Ang Libro ng Poot at Paghihiganti
Darating ang araw, hindi na kita makikita
maririnig o madadama man lang
tulad ng aking kagustuhan noon pa man.
Isa kang alikabok na di maiiwasan
palaging nariyan kahit di kailangan
perwisyo sa aking naghihingalong paningin
at dahilan ng aking kalbaryo tuwing tag-ulan.
Gagawa ako ng kuwento at ito'y ilalagay sa libro
kung saan ikaw naman ang makakikita,
makaririnig at makadadama
ng lahat ng sakit na iyong dinulot sa akin.
