Ang Hangganan
Sinipat ko ang aking sarili sa salamin
Tunay na hindi ako perpekto
Ngunit sinong tao ba ang tulad nito?
Na waring ikinubli lahat ng mali
At naaninag ay maskarang kapuri-puri
Sinipat ko ang mga bagay na aking pag-aari
Totoong hindi magarbo’t kumpleto
Ngunit sinong tao ba ang marunong makuntento?
Na hindi naghangad ng sobra at bago
At hindi humiling ng imposibleng hangarin
Sa sandaling bawiin Niya ang kalahatan
Aling bagay pa ba ang bibigyang-saysay
Sinong tao pa ba ang titingalain at hahangaaan
Kaninong buhay ang makalalamang
At Saang sulok pa maaaring magdiwang?