ظلي💕

8"

قلتا ليها كدي احكي لي القصة كلها،،قالت لي طوييلة ي ولدي،،قعدتا قصادها وبقيت بعاين ليها،،شكلها م كان كبير بس عشان كانت مشلّخه ظاهر عليها كبيره،،لكن شكلها ااكبر من امي بشويه،، ختت ولدها الصغير الكان فوقها ف الارض،،قالت لي بتعرف سهام وحجه ساميه؟،،قلتا ليها سهام عمتي وساميه حبوبتي؟،،اي ليه😕
قالت لي دي ياها السبب ف مشاكلكم كلها،،
صلحتا قعدتي قلتا ليها كيف؟

قالت لي""زمااان ابوك دا كان معرس مره قبل امك،،انا وقفتا على حيلي،،قلتا ليها ابوي دا من زمان خائن يعني م هسى!،،قالت لي اقعد نتم ليك،،قمتا قعدتا ،
قالت لي ابوك كان بحب امك اكتر من اي شي والوقت داك كان بعرفا وكانوا على علاقة،،كانو بحبو بعض من زمن امك ف الثانوي وابوك اتخرج،،استنا امك لحد م خصلت مراحلها التعليمية كلها حتى الجامعه،،ويوم التخريج قال ليها ح اجيب اهلي بعد دا،،قالت ليهو خلاص كويس،،قام ابوك مشى كلم امو وامو رفضت ،،قالت ليهو انا عندي ليك وحده احسن منها ووو..الخ
ابوهو م عارضو بالعكس قال ليهو دي حياتك اختار العايزها وطواالي بمشي معاك،،بس امو م كانت راضيه وابوك عمل فيها زعلان وخلا البيت تلاته شهور،،
ف النهايه امو قالت ليهو كان عايز تعرسا عرسا لكن بشرط،،عماد ابوك طوالي فرح وقال ليها موافق،،قالت ليهو تعرس البت الح اختارها ليك دي وبعد سنه عرس البت ديك،،(منال)

(هي قالت ليهو تعرس ام امجد  بعد سنه ليه؟عشان يمكن ف السنه البت الح تعرسا ليهو امو  دي يحبها وينسى ام امجد! فهمتو؟)

