ظلي💕

1"

مرينا بي مواقف وألام كتيره..ومشاكل كتيره اي كان نوعا في النهايه هي كانت وجعه ودرس لينا في الحياة وزادتنا قوة..
الحياة بتشيل منك حاجات مقابل حاجه..بس في المقابل الحاجه دي ح تسعدك ويمكن تكون دي امنيتك💜
ومهما كنت ناجح بتلقى عدو النجاح ومهما كنت غني بتلقى عدو الغنى والغيره والحسد..💔
م كل قلوب الناس طاهر زي ما انت فاكر..واتعلمنا من الليدو انو ما كل البجري وراك داير ليك الخير..
وم تزعل على فراق شخص او حاجه بتحبها لانو يمكن تكون دعوتك ذات يوم"اللهم ابعدني عن كل شر وما يؤذيني"💜
_______________________________________
______________

انا اسمي امجد عمري 16 سنه ممتحن شهاده ،امي اسمها منال ،وابوي عماد حسين،م عندي اخوان انا وحيد امي وابوي..
ح اخش في تفاصيل الروايه طوالي..
#انا من ما كنت صغير ولحد الان انا وابوي م بنتفق نهائي..لانو ابوي عصبي شديد ولمن يكون زهجان بشاكل امي بدون سبب ومرات بخلق ليهو اسباب من عندو عشان كدا انا كرهتو وبقيت م بسمح ليهو يشاكل امي..مره كنا قاعدين انا وامي في الحوش بنشرب في الشاي..جا ابوي داخل ،امي دخلت تسوي ليهو الغدا ،عاين لي نظره غريبه م فهمتا ودخل جوه..شويه كدا اسمع صراخ امي..جدعتا الكبايه من يدي وجريييت جري علي امي لقيت ابوي ماسكه من شعرا ولزاها في الارض وقال ليها مليون مره قلتا ليك م تكبي الزفت دا في الكبايه دي م بتفهمي انتي!؟،طوالي جريت علي امي ورفعتا بعد تعب وكانت بتبكي..اصلا انا امي دي نعمتي من ربنا وم برضى فيها بأي شكل من الأشكال حتى ولو كانت غلطانه مع انو هي م بتغلط على زول..يعني كونو اني اشوفا بتبكي دي كسرت نفسي زاتا..💔
قعدتها وشربتها مويه وجبتا تلج ولفيتو بي قطعه قماش وختينو في راسا محل المسكه المسكا ليها ابوي..خليتا ترقد شويه كدا لحد ما نامت ومشيت لي ابوي في الاوضه ولا دقيت ليهو الباب مع انو محزرني انو كل م اكون جاي على غرفتو ادق الباب..
دخلتا ليهو لقيتو راقد وبشرب في الشاي..
قلتا ليهو عندك نفس كمان تشرب؟..
قام على حيلو وقال لي ي ولد انا م قدرك وبعدين انا موش حزرتك تدق الباب؟ م بتفهم؟ اصلا زي امك م بتفهم..
من سيره امي دي قلتا ليهو ابوي عليك الله خلي الحركات البتسوي فيها دي امي دي عملت شنو في الدنيا عشان تعمل ليها كدا؟ لو غلطت عليك ردها لي انا م تردها ليها هي..وبعدين ياخ كيف تدقا؟في راجل بدق مرا؟..ابوي انت سندنا واحنا محتاجين ليك م ممكن البتسوي فيهو دا..

فجاءه جاني وضربني كف طاااخ وقال لي ي ولد انت الظاهر عليك امك م ربتك انا برييك..دي حاجه م حقت شفع يدخلو فيها وبعدين هي مرتي انا حر فيها انشاء الله كان اقتلا..مالك انت؟موش ماكل وشارب وبتقرا م عندك شغله بالبسويهو يلا اطلع برا قبل م اجي ادقك انت وامك الاتنين..

