بس لمن قالت كدا فقعنا ليك كلنا ضحك لمن دمعنا المهم اتكلمنا كتير كدا وقفلنا وطبعا جاء وقت الفسحه واصلو ابو يوروني وين المهم طلعنا مشينا اكلنا ومشيت منتجع الربوة ومشينا شوكليت هااووس المهم كان يوم زريف شديد
الايام عدت ومافي جديد والامتحانات جات واتعصرتا عصره جد واخواني ما قصرو معاي ماديا ونفسيا وامي كلو يوم تتصل تطمن وتقفل مني لكن معااي بدعواتها اها والنتيجه طلعت وزولتكم طلعت حفاارة جبته95/7 وما عاارفه جبتها كيف زااتو والايام والشهور عدوا والاجازة فضل ليها شهر وتنتهي وفي يوم هنودي ناداني في الاوضه
انا : ااي يا هنودي...بسم الله مالكم كلكم متجمهربن هنا لقيتو لي عريس ولا شنو
مدثر : يا ريت كان نشرت الخبر في الحله كلها
هنودي : كدي اقعدي
انا : اها قول
هنودي : والله يا امل امي دي شغلها حيمد هناك فترة طويله شديد وانا زاتي لقيت شغل هناك (( طبعا هو اتخرج ليهو سنتين نسيت ما كلمتكم اعزروني)) وامي قالت انو نمشي ليها هناك في انجلترا وتقري الجامعه هناك وبعد تخلصي بتكون هي شغلها هناك انتهي وبتجي انتي وهي واصلا مدثر وقصي عندهم جامعه حيقعدوا هنا (( طبعا مدثر كان جااب90 /4))
طبعا انا كانو رشو فيني مويه باردة الكلام كان زي الصاقعه انو صحباني وكدا يعني انا ياخوانا دايرة اخش طب سته سنه ما اشوفهم لالا كيف وسامي لا يووخ
قصي : لازم تجهزي نفسك عشان الاسبوع الجااي حتسافري
طلعته من الغرفه وانا ببكي وهم بدقو لي في الباب ولا اشتغلت بيهم واليوم كلو من غير اكل وشراب كلمت الشله وكلهم بقوا يقولوا لي لي كدا وحرام عليك ونحنا كان مفروض نخش الجامعه مع بعض وما نسيب بعض وكدا بس قولته ليهم انو الموضوع ما بيدي وكدا رسلته لي سامي رساله مكتوب فيها * عارف يا سامي انت كنت اول حب بالنسبه لي وما عارفه كان قدرت احب تاني من بعدك وانت كنت نعم الصديق والحبيب والسند وقدر ما بحاول ازعل منك ما بقدر ما عارفه لي لكن كدا احاسيسي كلها منجزبه ليك وانا سته سنه تاني ما حاشوفك وبتمني ترجع لحياتك وتنساني وشكرا علي كل شي وااسفه *
كتبت الرساله دي وانا دموعي عشرة عشرة لكن سامي رسل لي * انا ما ممكن استغني عنك بالسهوله دي انا حبيتك من جوة قلبي وحاستناك لغايت لمن تكملي قرايتك وحاجي اخطبك وحتبقي حلالي*
طبعا فرحت لانو بالجد طلع بحبني من جوة قلبو وارتحت شديد
يوم السفر : الناس كلها بتبكي الاء ونهى ومروة ومازن ومعاذ وعمر وسامي كلهم دموعهم عشرة عشرة ودعتهم واتحركته وبااي يا سودان
بعد سبعه سنوات : وصلنا مطار بورتسودان وكلمته سامي اني الليله جايه وفرح شديد وتاني يوم جا حمدن لينا السلامه لكن لمن شفتو كان ازداد جازبيه ووسامه وانا كمان كنت جميله شديد بعد اسبوع اتخطبتا وطبعا هنودي عرس شفق وعندو بت وولد تؤام ريم ورامي وقصي برضو عرس نادين وعندو بت اسمها تالا
ومدثر خاطب وعرسو حيكون معااي ودودو ببت في تالته ثانوي
يوم العرس : لابسه فستان الزفاف الابيض وانا كاني بحلم ما كنت متخيله انو سامي بحبني لدرجه انو قدر ينتظرني سبعه سنه لغايت لمن اتخرجته بالجد يا حظي فيك يا ساامي
بعد سنتين:
يا بت يا لارا تعالي هنا دا
لارا : مامي بليس اخر مرة ما بعيدها
يائيل : لا يا مامي ما تسامحيها
لارا : انت ما تدخل
يائيل : انن بتدخل
سامي : يا اولاد بطلوا نقه عزبتوا امكم دي حسا دا ملاك يعزبوه
لارا : بابي حبيبي قول لي مامي تسامحني دي ااخر مرة بليس
انا : خلاص سامحتك
يائيل : بابي انا فجأه كدا هفت لي اسمع قصه حبكم
سامي : يلا يا امل احكي
انا : لا حنحكي الاتنين مع بعض
♥~~~~~~~~النهايه~~~~~~~~~♥
Amol♥
وكدا انتهت الروايه عارفه كلفته النهايه بس يدي وجعتني وسامحوني ووروني تعليقاتكم للروايه لانو اول مرة اكتب وبالنسبه لي اسم الروايه ♥ حلمت وصار حلمي حقيقه ♥ يعني انو انا كان بحلم بحب زي سمسمو القلب بس حلمي تحقق الحمد لله تحياتي امل
سلام ♥
