Flademian Monarchy 7: Maximilian The Just

I

Napangisi si Dominique nang makumpirang ngayon ay humaling na humaling na sa kanya si Cooper, isang banyagang negosyante na ngayon ay ilang taon nang nagne-negosyo sa bansa

Sinadya niyang i-approach ito upang maisakatuparan niya ang kanyang plano. It all started with flirtibg and now, they were 'dating.' Wala itong kamalay-malay na pinapaikot lang pala niya ito.

Siyempre pa ay sinigurado niyang hindi siya kilala nito at wala itong alam sa kanyang pagkatao nang ituloy niya ang kanyang plano iyon. She used another alias and even dyed her hair. Hindi niya akalaing sa tatlong buwan lang mula nang makilala niya si Cooper ay ganoon nalang kabilis na mahuhulog ito sa kanya, halos lahat ng sabihin niya rito ay paniwalang-paniwala ito. Hindi niya alam na ganoon pala ka-naive ang lalaki.

Ni walang kahirap-hirap niyang nakuha ang password ng vault nito nang minsan kaswal nilang mapagusapan ang tungkol doon. Doon nakalagay ang lahat ng mga importanteng dokumento nito sa personal na assets nito, maging ang sa mga negosyo nito.

Ngunit naging maingat parin siya sa kanyang mga naging kilos. Bago niya pasukin at halungkatin ang vault ng intsek na negosyante ay sinigurado muna niyang buong-buo talaga ang tiwala nito sa kanya, na ni katiting ay hindi ito nagdududa sa kanya.

At iyon na nga ang nangyari. Nang sa tingin niyang ayos na ang lahat, doon siya umaksiyon at hinanap sa vault ang kailangan niyang hanapin. Ang ledger na naglalaman ng tax report nito, maging ang listahan ng mga ang supplier nito sa mga mura at pekeng software chips na siyang binebenta nito sa bansa.

  Kakompentensiya ang komapanya ni Cooper ng H.I Tech, isa sa kompanyang pagmamay-ari ng kanyang pamilya at isa iyon sa dahilan kung ginagawa niya iyon. Kaya nga't maging pati ang listahan ng mga supplier ni Cooper ay kinuha rin niya. May nabuo na siyang plano para sa lahat ng impormasyong nakalap.

Si Dalton, ang kuya niyang siya ngayong bagong chairman ng Horecois Industries ay labis na namomroblema dahil sa hatid na sakit ng ulo na dala ng kompanya ni Cooper. Nang dahil nga sa mura ang mga chipset na binebenta nito, bumaba ang sales ng H.I Tech. Dahil doon ay naging dilemma na iyon ng kanyang kapatid simula noon, kaya nga't ginawa niya ang lahat upang makatulong rito.

At isa pa, kung hindi niya binilog-bilog ang ulo ni Cooper, hindi rin maisisiwalat na hindi ito nagbabayad ng tamang buwis. Ganoon din mga pangongopya nito sa mga chipsets na iyon mula sa mga kakompentensiya nito. Sa tingin ay tama lang ginawa niya, hindi dapat siyang makonsensiya

Sa isang banda ay naaawa rin siya kay Cooper. Sa gagawin niya rito, alam niyang mahihirapan itong makabangon pang muli ito. Baka nga bukas, makalawa ay magsara ang kompanya nito at agad-agad ring ma-deport pauwi sa bansang pinagmulan nito. He has been nothing but really nice to her. Napabuga siya.

Naisip niyang kung hindi naman niya ginawa ang kanyang ginawa, baka hindi magtagal ay ang kuya niya at ang H.I Tech naman ang siyang malagay sa alanganin. Hindi niya kayang hayaan iyon, ngayon pa lang ay dapat na niyang solusyunan ang problemang malapit nang mangyari. Inagapan lang niya iyon habang maaga pa.

The first thing she did the next day was send those documents she got from Cooper's vault to all the media outlets she knew. Siyempre pa ay inunang ipadala iyon sa TV station na pagmamay-ari rin nila.

Sinigurado niyang kakalat sa buong bansa ang mga pinaggagagawa ni Cooper maging sa internet ay sinigurado niyang kalat rin iyon. Hinayaan niyang ang korte nalang at ang mga mamamayan nalang ng Flademia ang magpasya sa kung ano ang susunod na mangyayari kay Cooper.

To her, it was just a job, it was nothing personal. Iyon ang paulit-ulit na itinatatak ni Dominique sa sariling isip para hindi siya labis na makonsensiya sa tuwing may 'tinatrabaho' siya. Kapatid niya ang siyang higit na maapektuhan kung hindi niya iyon ginawa, kahit pa ang Kuya niya ay walang muwang na isa siyang corporate spy. A company espionage.