طلعتا من الغرفه وانا كلي غضب وفي نفس الوقت زعلان ومكسور..علي امي
.. امي دي م يستاهل كدا والله..ابوي لو لفا الدنيا دي كلها م بلقى زيها..وم اظن امي تغلط عليهو في يوم من الايام..منظر امي وهي بتبكي خلاني اكون ليها راجل واحميها من كل زول حتى من ابوي اللي مفروض يكون سندنا انا ح احميها منو💔
مشيت لي امي لقيتا صحت وبتبكي..قعدتا جمبها وبستا راسا ويدينها وقلتا ليها امي انا اخوك وسندك وراجلك البدافع عنك اصلك م تزعلي ماف زول بهبشك تاني وم تبكي كلو لي خير 💔..الكلمات دي خففت عن امي شويه مع اني واجهتا صعوبه اطلع الكلام لاني زعلان اكتر منها..💔
قالت لي الله يحفظك ي ولدي اصلا انا م عندي غيرك ربنا ينور طريقك وينجحك 💜قلتا دعواتكك بس ي امي..يلا ارح نتوضى ونصلي سوا..
فعلا اتوضينا وصلينا وانا دعيت انو ربنا يهدي ابوي ويقدرني علي حمايه امي وانو انا اكون ليها كل شي وم تحتاج غيري💜..
امي قالت لي قوم اقرا انت ممتحن..قلتا ليها طيب..
مشيت فتحتا الكتاب وقعدتا اقرا كنت شايل احياء..كانت صعببه شديد وابوي م حصل سالني القرايه كيف ولا محتاج لشنو ولا اي شي امي شغاله في صيدليه ودي الكنا بناكل منها اما ابوي م بدينا من قروشو اصلا..
(امي عمرها 35 سنه عشان م تقولو كبيره😂✋
كلاما كلام حبوبات..بس هي صحبتي وزولتي وبحكي ليها اي حاجه يعني صراحه كنت يشوف فيها الاب والاخ والصاحب واي شي ربنا يديما لي)💜(ربنا يحفظ امهاتكم واباكم واخوانكم وقرايبكم وحبايبكم💜)
كنت بقرا الاحياء درس اليوم باليوم لانو صعبه وم بقول لي امي عايز استاذ لانو كفايه عليها زاتو..
قريت زي ساعتين كدا والعشاء اذن مشيت صليت ومشيت اشوف امي وين..لقيتا في المطبخ..قلتا ليها منااالي بتسوي شنو(مرات بقول ليها منالي😂)
قالت لي قهوه لي ابوك..قلتا ليها خليها بعملاا انا..
قال لي عايز تساعدني؟ قلتا ليها ااي في مشكله؟
قالت لي تعال غسل العده دي😂😂
قلتا ليها لالا خلاص سلامتك كنت بهظر😂
مسكتني جرتني وقالت لي لالا ماف هروب براك قلتا عايز تساعدني يلا  سريع😂قلتا ليها واالمقابل؟ قالت لي خلاص عازماك اندومي..قلتا ليها كدا حبابو غسيل العده😘💜..(في زول بعزمكم زيو ولا تشرب شاي بليمون؟؟🐸)

غسلتها كلها ومشيت تميت مذاكرتي وجاتني امي قالت لي تعال هاك الاندومي..مشينا اكلناها انا وهي قلتا ليها انتي م غسلتي العده تاكليها معاي ليه؟😒
قالت لي اشتريتا انا كيف م اضوقا😂
قلتا ليها دي كلها ضواقه بس كويس والله😂✋
قعدنا نتونس كداااا وبعدها مشيت كويت هدوم االمدرسه وجهزتا حاجاتي ورقدتا نمتا..
الصباح مشيت االمدرسه بي رجليني اصلا قريبه لينا م بتحتاح ترحيل..وكان عندي صحبي جارنا بنمشي سوا..اسمو خالد.بقرا معاي في نفس الفصل ونفس الكنبه 😂وصحبي شدييد...لاقيتو جمب الباب سلمتا عليهو وبدينا نمشي ساالني قاال لي تالت دي قربت تنتهي اها عايز  تمشي ياتو جامعه؟ قلتا ليهو والله م عارفه على حسب نسبتي..
قال لي تمام عشان عايز اخش معاك نفس الجامعه
قلتا ليهو ظااابط شديد❤😉
قال لي عايز تتخصص بعدين شنو؟
قلتا ليهو اسنان او جراحه..
قال لي خش اسنان ياخ..جراحه دي كل شهر نلقاك في السجن قتلتا زول😂(اصحاب يائسين😂)
قلتا ليهو انت بدل تدعمني تحبطني؟
قال لي يا زول قلتا الحقيقه انا😂
قلتا ليهو ارح خش وصلنا..
في المدرسه عندنا شله (احمد وباسل ومؤيد)بنتونس في الفسحه ونهايه اليوم ومرات ل عشان نقرا.. انا وخالد واحمد شايلين احياء الا باسل ادبي.ومؤيد هندسيه
اليوم الدراسي انتهى ورجعتا  البيت لقيت صوت عالي بكورك كنت قايلو ابوي كالعاده بس طلعت امي..
مشيت قربتا عليهم ابوي قال ليها :خساره والله الزول يتزوج زيك ويجيب ولد اخير عدمو
امي كوركت وقالت  ليهو تفو عليك ياخ م راجل نهائي انت هسى البتعمل فيهو دا ولدك لو عرفو البتسويهو م ح يريحك قال ليها ويبقى منو انشاء الله؟ اخر زمن والله ولد يقيف قدام ابوهو، امي قالت ليهو انشاء الله اسماء تضوي ليك بس انا م بقعد هنا اديني ورقتي،وولدي القلتا اخير عدمو دا ابقى راجل وجيب ليك ولد بربع رجولتو☺هههه ولدك يجي راجل كيف وابوهو خايب☺؟سبحان الله،، ولدي طلع ارجل من ابوهو ، شوف ي عماد لو م بتحبني ولامرتاح لي ولا لي ولدك امشي عرس قعّد مرتك وانا اديني ورقتي هسسي م قاعده ليك انا..زي م بدينا بالمعروف ننتهي بالمعروف
طبعا انا واقف وبسمع في االكلام عايز اشوف رده فعل ابوي شنو عشان لو كان عايز يدقا انا ادخل طواالي..بس انا اتصدمته واتخلعتا من رده ابوي..قال ليها بكل برود انتي طالق💔

#اقتباسهه...

"لا بأس هذه الحياة هي مجرد لعنة."💔

#نتلاقى..

رايكم شنو؟😀ادوني تعليق