قال ليها ماف كلام زي دا،،قالت ليهو ي تعمل البقولو ليك يا اما اقنع من البت ديك وانا هدي قدام ابوك بقول ليك الكلام دا،،لو عايز تعرس منال دي عرس البت الح اختارها ليك اول وبعد سنه عرس العايزها ان شاء الله جيبهم دسته،،قام ابو عماد جاط ف امو وكيف تقولي كلام زي دا وووو...الخ وحصلت مشكلة
قام عماد مشى لي امك (منال)وحكى ليها كلام امو بالنص ،،منال قالت ليهو م مشكله اسمع كلام امك وكدا كدا احنا م خسرانين شي،،ف النهايه ح نعرس،،ف البداية عماد رفض بس منال(ام امجد)اقنعتو ومشى لي امو قال ليها انا موافق على شرطك بس عندي شرط انا زاتي،،قالت ليهو قول،،قال ليها بعد السنه تتم ح اطلق البت ديك وح اعرس منال،،وم تقولي لي عرس تاني ولا غيرو انا م يجيب فوق ليها مره☺تمام؟؟قالت ليهو تمام،،وعلى كدا المشاكل انتهت لانو امجد اداها شرط زي م هي ادتو،،
وعملو العرس والبت اسمها سمر❤وسمر دي اصلا كانت بتحب ابوك من ايام الجامعه،،بس ابوك م مديها فرصه،،ف عشان كدا أم عماد لمن اكتشفت انو البت دي بتحبو وهي من عائلة معروفه وكويسه طوالي قالت ليهو احسن ليك من منال دي،،
العرس تم ورحلو شقتهم وكانوا كل جمعه بمشو لي اهل سمر ولي اهل عماد،،
وام عماد (حجه ساميه) كل م يجو عندهم بتقول ليهم لسه م بقيتو تلاته وكلام الامهات المعروف داك،،
ف النهايه امو اكتشفت انو هم عايشين زي الاخوان،،جابت عماد وزرّتو وشاكلتو ،،قال ليها انا حر ف البعملو،،قالت ليهو م راضيه عنك لو م عملتا البقولو ليك(حسبي الله من دي أم) ف النهايه عماد استسلم وعمل البتقولو ليهو بس عشان رضاها،،وبعد شهر سمر حملت ومرت الايام وولدت وجابت بت وسمتها قمر❤
وعماد بقى بحسب ف الايام بالدقيقه عشان السنه تتم ويطلقا ،،لكن بتو قال بجيها كل مره ،،
المهم السنه تمت بحمد الله وامو كانت بتشكر ليهو سمر دي عشان م يطلقا ويخليها وينسى منال،،ف النهايه طلقا وامك زعلت وعمتك سهام قالت ليهو وينا البت البسببها طلقتا بت العز  ..قام ابوهو على حسب وعدو ليهو مشى معاهو وخطبو منال..
ومشت معاهم عمتك سهام،،ولمن جو قعدت تشاكل ف عماد دا شنو البت الاخترتها دي،،شينه ومفترية وعاين ليها عامله كيف ووووو..الخ قام عماد اداها كف،،قال ليها انا اخوك الكبير مفروض تحترمي اختياري وم يحق ليك تتكلمي عنها قدامي كدا،،والشايفاها شينه دي اجمل منك زاتو،،اجمل منك شنو؟والله دي قدامك تتشاف ملكة،،وانا عاجباني بي حالا دا وعايزا وانا الح اعيش معاها م انتي ،،تمام؟
قامت عمتك بقت بتحقد على امك لانو قالت منال السبب ف تدهور علاقتها بي اخوها عماد،،
بعد العرس تما وامك بقت حامله بيك،،ومعروف انو المره بتتوحم وكدا،،يلا ابوك بكون ف الشغل ويجيب ليها الحاجات العايزاها قبل م يطلع،،وامك عندها مزاج متقلب،،مره عايزه كدا ومره م عايزه،،
يلا ف اليوم دا عمتك جاتها البيت ،،امك ضيفتها كويييس ،،يلا منال لبست توبا وقالت ليها معليش بس الوحم دا متعبني انا ماشى الدكان وجايه م بتاخر،،قالت ليها اخدي راحتك،،
لمن جات،، سهام قالت ليها يلا انا ماشى ،،حنستها تقعد بس اصرت انها تمشي،،قامت مشت،،
ولمن ابوك جا،قعد يكورك ف منال قال ليها انا امي واختي جوك هنا تمرقي عشان تقابلي الاولاد وتخليهم؟؟
منال اتخلعت وقالت ليهو اولاد شنو ي عماد انا مشيت الدكان ،،قال ليها البوديك الدكان شنو انا جبتا ليك اي شي ووو..الخ منال قالت ليهو عاين عليك الله ي عماد حاجه انت م شفتها م تتكلم فيها ساي☺💔وم انا البمشي اقابل اولاد ف الدكان (دكان شنو ،،ناس العفراء ديل ماتو؟ كدي بس عيبيها لي قال دكان قال😂😂😂)
وبعدين لو كنت ماشى اقابلهم كان قابلتهم ف المده الانت عرستا فيها وانا كنت قنعانه انو نعرس او ترجع لي تاني،،بس بقيت متمسكه بيك☺،،وبعدين سهام بس الجات امك دي تقول انا قاعده اقتلك ولا بيتي دا فيهو عقارب. ،من متين امك دي جاتني ف بيتي،،
بعدها عماد هدأ..،بس امو وسهام استمروا ف انو يحرشوهو على منال،،لحد م انت اتولدتا وكنت صغير،،
ضربو لي ابوك قالو ليهو قمر عيانه،،والوقت داك كان عمرها 3سنين..وقمر دي ابوك كان كل جمعه بجيبها ف البيت ولمن امك كانت حامل بيك كانت بتقعد جمب منال وبتهبش بطنها بتقول ليها دا اخوي صح؟وكانت عايزاك تطلع باي طريقه،،بعدها لمن ضربو ليهو انو هي عيانه
ابوك خلاكم براكم وطلع،،لحد م قمر تمت 14 سنه،،وكانت بتجي تلعب معاك كل يومين وف ولاتك هي القالت يسموك امجد،،ولمن تمت 14 سنه انت كان عمرك ي داب داخل ال 12 سنه،،واظنك كنت بتتذكر انو ف بت بتلعب معاك بس م قايل انو هي اختك كنت قايلاها وحده بنات صحبات امك صح؟،،يلا ف يوم ضربو لي ابوك وقالو ليهو م جات من المدرسة وم لاقنها ووو..الخ،،ابوك شاكل سمر ف انها م انتبهت ليها وكيف تطلع المدرسة وم تجي.. بس سهام شاكلتو وامو برضو قالت ليهو هسى لو م كان عرستا وانتبهتا لي بتك م كام حصل الحصل،،
المشكلة بقت مدوره والحقد بين امك وحجه ساميه وسهام كبر..
وبعدها ابو عماد اتوفى(كيف م يتوفى ومعاهو مره زي ساميه وبت زي سهام دي😒)
قامت امك م مشت العزاء ضربت ليهم تلفون بس لانو كانت عيانه وغير كدا خايفه من المشاكل،،فالجماعه ،،قامو استغلوا حته انو م جات دي وملو لي عماد ليهو ارسو فللل(حتى ف البكاء كيدكم عظيم؟)
وعماد بقى متغير مع امك وغير كدا حالتو النفسيه تحت الصفر من فقدان بتو وابوهو💔،،
وشوية شوية امك سندتو لحد م بقى تمام❤
لكن ف يوم مشى لي ناس امو وجا المغرب بقى يكسر اي شي قدامو ومن لحظتها اتغير ،،
وانا اشك انو حجه ساميه وسهام هم الخطفو قمر،،وانو عملو لي ابوك عمل عند شيخ،، لمن م لقوهو متفاعل معاهم وم بشاكل منال كتير وبدافع ليها قررو يكتبو  عند شيخ،،وقمر دي يا اما شالوها ناس سهام او زول  عمل فيها حاجه ،،وعلى م اذكر هي كانت ملبوسه وليها فتره م اتعالجت وم خلو شيخ م مشوا ليهو ومنها اختفت فجاءه(اعوذ بالله دا فلم رعب عديل😂💔😕) وانت هسى ح تسال نفسك انت هنا ليه صح؟تنت هنا وجابوك حجه ساميه وعمتك سهام عشان يوجعو قلب امك عليك وينتقمو منها،،
#قمتا انا مسحتا وشي بي يدي،،قلتا ليها انتي بتبقى لينا؟
قالت لي اي انا سمر زاتا مرت ابوك💔

#اقتباسهه

‏أولئك الذين يحاولون تحطيمك يتوقعون منك ردة فعل عدوانية، لذلك اهزمهم بهدوئك 🌸

#نتلاقى..