : دقيقه انتي ما شايفاها قاعده فيهو يعني
لجين : شايفاها لكن انا احق منها
سامي : بلا احق بلا بطيخ امل تعالي اقعدي محلك
انا : لالا ما مشكله خليها تقعد
سامي: امل قلت ليك اقعديي
انا : طيب(والله كان في محلك ما بتمسكن ليها البت الغياظة دي)
لجين : انت لي بتدافع دايما ليها
سامي : ما اختصاصك((شاااكوش))
لجين : لا اختصاصي وعشرة كمان اوكي
دايرة اعرف لي دايما بتعزها كدة وانا ماشغال بي كان على الحلا انا احلى منها والقروش برضو مقرشه انا وابوي عايش الحمد لله ما زيها يتيمه اب ((فكوني ليها البت دي انا))
انا : يلا يا سامي عن ازنك
وطلعت وانا ببكي بس
سامي : حسي في داعي للكلام دا
لجين : اي في داعي يا سامي انت ما فاهم انو انا بحبك
سامي : عايني بلا حب بلا بطيخ تمام انا ما بحبك افهمي شوفتي البت الشاكلتيها دي انا بحبها
لجين : بتحب البت اليتيمه عني
سامي : عايني خلاص كترتيها انتي والله تاني كان شوفتك واقفه سااي مع البت دي ما تلومي الا نفسك عن ازنك ((يا رب حبيب زي سمسوم دا ))
ومشي خلاها دايرة تغلي من الغضب انا اليوم كلو ما اتكلمته مع زول بس قاعده سااكته وسامي دا يا حليلو يشيل ويعتزر لي مع انو ما عمل شي لمن رجعت البيت غيرت هدومي وقعدت ابكي وابكي لمن اشهق وباب الغرفه كان مفتوح قام جا مدثر شكلو كان داير يشرب مويه من المطبخ قام جا شافني واقعه في الواطه وببكي من غير صوت
مدثر : امل يا بت بسم الله يا بت في شنو مالك بتبكي
انا : □□□
مدثر : امل انا بتكلم معاك
امل : ((حكت ليهو)) والله يا مدثر انا ما عملته ليها شي لكن ما عرفه لي بتعاملني كدا ((بتبكي))
مدثر : تصبر لي بت اللزينه عايني يا امل ما تشتغلي بيها دي وحده مختله عقليا سااي
انا : □□□
مدثر : خلاص ما تبكي انا معاك((وحضنها عليهو )) ((يا رب اخو زي مدثر دا ))
